السلام عليكم ورحمة الله وبركاته ..

لا اجد الشخص الثقه لافضفض همومي غيركم اعزائي اعضاء المنتدى الكرام .. فقد استفدت من ردودكم في امور كثيرة واتمنى ان تساعدوني في مشكلتي هذه ..

احس بقهر واكتئاب شديد .. ما احس ان تحقق لي شي ابيه واذا تحقق ينقلب علي شر!! كل اللي اتمناه ما تحقق .. نفسي احس بالرضا والقناعة حالي حال غيري ..

ابي .. احس انه ما بغى انه يعرسني على واحد مع ان هالواحد ثقه على حد قوله وتخلى عن مسؤولياته بالنسبة لي ..


امي .. احس انها بغت الفكه مني مع اني اساعدها في امور كثيرة في البيت بس انخطبت وانا مادري بشي بسبب التربية هذا عيب وهذا حرام او بمعنى اخر (الجهل) !!


خطيبي .. هو اللي جاب لي الهم والاكتئاب هو صحيح يحبني بس جاب لي الهم والاكتئاب وبكرا يمكن اتهاوش معاه .. لما خطبني كالعاده مثل اي واحد راتبه كذا والسكن شقه والسيارة عنده .. انا وافقت لان هذه حاجات ضرورية هذه الاايام مو مثل قبل يعني .. بالاضافة لما هو متعارف عنهم باخلاقهم وطيبتهم .. بعد الخطوبة اكتشفت ان راتبه بيد ابوه يسلمه له والسيارة لاخوه بس هو دافع جزء من المبلغ لكنها باسم اخوه مو سيارته مثل ما قالوا لنا والشقه حدث ولاحرج !! سكرراب لا وعاجبته وموراضي يغير الا اشياء بسيطة منها لانها كانت شقه اخوه ..


انا احس اني انغشيت فيه ومافي مجال للطلاق لانه مرفوض بالعائلة هو يحبني وانا مرتاحه له بس ليه كذبوا اهله علينا ليه ما قالوا الحقيقة ..

في مشكلة ثانيه .. اذا اقوله بروح مشوار (يطلع روحي ) يالله يرضى يوديني هذا واحنا خطوبة بعد !!! ويتضايق لين اقوله انه احد من اهلي بيجي معانا !! واحيانا يمزح على حد قوله ويتمسخر على ابوي والا امي ..

واذا نطلع بالسيارة مشوار كل ربع ساعه يتصل فيه اخوه يبي السيارة هذه مو حاله .. !!

انا وصلت حدي حتى كرهت السيارة وقلت بكلمه بالموضوع بقول له انه ليش يتضايق من اهلي !! مع العلم اذا بطلع مشوار مع بيتهم السيارة تصير فل !! واهلي يتضايق !! وثاني شي ليش ما قالوا من البداية انه السيارة مو له والراتب في يد ابوه ..؟؟ وبكلمه عن تصرفات اخوه من نطلع مشوار يتصل يبي السيارة !! مع العلم ان اذا اخوه يطلع بالسيارة وهو يبيها ما يتصل يقوله !!


وش تنصحوني اسوي وخصوصا ان الزواج قريب مادري وش اسوي من القهر جاني اكتئاب ولجئت لكم وادعوا لي ان الله يفرج همي وغمي ..

حلي كل المشاكل من البدايه قبل الورطه الكبيره الان انتي عند اهلك ومارحتي عنده وهذا حالك لابيت ولا راتب ولا سياره اجل ايش اللي يملكه وا ضح ان اهله مسيطرين تماما على كل شي

لاتتزوجين الا وانتي ضامنه كل حقوقك واهلك يتاكدون ان البيت جاهز اقل شي ويليق بعروس وباقي الامور حليها معاه من اليوم

صدقتي

__________________
( سبحانك اللهم وبحمدك..اشهد ان لا اله الا انت..أستغفرك واتوب اليك)

اهلي على نياتهم ومايدرون عنه وانا ما قلت لهم بس اقول لهم اشياء بسيطة بس يرددون خذوهم فقراء يغنيهم الله

ادعوا لي ان الله يفرج همي وغمي

اختي العزيزه

من ناحيتي لا تسكتين بصراحه هذا حق لك وضعي اهلك بالصوره وقولي لهم على الوضع كامل

والله يييسر لك الامور

اسال الله لك التوفيق

اختك بالله جينز

__________________

اللهم تقبل منها ومنا

__________________
[move=left]

	سبحان الله وبحمده سبحان الله العظيم

[/move]

خذيها نصيحة من مجربة

لا تتزوجين الا بعد ما تضمنين ان راتب زوجك بالكامل هو لك ولزوجك فقط وان السيارة هي ملك لكم انت وزوجك وان الشقة جاهزة مثل ما انت تحبين وان خطيبك محترم اهلك وحاطهم على راسه من فوق

اما هكذا او بلاها هالزيجة من الاساس والا الوحيد اللي حيتعب و حيندم هو انت

صدقيني اختي انا ظروف زواجي هي كانت نفس ظروف زواجك بالضبط فقط انا شربت المقلب اللي خطيبك واهله يريدون يشربوه لك حذار من ان تشربيه انت

وحطي اهلك في الصورة وقولي لهم كل شي بخصوص الشقة والسيارة والراتب وحتى بخصوص خطيبك وطريقة تفكيره بهلك وايضا اخبري اهلك عن خو خطيبك واللي قاعد يسويه معاكم من تطلعون بالسيارة

ترى زيجة مثل هذي عدمها احسن واسألي مجربة شربت المقلب

طيب اختي انتي كيف عايشه حياتك مع زوجك وكيف اتصرفتي معاه !!!!!!!!!!!!!!!!

احس ان اهلي يبون الفكه مني وخصوصا ان بعدي 6 باقي اخواني 3 بنات و 3 اولاد ... وانا السابعه من اقول لهم شي يصيرون في صفه ويقولون مع الايام الظروف تتعدل واخاف اسكت واتنازل و ما اقدر استرجع شي بعدها