هذي اول مشاركه لي معاكم واتمنى تساعدوني في مصيبتي والله مو قادره استحمل..



انا متزوجه من سبع سنوات وعندي طفلين وزوجي يحبني واحبه ومو مقصر معاااي بشي وانا كذلك انسانه فاهمه وجميله يعني كثير يحسدونه علي ....

بدات المشكله من دخل زوجي عالم النت وكنت واثقه فيه لدرجه ماتتصورون....وصار يشترك في المنتديات لدرجه صار مشرف و....و...لا ومسوي نفسه عزابي وصغير وسألته ليه قال علشان محد يعرفني على نياتي...حسبي الله ونعم الوكيل.......

والله اكتب وانا مو قادره اشوف الحروف من دموعي..........من تقريبا سنه ونص اكتشفت خيانته طبعاا كانت عن طريق المنتدى وتطور الى الماسنجر ثم الى الجوال..........

واعترف لي واعتذرلدرجه انه حلف لي على المصحف انه مايرجع يكلم.......وانا سامحته ونسيت الموضوع.....ووعدني انه يطلع من المنتدى وفعلا طلع ............


لكن المصيبه انه اشترك في منتدى ثاني وحطوه مشرف مدري وش لا قين فيه.......لدرجه اي احد يسجل عندهم بنت او ولد يروح يضيفه عنده با الماسنجر ليه......والله اكتشفت با الصدفه وليتني كنت على عماي ارحم لي..........


تصورو انا دخلت ها المنتدى كنت بس ابغى اقرا مواضيعه وردوده.....بس لازم اسجل سجلت عندهم بايميل اختي هذا امس الكلام....والله ماكان في نيتي اراقبه لاني تقريبا وثقت منه........


واليوم يوم فتحت ايميل اختي والاقيه مسوي اضافه..........شفتوا طاش ما طاش.........


وقمت اصيح وادعي عليه........والله والله لو اني موظفه واقدر اصرف على نفسي وعيالي اني اتطلق وارتاح ..........احس اني منهانه

وغبيه........حسبي الله عليك
الحين هو نايم.......مدري شسوي افكر اجهز اغراضي واقول ودني بيت اهلي واكتم في قلبي اما اني اواجهه احسها صعبه وبيخلي الغلط مني لاني راقبته.........


حسبي الله عليه.......وش اسوي بموت من القهر...........مع العلم انه مدلعني دلع كل طلباتي مجابه مو حارمني من شي اخواتي حاسديني عليه طيب طيب...ومعروف باخلاقه وكبير عمره37 سنه وانا 26 سنه ..

قولوا وش دخل العمر بس اقولكم انه كبير وناضج ليه ها الحركاات



وربي افكر افضحه با المنتدى واقولهم انه متزوج وعنده طفلين.......



الله يخليكم ارشدوني شسوي...وادعولي...

اسال الله العلي القدير ياختي ان يهدي زوجك

والله يعينك على حركات المراهقه<<<<انا آسف على الاسلوب

وصدقيني معاك عذر اذا راقبتيه وتغارين عليه

يعني مامعاه حق انه يزعل اذا عرف انك تراقبينه

لان مثل هالتصرفات يستاهل الواحد يراقبه ويشوف وش يسوي!!!!!!

وانا اقول الكلام هذا رغم اني رجل

لان الصراحه هذا مابي اقول مايحترمك

لكن لو كنتي مكانه لاسمح الله كان مايرضى ابد انك تجلسين معه

ونصيحتي لك انك تواجهينه وتفهمين وش يبي او بمعنى اصح وش اللي ناقصه

اما اذا كان مجرد انه يرفه عن نفسه ويتسلى

فاعرضي عليه انك انتي تبين تتسلين بعد

وشوفي رد فعله...!!!

والله يجن جنونه

وفي الاخير

اسال الله انه يهدي جميع بنات وشباب المسلمين

ومنهم زوجك وانا

وانا آسف على الاطاله

اختي الغاليه بندوره
انا بقولك مثل الاخ الي قبلي
بس انصحك بدون انفعال ادري صعب بس هذا زوجك وابو اولادك وش بتسوين فيهم لو تركتي له البيت ورحتي تخلين اولادك ايتام وابوهم عايش
اصبري وادعيله بظهر الغيب واجلسي معه قولي انا مو زعلانه عليك انا مو ربك عندك رب بيحاسبك
بس قلي وش ناقص وانا احاول اغطي النقص
ولا تفكرين ببيت اهلك ابد ترى اذ تحملوك اليوم ما يتحملونك بكره
ولا تكلمينه اللحين وانتي معصبه خليه لبكره
ادري صعب الله يعينك ويشرح صدرك ويريح بالك
انصحك روحي صلي ركعتين واقري قران وطلع كل الي بخاطرك من بكاء
بس انتبهي عز الزوجه والعيال بيتهم
قلبي معك وربي يفرج همك وهمي وهم المهمين من المسلمين

هلا فيك اخوي سعود.....ومشكوره على ردك وفعلا انت صادق حركات مراهقين بس الى متى....

