هذي اول مشاركة لي في المنتدى وفي أي منتدى ويا ليت ألقى منكم الجواب الشافي.

انا بنت عمري 25 سنه على قدر كبير من الجمال الحمدلله وهذا بشهادة الجميع..جامعية .اشتغل و اكمل ماجستير.
من 7 شهور تقريبا دخلت المسجر بعد انقطاع دام 3 سنوات تقريبا وتفاجات بشخص يكلمني مع اني ما اذكر من يكون لكني استجبت له وسولفت معاه .
بعد اسبوع تقريبا من الكلام معاه على المسنجر اكتشفت اني تعلقت فيه بشكل كبييييييييييييييييير وهو بعد واستمر الحال تقريبا شهر كل يوم نلتقى ونسولف على المسن. وصار كل واحد ما يقدر يستغنى عن الثاني وبعدين كلمته على الموبايل لاني ارتحت له ووثقت فيه مثل ما اثق في نفسي وكنت مضطرة بسبب ظروف سفري.
ومن خلال كلامي معاه تاكدت انه انسان واااااااااايد محترم ويخاف على مثل اهله، وقلبه احن واطيب قلب في هذي الدنيا وانا والله ما ابالغ. ...واكثر من هذا غمرني بحب ما ينوصف وانا بعد حبيته اكثرمن نفسي واهلى لانه يستحق هذا الحب.
لكن كنت احس انه يخبي عني شي لأنه فجأة يكون حزين ومرات يضعف وإنا اكلمه ويبكي الين ما يرتاح.. بس ما يقولي شو اللي في خاطره..مع اني كنت اترجااااااه انه يقولي لكنه يرفض.. ومع اصراري اعترف لي وقال(( انتي تعرفين اني احبج واااااايد وما ابي اخسرج لكن انا ما عندي الجواز)).
بصراحة انصدمت مستحيييل كيييف وهو اماراتي بكل معنى الكلمه شكل ومضمون ولهجة وكل شي !!!واكيد هذي مزحة لكنه فهمني انه امه اماراتية وبنت قبايل بعد ومعروفه اما ابوه من جنسية ثانيه لكن مولود ومتربي في الامارات.وحبيبي طول حياته عايش وسط اهل امه وما حس انه مش مواطن الا يوم كبر.وهذا الموضوع مأثر فيه واااااااايد..وخاصة بعد ما عرفني .
انا سألت عنهم وكل الناس بصراحة مدحوا في اخلاقهم وتربيتهم احسن من واايد شباب عندهم الجواز.
انا ادري انه بعد فترة بيحصل الجواز لكن محد يعرف متى...وانا رفضت اثنين تقدموا لي من عرفته لاني ما اقدر اتخيل الحياه من دونه.
الموضوع الثاني اللي صدمني بعد انه صارحني انه كبر عمره علشان ما يخسر حبي وانه( اصغر عني بخمس سنوات) تفريبا يعني عمرة الحين 21..مع انه اسلوبه وعقله يبين انه اكبر من عمره.
حاليا هو ما يشتغل لانه ينتظر الجواز (الموضوع بالنسبه له حساس ما يبي يشتغل وهو مب مواطن) الحين انا وهو نكمل في الجامعه هو يدرس بكالوريوس وانا ماستر . (هو شجعني اكمل دراستي)
نحن اتفقنا على الزواج اول ما يطلع له الجواز...وخططنا لكل صغيرة وكبيرة لزواجنا وحياتنا بعدين حتى تربية عيالنا.. لكن ما نعرف متى الجواز بيطلع .
ابي شوركم ساعدوني

لو كنتي تحبين شخص في مثل هذي الظروف بتنتظرينه والا بتفكرين بالزواج من غيره؟
لو اللي تحبينه اصغر منج بخمس سنوات..بتوافقين؟

انتظر ردودكم واعتبروني اختكم

أختي الكريمة وأرجوا ألا تتضايقي من اجابتي لكني لا أرى مقومات الزواج الناجح من خلال العرض الذي ذكرتيه! أمر آخر هل من الممكن أن تحدثينا عن تدين الأخ وحرصه على الصلاة؟؟

السلام عليكم ورحمة الله وبركاتهـ ,,

والله بعد ما قرأت ردكـ زفرت زفرة من قلبي ,,

أتوقع الداء اللى أخطرمن الايدز على البشر هو الكذب في الحب ,,

حبيبتي انا ماراح أقول انهـ ممكن يكذب لكن وحدهـ من صديقاتي حبت واحد بجنون ..

