انا بنت عمري 21 سنه
وعندي 3 اخوان واحد منهم اكبر مني عمره 25 سنه وهو ...... متزمت ( متشدد دينياً )

قصتي بدات من شهر تقريبا لما جائني خطيب ملتزم ملتحي عمره 25 سنه وكان هذا صديق اخوي
الشاب ما شاء الله ما عليه اي عيوب
مستعد نسكن بشقه ويأثثها كويس وهو مدرس وراتبه 5 آلاف ومن عائله ممتازه وأخلاقه رائعه ووسطي وغير متشدد
وقبل أسبوعين شافني ووافق لكن الوالد بطبيعة الحال قال اعطينا مهله
وانا صاحبة أول تجربة زواج بين أخوتي وما اقدر اتخذ القرار بسرعه
بعد الشوفه باسبوع ( يعني قبل أسبوع )
جاني خاطب آخر
يشتغل مهندس في شركة إتصالات وراتبه 16 ألف وحامل لشهادة الماجستير
وهذا الشخص راح اتكلم عنه وودي انكم تعرفون مميزاته وعيوبه وطبعا هذا كلام منقول من الوالده
اولا هذا والدته لها معرفه بوالدتي من زمان
هو يصير أصغر أخوانه عمره 29 سنه وعنده 3 اخوان اكبر منه وأختين 2 اصغر منه و 1 أكبر منه
لي معرفه ممتازه بأخته الصغيره لكنها ما كلمتني في هذا الموضوع الى الآن
وهو الآن عايش مع امه وابوه واخته الصغيره في بيت هو يصرف عليه حتى انه جمع فلوسه وسوا لهم محل يدخل لهم مبلغ جدا ممتاز يحفظ لهم عيشتهم إذا تزوج
وهو عاشق للعبة كمال الأجسام يعني رياضي على مستوى عالي ومتخرج من الجامعه بمعدل 4.2 ( من جامعة البترول في المنطقة الشرقيه )
لغته الانجليزية ممتازه جدا ومتوسط في اللغه الفرنسيه وخالط ناس كثيرين من أمريكا وأوروبا في الجامعه
دائما يجمع اخوانه واهله في استراحات وطلعات وسفريات وهو اللي يكون شايل الحمل كله لأنه شخص يعتمد عليه
صلواته الخمس كلها في المسجد ( حسب كلام والدته ) ينفق كل شهر 500 ريال من راتبه على أي مركز خيري
غالبا يصوم الإثنين والخميس وأيام السنه المعروفه وأخذ عمره مرتين مره لحاله زمان والثانيه قبل سنه مع والده ووالدته وأخته وحج مره وحده قبل ثلاث سنوات برضو مع اهله وكان هو المتكفل بكل شي

في هذا الوقت اخوي شافه كان مو راضي عليه لعدة اشياء
اولا عزفه على الآلات الموسيقيه وأغانيه وتأليفه لأغانيه
انه مفتول العضلات وهذا يخليه متكبر ( ما اقتنعت بهذا السبب ) وانه ممكن يكون يأخذ هرمونات تفسد حياته وحياتي معاه

وانا كنت مصممه عليه وقارنته بالخطيب السابق
اولا الراتب اعلى
ثانيا مهتم بصحته جيدا وخطيبي السابق للاسف كان شوي متين وبكرش ( وهذا شي مهم جداً عندي )
ثالثا شغلته كمهندس وحامل لشهادة الماجستير وطموحه في تحضير الدكتوراه بعد الزواج
رابعا أختلاطه مع الناس ومع المجتمعات الأخرى في الجامعه يخليه منفتح اكثر وصاحب نظرة أبعد
انه شخص جاد ومجتهد في عمله والدليل معدله في الجامعه وشهادة الماجستير وتجميعه لاخوانه واهله في الطلعات والسفرات مع الاعلم انه اصغرهم

قلت هالكلام لاخوي وقاللي كلام حيرني
قال " تفضلين واحد يعزف على الموسيقى ويغني الاغاني على واحد حافظ القرآن ولا يسمع الأغاني "

قلت بيني وبين نفسي اني متأكده انه مو هذا السبب اللي يخليه يرفض
السبب هو اني رفضت صاحبه وهو خايف من كلام صاحبه وباقي اصحابه بهالموضوع

إلى الحين انا ما شفت الخاطب الجديد ولا شافني والوالد ان شاء الله راح يعطيه كلمه ( بعد موافقتي ) بعد يومين او ثلاثه من أجل الشوفه
وانا ما اعرف اوافق او لا

والوالده جداً مقتنعه بالخاطب الثاني
سألتها : طيب والأول خطب وشافني وقربنا نعطيه كلمه .. وش نسوي
قالتلي ما فيه نصيب لأن المساله في الأخير لازم تدورين على مصلحتك وتضمنين عيشه حلوه والرجل من عائله محترمه وأهله ما شافو منه إلا كل خير وأنه من أفضل الناس طيبه وحنان على أهله
وهو أكبرسن من الخاطب الأول عشان كذا راح يكون أعقل

أحترت ويا ليت تساعدوني

حبيبتي قبل كل شي وقبل تسمعين راي احد
استخيري
وشوفي وين راحتك ..هذي حياتك انتي
واخوك اكيد يبيلك الخير مع صاحبه او الثاني
وموفقه

__________________
( سبحانك اللهم وبحمدك..اشهد ان لا اله الا انت..أستغفرك واتوب اليك)

اختي الكريمة صلي صلاة استخارة ...وان شاء الله الله يهديك الى الطريق الصحيح .؟؟؟؟

اختي الغالية رأي مع الاخوات الفاضلات... لاتقرري قبل ان تصلي صلاة الاستخارة وإن شاءالله بترتاحين ولاتكبرين الموضوع
وإن شاءالله تيسر امورك والله يوفقك الغالية!!

اختي لا تحتاري ولا شي صلي الستخاره وانشاء اللع الي فيه الخير يوفقك ربي ويجعله من نصيبك

والله يااختي اهم شي الاستخاره

استخيري والله يكتب اللي فيه الخير

ولاتغرك الماديات


والله يوفقك

تحياتي لك

استخيري الله وان شاء الله تتوجهي الي الطريق الصحيح

اختي الكريمة...

بداية أقول كما قالت الأخوات الاستخارة قبل كل شيء...

ثم أقول و بصراحة..

عبارة شقيقك كانت قوية جدا حين قال..

" تفضلين واحد يعزف على الموسيقى ويغني الاغاني على واحد حافظ القرآن ولا يسمع الأغاني "!!!

فعلا أمر يحتاج لتوقف و تفكير عميق...

وكما أسلفت احدى الأخوات...

لا تغرك الماديات...

،،

،،

وفقك ربي لخير الدارين

استخيري الله
واكثر من مرة
وبتوفيق

__________________
سبحان الله وبحمده
سبحان الله العظيم

عليك بالاستخارة مثل ما قالت الأخوات
والله يجيب الي فيه الخير لك