الكــذب اصبـــح أساســــي في حيـاتــــــي
السلام عليكم و رحمة الله و بركاته
انا عندي مشكله في حياتي و هي الكذب، صرت اكذب على زوجي وااايد لدرجة اني كرهت نفسي
و المصيبة اني اكذب في اشياء احسها تافهه و ما تستحق اني اكذب فيها
انا متزوجه من سنتين في بداية الزواج كنت وااايد صريحه و اللي في قلبي على لساني (و على فكره انا طووول عمري اكره الكذب و دايما صريحه) بس بعدين بدت المشاكل بيني و بينه و على اشياء تافه جدا
فبديت اكذب عشان اتجنب المشاكل و صج فادني الكذب و ما زال يفيدني في تجنب المشاكل
بس مرات زوجي يكتشف اني كذبت عليه في شي من الاشياء و يبدا يحتقرني و من غير هذا يحذرني
بس ما اتوب ارد اكذب، لاني اذا صرت صريحه معاه اتعب وااااااااااااااااايد و تصير مشاكل الدنيا على اسباب تااااااااااافهه ، و انا ألحين حامل و اتعب اكثر نفسيا و يصيدني اكتئاب من كل شي و ما اطيق نفسي و اقعد طووول يومي ابكي من المشاكل
المصيبه اني كل يوم اكره نفسي اكثر ،واقعد افكر في اللي اسويه و افكر بالله و اذا مت و انا على هالحال
في ناس يقولون ان هالنوع من الكذب حلال بس انا مادري اذا كلامهم عدل او لا (او اذا في شي اسمه كذب حلال)!!
25-03-2007, 10:14 PM
ضوابط المشاركة
العرض الشجري