الاستحمام.الملابس النظيفة.المكياج أشياء اهملتها حتى صار شكلي كأني فالخمسين
السلام عليكم..كيف الحال جميعاا؟؟قبل ما أكتب أرجو من الجميع يسامحني اذا كان الموضوع مقزز بعض الشي أو *يلوع بالكبد* بس حبيت أشاركم في هاي المشكلة و أعرف اذا أحد مر بهالمشكلة ولا لا ....اعاني من مشكلة تقريبا بعد ما تطلقت على طووول..الكل دائما ينصحني ..الأهل, الأصدقاء, كل اللي يحبوني أحسهم ما يمر يوم و ما ينصحوني بس أنا ما أقدر أتغير و لا أعرف شو السبب.
المشكلة اني من تطلقت لا عدت اهتم في نفسي و في جسدي أبدااا. السالفة اني من تطلقت :
1-كثرت من الأكل لما صااار وزني ..............<<< يعني متينه. المهم صرت أنسى أحزاااني بالأكل لين ما صااار شكلي غلط..جسمي ترهل من أشياااء كثير مثل الحمل بس السبب الاهم ان بعد ما تطلقت قلت طز فالرجال و كنت في تلك الفترة أحس اني مستحيل أتزوج مرة ثانية فيش أتعب نفسي و أضعف.
2- الحبوب الكثيرة اللي فو وجهي بطلت اعالجها..كثير من الناس يقولولي ان الحبوب تطلع من النفسية التعبااانه.و صراحة انا بطلت اعالجها ما اعرف ليش بس خلاص مالي نفــــــــــــــــــــــــــــــــــس.
3- نـــــــــــــــــــــــادرا ما أتسبح ..فالصيف فالاسبوع مرة و فالشتاء أحيانا فالشهر مرتين..خلا صار مالي نفس لا اهتم في نظافتي الشخصية و لا شي..أنا من الناس اللي نادرا ما تطلعلهم ريحة ..
4- شعر الباط أحلقه فالشهر مرة و أحيانا أتركه لشهرين أو ثلاثه.و أحيانا أتركه .....
5- صار عادي عندي ألبس الثوب مرة و ثلاث و خمس بدون ما أغسله .حت ان أكثر ملابسي صار لها قترة ما غسلتها و امي تعبت و هي تكلمني و انا اكذب عليها و اقول خلاص غسلتها.
6- شعري في كثير من الأحيان ما أمشطه .حتى يوم أروح الجامعه أو الدوام ما أمشطه بس ألفه و خلاص..يقعد أسبوع أو أسبوع و نص و بعدين أمشطه.
7- نادرا ما أشيل شعر رجولي أو ايدي أو حتى الشنب فوق فمي..حتى شعر وجهي صرت خلاص ما أشله ..
8- ما أحب أسوي مكيااج و لا أقص شعري ولا حتى أروح الصالون..<<<<حتى ما اذكر كتى اخر مرة رحت الصالون.
الصراحة..صار خلاص مالي نفس لا أتنظف و لااهتم بنفسي. الكل يقلي من الطلاق بس أنا أكذب على نفسي و أقول لا مستحيل..بس يوم أقعد مع نفسي يكون صحيح من الطـــــــــــــــلاق...كل شي بالنسبة لي انتهت حلاوته بعد الطلاق..لازلت على هالحالة هذه أربع سنين . امي و أبوي و أخواني و صديقاتي حاول يغيروني بس أنا خلاص نفسيااا ما أريد..هم يقولولي اهتمي في نفسج علشااان العريس يجي و يخطب..حاولت يوم و يومين و أسبوع بس ما قدرت حسيت ان في شي قوي مؤثر علي و مخليني خلاص ما أحب هالاشيااء ..مسكينه امي تفرح يوم تشوفني ألبس ثوب جديد و انا خاطري اسعدها بس بعدين أرجع لحيااتي اللي عودت نفسي عليها..خاطري اتغير و أصير حااالي مثل حال البنات و الحريم..اكشخ و البس و اتمكيج بس ما أقدر ..كثير من الأحيان يوم أناظر المراة أحس اني كأني فالخمسين.او فالاربعين . ..دعواتكم لي على أمل اني أتغير.
08-05-2007, 02:07 AM
ضوابط المشاركة
العرض العادي
