من العنوان واضح الموضوع بيكون عن ايش...للاسف اكتشفت ان زوجي مايحبني بعد 7 سنوات من الزواج
انصدمت صدمه كبيره ولو اني متوقعه هالشي..زوجي ماعمره قال لي احبج في يوم من الايام ولا يجيني في الفراش الا كل كم شهر مره...البس قميص نوم جديد مايعلق احط عطور غاليه مايعلق اعطر الغرفه والفراش مايعلق ولا كانه في شي...انا مو مقصره معاه اسوي له اللي يحبه واتعدل ومهتمه في شكلي وجسمي واحترمه وكل شي ف يالبيت نظيف وكل ثيابه نظيفه ومغسوله ومرتبه في الكبت اللي يقوله انا حاضره له بدون كلام...[س الصراحه طفشت من سكوته ومن عدم مبالاته لين جه اليوم وسالته انا ايش بالنسه لك؟؟قال ام عيالي!!!!!!!!!هني عرفت وتاكدت انه مايحبني...قلت له يعني انت ماتحبني قال لا انا من خذتج ماحبيتج ...قلت له طيب كان خليتنا ننفصل من اول الزواج..قال فكرت ان بالعشره راح احبج بس ماقدرت والمحبه مو مني هاي شي من الله يعني ماتقدرين تحببيني فيج غصب..قولوا لي ايش اسوي بعد هالمصيبها للي سمعتها؟؟كرهته وكرهته وكرهته مابي اشوفه وماراح اتعب نفسي عشانه بدوس على كل شي وبمتع نفسي وبس ماراح افتكر فيه لان على كل اللي سويته مابين بعينه..انصحوني ترى انا خلاص احس اني منهاره

السلام عليكم ورحمة الله وبركاته

هذي الايام دواره ولا بد ان يحبك مادامك مو مقصره معه باي شي انتي تعرفين طبيعة الرجل يمكن ضروف عمله او معيشته الرجل يحب المراءه الثقيله انتي لا تكبرين الموضوع وخليها على الله شوفي بانصحك نصيحه خليك ثقيله مره ولا تكثرين طلبات عليه

ايه والله صعب الكلام الي قلتيه بس انا اشك انه قال هذا الكلام في لحظة نقاش وكان غضبان يعني مايقصد الي يقول ؟؟؟؟

فهل حصل هذا الكلام بود او كنتم منفعلين هناك فرق كبيرررررررررر

الله يساعدك يااختي ويهون عليك

__________________

كان قلبي في ايديك ضامنه لا ما يخون
لا ولا بحلمك اجيك هذا في حكم الجنون

لا حول ولا قوة الا بالله

مدري شقلك بس الله يكون في عونك من جد صدمة

والله اني ماضغط عليه معاشي اصرفه ولا يعطيني الا القليل..صرفه كله على ربعه يطلع معاهم كل يوم كوفيهات غاليه وانا كفايه علي الويكند..لما قلت له تزوج وشوف الفرق مين بتسوي لك ربع اللي اسويه قال انتي مو مقصره بشي!!!!!!طيب ليش ماتحبني؟؟لان المحبه من الله ماقدر اتحكم فيها...

وهو ماكان غضبان ولاشي جاي من الشغل وقبل ماينام صدمني بهالكلام..

وعلى فكره هو كثير السفر كل شهر يسافر(ِشغل)يعني كل مسوليه البيت والعيال والخدم علي انا وهو مايدري عن شي

يا اختي مو كل بيت ناجح قائم ع الحب
شو جنيتي من اسئلتك غير وجع الراس
قال ام عيال ام العيال
كني ببيتك و راعي ربنا في الرجال دام بيعاملك بما يرضي الله
بلاحب بلا بطيخ
شو جنينا من الحب غير البهدلة
يضرب هالحب شو بيخرب بيوت

حبيبتي الله يكون في عونش انا حاسه فيش هكذا هم الازواج مايحبون الانفسهم والله شئ صعب انه قال لش هذا الكلام مادري كيف نفسه سمحت له انه يقول كذا بصراحه الا المحبه صعب نخلي الواحد يحبنا بالغصب هذه اكيد صدمه كبيره لش وخصوصا انش مخلصه وياه ما اقول غير الله يصبرش وتقومين من الصدمه وانت اقوى ولا اضحين مع انسان ما يستاهل التضحيه

اختي الكريمة والله هالامر صعب كتير بس
انتي حاولي تعيشي معاه بما يرضي الله واصبري حاولي وحاولي واكيد انه ربنا رح يجزيك على صبرك
اتمنى من الله انه يوفقك ويغرس حبك في قلب زوجك

__________________

[frame="1 98"]اللهم بعزتك وجلالك ارزقنا من حيث لا نحتسب
ويسرلي زواجي وجعل ابنتي من الذرية الصالحة يا رب[/frame

]

سلامات ياقلبي
ليش مو مهم الحب؟؟احنا عايشين مع بعض كل هالسنين وبعدين اكتشف هالصدمه هاي شي مو مهم؟؟
لما تضحين بكل شي وتعطينه كل شي وفي الاخير تنصدمين تقولين وجع راس؟؟

انا ابي مشورتكم ايش اسوي؟؟اسفهه واخليه ولاكانه موجود في البيت ولااعطيه اهتمام..او ازيد اهتمامي له عشان يحس فيني(ولو اني ماظن)

تدرون حاسه بالم في راسي شديد وايدي اليمين تنمل علي وثقلت ماقدر احركها