ودامت علاقتهم 8 سنين وهو كان يحبها ,,

بعـد 8 سنين قال لهـا انهـ من جنسية ثانية وانهـ كذب بعمرهـ وبعيلتهـ ,,

قليل كلمة انهـارت عليهـا ,,

حبيبتي أولا ً أهلكـ بيوافقوا تتزوجيه ؟!!

واذا كان صادق ادري صعب انكـ تعمليهـا لكن هذا الدليل ,,

اقعطي المكالمات ليـن ما يطلع الجواز وشوفي لو هو صادق أو لا ,,

سامحيني على هذا لكن انتي جيبتهـ على صحن من ذهب ,,

" حلوهـ .. موظفة .. وجنسيتكـ "

اختبريهـ هذا الاختبار البسيط ,,

انا عارفة احساسكـ مليون بالمية وأحب اقولكـ اني اخذت زوجي عن علاقة ..

لكن بعد ما اتعرفت عليهـ وقال يحبني ووعدني بزواج قلت لهـ خلاص مافي مكالمات لين الزواج ..

بالبداية مارضي وانا كان الموضوع بالنسبة لي موووت ..

لكن بعد سنة بالضبط ارسل لي رسالة انهـ جاهز وبيجي انا ماصدقت ,,

بعدهـا خليت اختي تكلم ابويا انهـ في عريس لي من طرفهـا وفعلا ً اثبت لي زوجي حبهـ ,,

هذا اختبار الحب الحقيقي حبيبتي أما الوعد الكذابة بتخليكي بنهاية الطريق معلقة بانتظار حبيب مابيجي ..

الله ييسر لكـ اللى فيهـ الخيــر ,,

والله يسعدك ويوفقك دنيا وآخرهـ ويسكنك الفردوس الاعلى انتي ومن تحبي ..

أختى الغالية أرجو الا تتضايقى من ردى ولكن اعتقد انه فى صالحك على المدى البعيد هذه الزيجة محكوم عليها بالفشل من جميع الجهات فانتى تعرفتى عليه من خلال الماشنجر لا تعلمين عنه الكثير الا ما قاله هو وكما انه اصغر منك وغير واضح المستقبل وانتى تحرصين على اتمام دراستك ارجوكى فكرى بعقلك لا بعواطفك واتمنى ان تنالى ما تتمنيه مع شخص اخر متكافئ مع ظروفك

أختيحسن شيء تتركينها
لأسباب كثيره منها
أنك تعرفتي عليه عن طريق المسنجر
وهم أصغر منك
وبعد ما عنده جواز

انتي لو فكرتي بعقلك حتعرفي انه شخص مايستاهل
لانه مو صريح مع نفسه قبل مايكون صريح معاكي وهو هدفه يعلقك معاه وبس
ويستغلك
صدقيني هذا مو حب
هذا استغلال
واضح انه شخص ماعنده ثقه بنفسه
اناني
واصلا انتي ايش عرفك انه مابيلعب بعشرة غيرك كثير من الشباب يساووها وفنانين

انا ماباحرض يقدر ماباحذرك منه وبس
لانه كما سبق وقالوا الاخوان لايملك مقومات الزواج

أختي الشغل سواء بجواز أو بدون جواز ،، اسمه شغل ،، اكل عيش ،، كيف راح يعيشك وهو لازال طالب في الجامعة !!

وثانيا هو أصغر منك وحركاته في اللف والدوران (بعد ماخذ الجواز) هذه الجمله ماخذها شماعه على كل شيء في حياته ،، تبين حركاته أن تفكيره صغير والله اعلم

اختي لا اريد أن اجرحك ،، ولكن اقطعي هذه العلاقة ،، واجعلي من يريدك يأتي للبيت ،، وليس عن طريق الماسنجر ،،

اعذريني واعذري صراحتي ،،

يا إخوان ربما يكون صادق

صراحة لا يمكن أن أقول شيء ربما أحاسب عليه يوم القيامة

كل ما أقوله إستخيري الذي لا ينام إدعي أن يبين لك ربي ماهي نوياه إن كان صادق بالتوفيق وإن كان مراوغا وكذابا يصرفه عنك

__________________

رد رائع...

5 سنوات اصغر منج!!

و ما عنده جوااز (هاي مو مشكله))

بس شلون توثقين فيه؟؟!

__________________
فقلت استغفروا ربكم انه كان غفارا(10)يرسل السماء عليكم مدرارا(11)ويمددكم بامول وبنين ويجعل لكم جنت ويجعل لكم انهرا




أستغفرالله الذي لا اله الا هو الحي القيوم و اتوب الي