السلام عليكم:

تمر خطيبتي (زوجتي ) حاليا بحالة ارتباك وخوف شديدة... وأتوقع أن الأمر طبيعي, مثلها مثل أي بنت قبل الزواج!

في الحقيقة أنا بذاتي مرتبك... لكن لا أبين لها ذلك


السؤال... كيف أخفف على مليكتي ارتباك ما قبل الزواج؟


تكفون ساعدونا!!!!!

__________________

السلام عليكم اخي الكريم اعرف شعورك جيدا فلقد خطبت امس فقط الرجاء من الاعضاء ذوي الخبرة افادتنا

والسلام عليكم

احب اقولك باسلوبك وكلامك معها تقدر تخفف عنها الخوف والارتباك اللي تحسه فيه طمنها وكلمها في الموضوع وراح ان شاءالله ترتاح وتشوف بنفسك

تعامل مهاها بهدوء ..

ولا تخليها تحس لحظة انك مرتبك ..

ثقتك في نفسك راح تزرع فيها الثقة في نفسها ..

...

اتمنى اكون افدتك ..

ومبرووووووووووووووووووووووووووووووووك عليك ..

__________________

اولا مبروووك والله يرزقكم بالذريه الصالحه

انا اتوقع لو بشوف خطيبي مرتبك راح ارتاااح

لكن يجي مبسوط ومو مرتبك كذا اخاف احسه بياكلني

<<< تفكري غريب ادري

بس الله يوفقكم ويسعدكم

الشكر للجميع على تشريف الموضوع... لكن أطمح بالمزيد من الآراء والنصايح

__________________

عاادي استحملهاا لانهاا بتكون خجلانة جدا جدا .مثلي من زود خجلي والله العظيم المعازيم فكروني مغصوبة

عليه ..........شوي شوي على البنية وانت دايما كلمهاا وبين لها محبتك واعجابك بهاا وسولف معهاا واطلب

رايهاا بس اذا كانت مستحية تجاوب لاتضغط عليهاا . وهيك لما تتعود عليك ........

السلام عليكم ورحمة الله وبركاته

أولا اخوي lucky 2211 عساك محظووظ دووم يارب .. والله يهنيك ويسعدك ويجمع بينك وبين زوجتك على خير يارب ..

اخوي نصيحه من أخت لك في الله .. أهم شي تحبه الخطيبة .. انها تحس بالأمان مع الرجل الذي ستقضي معه بقية حياته .. حسسها بالامان وانه ان شاء الله الحياة بتكون معاك رائعه ..

قول لها الاشياء اللي انت مخطط لها عقب الزواج سواء شهر العسل او حياتكم اليوميه ..

حسسها انك تبي تعيش حياتك معاها .. تبي تشاركها الكبيرة والصغيره ..

اذكر زوجي ايام الخطوبه " عقد شرعي " طبعاً .. دااايما كان يقول لي :

"بنكبر مع بعض .. وبنتعلم مع بعض .. وبنعيش مع بعض .. وبندخل الجنة مع بعض إن شاء الله "

ذكرها انك تبيها زوجتك دنيا واخره ..

حسسها انه الدنيا حلوة ببساطتها وبدون تعقيد .. وانك ماراح تسوي الا الشي اللي يريحكم انتو الاثنين ...

ويارك الله لكما وبارك عليكما وجمع بينكما على خير ..

أخواتي.. غدير الأبرار و حاملة الهم


الله يجزاكن كل الخير, كلامكن في محله... وسيدخل بإذن الله حيز التنفيذ


يعطيكن العافية

__________________

صعب انك تقنع بني آدم انه ما يخاف من المجهول لكن قولها اننا مو اول ولا آخر اثنين يتزوجون والزواج أحلى شيء ممكن يمر على حياة شاب او شابة حتى الشياب ما عندهم سوالف غير الحريم والزواج ههههههه

قولها ( ابتسمي لمثل هالمواقف ولا تفكرين سوى براحة نفسك انت ( انت فقط ))

تحياتي للجميع بالتوفيق