ومسأله اني اواجهه بتكون صعبه لاني عارفه ان الغلط بيكون مني ...

الله يهديه اشوف نفسي ما قصرت الا هو اللي مقصر لدرجه انه ينام بروحه ب5 ب6 ايام ويتعذر يقول احب انام عند التلفزيون كل هذاا كوم وخيانته لي كوم.........


يعطيك العافيه على مرورك والله احس اني ارتحت يوم كتبت مشكلتي لاني محتاجه احد اكلمه....


هلا فيك احلى انسانه وربي كلامك درر بس والله شي يقهر واكيد بيت اهلي مو الحل بس ابيه يحس بوجودي عنده ويفقدني.....

ومو قاطع قلبي الا عيالي وش ذنبهم اذا كان ابوهم كذا الله يصبرني .........

والله مالي الا الدعااااء......تسلمين على مرورك

اخيتي طولي بالك شوي و الله يهدي زوجك و اعلم انك مقهورة و حاسة انك انخدعت لكن احمدي ربك انت احسن بكثير من غيرك و عليك بالدعاء و صلاة الليل و ربنا يفرج همك و اقول لك خدي بالك من زوجك و اهتمي به اكثر و ما تقولي سوف اترك البيت لان دلك التصرف ليس بالتصرف الحسن و بدلك فانت تدمرين حياتك بيدك و ما دام مش قادرة تواجهين زوجك ادا انسي الموضوع و تعودي من الشيطان الرجيم و حاولي ان تجدبي زوجك اليك و الحمدلله انه بيحبك و مش مخليك محتاجة لاي شئ و بارك الله فيك و ربنا يسعدك دوما و تقبلي مروري اختي الحبيبة

__________________
[/size]

السلام عليك
ما فهمت القصد الغلط بيكون مني ارجو التوضيح

farhiaشكرا لمرورك.وكلامك صحيح بس وربي اتمنى مو بس اواجهه بس ما اقدر في ها الفتره يمكن لان نفسيتي زفت وراح يكون بينا جدال طويل واكيد احد فينا بيغلط على الثاني وانا ما ابي كذا.....الله يفرجها....


هلا اخوي الرماني فيه مثل يقول خوذوهم با الصوت لا يغلبوك وزوجي من ها الصنف رااح يحط الغلط مني اني راقبته ودخلت منتداه من دون اذنه واني مو واثقه فيه ورااح يبرر لدرجه يمكن يقول مالك شغل فيني واذا قال ها الكلمه اش راح اسوي....حكم القوي على الضعيف...مابي يكون موقفي قدامه ضعيف...

ابغى المح له او بطريقه ثانيه يكون نفسيتي هدت شوي....وممكن اجيبها بطريقه غير مباشره..

اتمنى تكون فهمت

الله يعافي زوجك مماابتلاه الله فيه

مابي ازيد كلام ..ماقصرو الاخوان كفوا ووفوا

لكن اقترحي عليه ..انه نفسك تجلسين معاه وهو عالنت
او من غير ماتقولين له ...اذا شفتيه فاتح الجهاز على طووول اجلسي جنبه ( صكي عليه )
وشوفي ردة فعلة ..

وصدقيني هو بيكشف نفسه ..بتوتره وبكذا مايدري انك كنتي تراقبينه ..او تعرفين شي عنه
وغير كذا استغليها فرصه وقولي عندي لك موقع مرررة حلو وش رايك نشوفه ( اللي هو هذا )
وان شاء يعجبه ويصرف نظر عن الخرابيط اللي ببعض المنتديات

تحياتي لك وموفقه باذن الله

__________________
حكمه غاليه أهديها لك: من وجد الله فماذا فقد ؟؟ ومن فقد الله فماذا وجد؟؟؟

بندوره وانا اختك اذ الحكي والكتابه هنا تريحك اكتبي وفضفضي
وانا اول وحده مستعده اسمعك وانا اختك
الله يريح بالك

بندوره2007 / عزيزتي


هدي نفسك


وعارفة انه اللي تمرين فيه صعب ويقهر

بس الوحدة منا مالها إلا بيتها وزوجها

وزوجك بشهادتك طيب ومومقصر معاك بشي

واجهيه بكل صراحة وقولي هذا الشي ماعاد اتحمله

علميه انه غلطان بحقك

وذكريه بعقاب الله سبحانه

وبعدين انتي ليش ماتجلسي معاه وتشاركيه على النت؟؟؟


واعطيه رأيك و بعدها بيقولك تعالي نجلس سوا


الرجل يبغى له مسايسة والكلام الحلو بيخليه تحت امرك

ومستحيل يزعلك

وفبل كذا عليكِ بالدعاء الخالص لله عزوجل بأن يهدي زوجك

ويبعده عن هذه المعاصي ويحببه فيكِ ويحببك فيه



أتمنى لكِ راحة البال والسعادة







تحيـــــــــــــــــــــــــــاتي

__________________