أكتشفت إني للآن حافظة رقمه !!! - منتدى عالم الأسرة والمجتمع

09-08-2007, 12:03 AM

fgfsfdfssd

موقوف

تاريخ التسجيل: Oct 2006

المشاركات: 247

أكتشفت إني للآن حافظة رقمه !!!

أتذكره بزيادة هاليومين ..ببزياااااااااااااااااااادة ..

أنام أحلم فيه ..أصحى أفكر فيه ..

أتذكر كلامه ..سوالفه ..يوم شافني ..يوم الملجة ..أول مكالمة ,,,أخر مكالمة,,

أخر يوم شفته ...خطوته وهو طالع من بيتنا ...

كل شي ..

مايغيب عن بالي أبد

طلقني بعد ملجة 3 شهور ..

هو اللي اختار الفراق

قال إنه مريض ومعيون ..

أنا ماصدقت ..

بس اللي حوالي صدقوا ..

لما يجي طاريه ..-ونادر ماتصير- ..يقولون ..مسكين يكسر الخاطر ..

والله انا اللي مسكينة ..

بكل بساطة أنهى الموضوع

لما ملج علي ..

حسسني أني كل حياته ..

سمعني كلام ..ماسمعت مثله في حياتي ..

كان يكلمني 24 ساعة في الـ24 ساعه

حطني في أدق تفاصيل حياته ..

وانا اللي عمري ماعرفت غيره ..

لما أرجع اتذكر اللي كان بينا ..راسي يعورني

معقولة كان كله جذب وغش وتمثيل ..

معقولة ؟؟

تكفون قولوا لي معقولة ؟

طيب إذا كان كذب ..

ليش كذب؟؟

أنا أعرف ان الشاب ممكن يلعب على وحدة يغازلها بالتلفون

لكن يلعب على زوجته ؟حليلته؟؟

ليش ؟؟

آآآآآآآآآآآآه ..راسي بينفجر ..

ماعرف عنه شي ..

ولا أبي أعرف ..

كل اللي اعرفه ..إنه للآن ماتزوج ..

رغم ان مر على طلاقنا أكثر من سنة ...

ولا أتمنى أسمع الخبر

ماأتمنى أسمع انه تزوج ..

قبلي ..

لا ..

لو صارت بنهار ..

خليه يتزوج ..لكن بعد ما أنا أتزوج ..

بتقولون أنانية ..قولوا ..

تمنيته مايطلق

ترجيته ..

قلت له بصبر عليك ..لين الله يشافيك

عيا ..

حتى هله يذكروني بالخير ..

يقولون رايتها بيضا فلانة ماقصرت ..

تدرون ..واحشني صوته ..ودي أسمع صوته

البارحة مسكت التلفون ..

تدرون شنو اكتشفت

أكتشفت إني للآن حافظة رقمه..

اي والله حافظة رقمه ..

كان ودي أدق ..

أسمع صوته ..

أسمع كلمة (ألو )

وأسكر ..

والله لولا خوفي من رب العالمين كنت سويتها

لو إني ماكنت بنت ملتزمة ..كنت بتصل ..بدز مسج ..

هو كان اول واحد في حياتي ..ماعرفت قبله ..

أقنعت نفسي إني أكيد راح انساه إذا الله رزقني بغيره

بس للآن ماتزوجت ..

هو يمكن مايبي يتزوج كيفه

بس أنا ..

أبي أنسى ..

نظرات الناس تلاحقي ..

الكل يقول مسكينة مالها حظ

تأخر زواجها ولما ملجت ..شهرين ثلاثة إلا هي منفصله ..

جهزت الفستان ..وخططت وتمنيت ..حتى عيالنا أخترنا أساميهم

آآآآآآآآآآآآه ياقلبي ...

علموني كيف أنسى ..علموني كيف أقسى

ادعو لي بالصبر

ادعو لي الله يعوضني ..وأقدر أنسى

رجاء لاتكتبون كلام يعور القلب ..ترى قلبي متعور جاااااااهز..

واسوني ..قولوا لي بتنسين ..الله يعوضج..ادعوا لي ,,

بس لا تلوموني ..اللي صار مو هين ..والله مو هين

واللي عاش تجربتي يفهم ..

التعديل الأخير تم بواسطة fgfsfdfssd ; 09-08-2007 الساعة 12:17 AM

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 07:37 PM.

روابط سريعه