السلام عليكم ورحمة الله وبركاته
هاذي المره الالف وانه اكتب عن مشكلتي مع ولدي ((عمره سبع سنوات))
باختصار شديد احسه عدواني دايما يتهاوش مع اليهال يعني اذا اروح مكان لازم في شكوى عليه ،ودايما يبي يطق ويرفس يعني اذا يمشي يشوت الباب بقوه ،يفصخ ثيابه يحذفهم بكل قوته ،وكل شي جدامه يرفسه مثلا اول ما يرجع من المدرسه يحط الشنطه على الارض ويشوتها بقوه مادري ليش يسوي جذي ،،المدرسه تشتكي منه تقولي وايد شاطر ووايد شيطان ولمن اكلمه يعطيني ظهره ولا كاني اتكلم ولا كان يسمعني ،واحسه وايد بعيد عني يعني لين اروح المه يدفعني بقوه عنه ،اروح اقوله بارقد معاه ما يبيني ،حتى احين انه بسافر ان شاءالله وهو واخته باخليهم عند جدتهم اقوله ترضى اروح عنك وانت تقعد مع جدتك يقولي روحي شاسوي فيج احس انه ما يحبني ،مره احد من اقاربي يساله انت تحب امك او ابوك يقوله احب ابوي اكثر ،ولين اساله انه يقولي اثنينكم مثل الشي ،كلمن يشتكي منه ومن تصرفاته اللي تقهر ،في بيت زوجي طول ماهو قاعد ما رقد شكاوي عليه وانه صراخ لين يروح صوتي ،ولين اروح بيت امي مثل الشي ،،ارجوكم تساعدوني وتعطوني حلول لاني مأيسه ،حتى في هاللحظه اللي انه اكتب فيها عنه هو قاعد يتهاوش مع اخوي

__________________