مشكلتي كتبتها بشكل سريع في موضوع (ممكن تعريف للخيانه)
ادخل في الموضوع مباشرة
انا مملك لي اكثر من شهر وزواجي قريب مرررة ..
المهم عملي في شركة مختلطه شوي ..
فيه بنت معنا في الشركة قامت هاليومين تدور سالفة معي ..المهم ماعطيتها وجه ..مع العلم انها تكلم زملائي الثانيين بعمل او بغيرة
يبدو ان البنت حرصت علي اكثر مادري هل سبب سمعتي(خدوم ، طيب الخ) او اجتهادي !
المهم انها اخذت جوالي بطريقة لاادري عنها وارسلت لي كم رسالة في البداية بداعي العمل ثم رسائل اعجاب وخربطة ..
برضه مارديت عليها....ارسلت اخر شي رسالة (انا عارف انك ماتكلمني علشان حبيبتك زوجتك)
وصلت لها كلام كثير عن طريق اخوياي اني مالي علاقة في هالشغلات ..وانها مسكينه فاضيه وماني بكلمها ابدا...وصلني الرد تقول مستحيل فلان (انا) يقول هالكلام والدليل انه ماكلمني !!
هذا المشكلة بشكل سريع..........السوال زوجتي غيور مررررة ماتبيني اجيب طاري بنت حتى اني احس انها تبي تطقني في بعض الاحيان ..واشوفها معصبة فما بالكم في الموضوع ..
رايكم

وأنا بعد جبت ردي من ذاك الموضوع عشان نشوف راي الأعضاء

وش رايكم ؟؟؟

أنت اسفه هاللي تراسلك ولا تعطيها وجه بالمرة , وماله داعي تدري زوجتك عن القصة , وإن شاء الله مايجي وقت زواجك إلا وزميلتك مالة وتاركتك , وإن دعى الأمر إنك تعطيها كلمتين لاتقصر .

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

أخونا المتعلم

عاد هذي ما يبيلها تفكير

هالبنية اللي عندك بالعمل ما ينفع معها غير انك تتجاهلها... ألين تفقد هي الأمل لأنها وحدة متطفلة

وان ما نفع عطها بوجها وقلها انك انسان مرتبط ومو فاضي حق خرابيطها

فكرة جنة الدنيا حلوة
الله يسهل أمرك

__________________

لماذا فتحت المجال لزميلة العمل ان تستمر معك من البداية بسكوتك اوابتساماتك؟؟؟
الا يمكنك مواجهتها بشكل صارم؟؟؟؟
ببساطة يمكنك التكلم معها وايقافها عند حدها مع تهديديها ان لزم بمخاطبة ذويها وكشف رسائلها المرسلة لك على الهاتف..
الا ان كان لك رأي آخر!!!

__________________
دائما وابدا ,كل مكان وكل زمان.
الحمد لله والشكر لله .
ولا اله الا الله.

يالطيف من حريم أخر الزمان

تعرف إنك متزوج وتطاردك.؟؟.............أعوذ بالله من غضب الله هذه شيطانة مو آدمية


ويعني بالله هذه تتوقع أن واحد محترم مثلك ممكن يفكر بوحدة لعوب تطارد الرجال زوجة له


أنا أقل لك السبب إنها مصرة عليك .....لإن بقية العاملين أعطوها وجه علشان كذا ماجذبوها....وأنت لإنك متمنع عجبها الحال وداخلة تحدي .....والممنوع مرغوب



بصراحة مثل هذه الأشكال أعطيها في وجهها أصرخ فيها بصوت عالي وسط العاملين وقلها أحترمي نفسك انا إنسان محترم وماني لعوب مثلك

طبعاً مالها وجه ترد....وإذا ردت وسوت نفسها مو فاهمة أمام العاملين....قلها تحبي أوريهم الدليل


طبعاً هي بتفهم إن قصدك الرسائل

وبتسكت وبتنحرج..وأتوقع إنها تطلع من العمل نهائياً






أما زوجتك فبرأيي تخبرها بعصبية عن هذه العاملة وقلها إنك تبغى تهزأها في العمل أمام الكل ....علشان تزرع ثقة زوجتك فيك وتعرف إنك إنسان خلوق محافظ

__________________

اذا كنت تستطيع ان تجد عمل لايوجد فيه اختلاط فخير وبركه لان الشيطان شاطر

إذن خلي فلان (أنت) أن يكلمها بصرامة شديدة حتى يكون عندها دليل, و إذا لم تتوقف عند حدها خلي دليلك بشهود.

لكن حذاري أخي من هذا النوع, ممكن تريد فقط أن توقعك في فخ لتفسد علاقتك مع زوجتك

__________________
(قَالَ إِنَّمَا أَشْكُو بَثِّي وَحُزْنِي إِلَى اللّهِ وَأَعْلَمُ مِنَ اللّهِ مَا لاَ تَعْلَمُونَ) (الآية 86 من سورة يوسف)

اتمنى اخوي ترجع لموضوعك الاول وأقراء ردي

ان شاءالله يفيدك

وبالتوفيق

__________________
أعذروني على الانقطاع في الفتره الماضيةاوحتى في الفتره القادمه فظروفي ا لاتسمح لي بالمتابعه
المستمره..ولكن تأكدوا اني معكم وازور المنتدى كثيرا..فأنا أتابعكم حتى وإن لم أكتب رد أو موضوع..ودائما ما أؤمن بأن تأكيد التواجد.يكون في قيمة الرد وليس بعدد الردود...
ودمتم ((الــــهـــــــم سابقـــــــاً )) لاتنسوني

(