السلام عليكم

بدخل في الموضوع على طول عشان ما اصدعكم

الحمد لله بعد صبر و طول انتظار زوجي اتوفق في شغله و ووافقوله على مشروع كان مقدمه من سنين .. و هالمشروع مع ان دخله المادي مو وايد كبير لكنه يعتبر مشروع العمر بالنسبه لزوجي لانه كان يتمنى يسويه من بدا في شغله .. (الحمد لله ما بعد الضيق الا الفرج .. ادعوله ربي يوفقه و يرزقه بالحلال)

المهم .. مفكرة اجيبله هديه بهالمناسبه بس مو عارفه شو اخذله .. خاصة انه قبل فترة بسيطه كان هناك مناسبة خاصة و انا ما قصرت في الهدايا ..

فياليت المبدعات منكم يخبروني شو ممكن اخذله و كيف اقدم الهديه لان فكرة التغليف الخارجي في المحلات صارت قديمه و احسه ما تعجبه

اتريا ردكم في اسرع وقت عشان الحق اجهزله

الإشراف/ تم تعديل العنوان ليتضح المضمون ..