مرحبا يا اعضاااء

انا راح اطرح لكم مشكلة صديقه عزيزة على قلبي كثير
وهي طالبه المشوره

واتمنى انكم تقدرون تساعدوها

وهذي القصه على لسانها

تقدم لي شخص ملتزم وعارف بامور دينه وقد تم عقد القران (الملكه )

لكن بعد المكالمات معه

بدأت احس انه انسان غريبا الاطوااار

وكان يتراجع في امور كثيره

وهذه مشكله ممكن اسيطر عليها

لكن الطامه الكبرى

انه في مرة من المرات كنت اكلمه وكان يلمح ويتكلم عن صديق له

ويقول انه قد تعرض للخيانه من قبل زوجته

واخذ يلمح لي بمعنى انه انا المقصوده

الى درجه انه سمعني مقطع صوتي من جواله ( كانت وحده تكلم واحد وتواعده بسوق يسمى سوق القبه )

وسألته اين هو سوق القبه

قال انا ما ادري واتوقع انك تعرفين

وانا سكتت

وقال ما تلاحظينه ان اللي بالمقطع الصوتي

صوتها يشبه لصوتك كثير

انا زعلت منه كثير وسكرت التلفون بوجهه

حركته قهرتني

اذا هو يشك فيني الحين وهو ما عنده دليل مجرد مقطع صوتي

كيف راح تكون حياتي معااااه بعدين

ورحت قلت لاهلي بالسالفه واني ما ابيه

وبعد السالفه هذي رجع اتصل وكنت معصبه عليه وطلبت منه الطلاق

وقال ( انتي طالق )

وبعدها بكم يوم رجع لي وهو ندماااان ومن هالكلام

وبعدها قالها بصريح العباره ( انا لما شفتك كبرتي السالفه وقلتي لاهلك
اثبتي لي انه اللي بالمقطع الصوتي مو انتي علشان كذا ارتحت )

انتهى ....


تعليقي

اتمنى منكم انه توجهونها للطريق الصحيح هي ما تبيه الحين
بس تخاف من كلام الناس
وبرضو يكون احسن تكون مطلقه قبل الدخول افضل من انها تكووون بعده

ولا شرايكم

نورها الله نور عليكم في دنيتكم واخرتكم


دمتم بووود

وبانتظار ارائكم .......

بما أن البنت مازالت في بيت أهلها .. وتحت رعايتهم ..
فأعتقد بأن راأهم هو الذي يجب ان يمشي ..
بمعنى إذا رأوا أنه مخطئ ولا يستحق أبنتهم فلا يقبلون بأن ترجع إليه ..
وهم أدرى بمصلحتها ..

تصلي استخارة
وعسى الله يوفقها

الحمــد لله أنه لــم يبني بها

أختي الغــالية مـع أني والله لا احــب أن أوجه لأحد نصيحة في شيء يبغضه الله مثل الطلاق

لــكن بما أن هــذا الرجــل (مهــوّس) وراعي شكوك والله انصحها تبتعد عنه

لأن كثير موسوسين مثل هذا يسببون جحيم لزوجاتهم في داخل البيوت


ولو كان مستقيم وملتزم (فهــذا على غير خلق) دين لكــن خلق الله اعلم به ؟؟؟؟؟؟؟؟؟

الرجل العــاقل مثل حبيبنا وقدوتنا صلى الله عليه وسلم ما يجعل زوجته محــل شك إطلاقاً

والجمــيع يعرف قصة الإفك (لم يوجه النبي صلى الله عليه وسلم لعائشة الصديقة بنت الصديق

لم يوجه لها الاتهام ولم يشكك فيها رضي الله عنها وهي التي لم يبق احد في المدينة إلا وساوره الشك

إلا أبابكر والرسول صلى الله عليه وسلم

فالرجل العاقل الطبيعي المتزن لا يشك في زوجته أو قريبته البته .

اما المصاب بالوسوسة فهذا يعذب زوجته تعذيب وينكد معيشتها

يحدثنا احد المشايخ يقول ان هناك رجل لا يخرج من باب شقته حتى يضع _لزّاق_(شطرطون) على باب

الشقة , لأجل يعود فإن وجده على ماهو عليه فهذا يعني ان المرأة عفيفة , وإن وجده تغير حتى ولو

كان هناك زائر من اهل الزوجة جعل شقتهم تلك اللية فرع من فروع ادارة المباحث والتحقيق الجنائي

انصحك تنصحينها اذا لم تكن صاحبة صبر انصحك تبعدينها عنه


وعلـــــــيهـــــا بالاستـــــخارة قبل كــل شيء

أو أنها تصارحة وتــحذره من هذه المسألة وتأخذ عليه عهد بأن لا يكررها


(كل كلامي يعد رأي شخصي) لك ان تقبليه ولك ان ترفضية

فالمسألة مسألة طرح حلول للأخت وهــذا ما لدي

__________________

ابتداء من 1 رمضان القادم ستبدأ الحملة الاسلامية الكبرى لمقاطعة امريكا

بصراحه انا اقول لها تنفضل احسن
اذا هذي من البدايه كذا
وبعدين مشكلة الشك خطيره
يعني تحط في بالها اذا طلعت معه
وجات عيونها على واحد من الشباب
او تكلمت عن واحد يقرب لها او امدحت واحد
بيكبر السالفه وبيسوي لها سالفه خطيره
وكيف يشك فيها كذا,, اصلاً كيف قدر يقولها كذا
اذا من الحين شك وطلاق بعدين وش راح يصير
وماعليها من كلامه يوم جاء ندمان
احسن لها تقطع علاقتها فيه
واذا هي تحس نفسها تقدر تتحمله
عادي ,, تكمل معه

بس هذا على سبب ماهوب هين يعني مو بهالسهوله يتهمها كذا
والمفروض ماتتنازل له
وكيف بهذي السهوله طلقها

بكيفها تسوي اللي يعجبها
بس تراها ابتتعب معه كثيييييير
يعني الله يعينها

واللللللللللللللللللللللللللللللللللللللله ماأستمر معه هذا مو شكاك وبس إلا مريض نفسيا ..

يعني حراااااااااااااام مافيه اي دليل يخليه يشك فيها والصوت مو دليل كثير من النساء أصواتهم تتشابه..

بالعكس تحمد ربها إنه شخص حار أو بالأصح شخص غبي ماتحمل لحد ماتدخل عليه مايدري إنه بيده تتركه..
المفروض تحمد ربها هذا إنذار وتنبيه من الله إنه تبعد عنه..والللللله يستر إذا ماسجل صوتها بعد ..
والأطم من ذلك يدق عليها ويطلقها.."ضربني وبكى سبقني واشتكى"واللللله أغرب قصة قريتها..

وشكرا أختك براود...

خل تستخير وتشوف

ومن وجهة نظري ان صعب الوحده تعيش مع زوج شكاك هاي لين الحين مابدو حياتهم سوا كذا عيل الله يستر من عقب

عليهـــــــــــآآ بصلآلآلآلآة الااسخـــــــــــــــاارة



ووإن شالله لوو ماا كاان فيه خيـــررر الله بيبااعد بينه وبينهم ولوو في آخــرر لحظـــة




واااالله كريـــــــــــــــم

الله يعطيكم الف الف عافيه
بارئكم وردودكم النيره

وانا راح انقل لها وجهات نظركم
ان شاء الله

والله بيهديها للطريق الصحيح باذن الله

لاتعتبر كلام الناس شيء هذي حياتها هي
يعني لو ماسوت مشكله كان ماطلعت بريئه !!!!!!!!!!!!!!!!!!!!!!!!!!!
وبعدين ماتعتبر مطلقة تعتبر فاسخه ملكتها و تفسخ الملكه ألحين أفضل من طلاق إذا بيستمر بالتفكير
هذا و الله أعلم