السلام عليكم

يااخواني محتاجة اسمع رايكم ومشورتكم

أنا مخطوبة من 3 اشهر مخطوبة بس مو مملكة ومن اسبوعين طلب خطيبي يكلمني وامي وافقت وصار يتصل فيني كل يوم انا مااتكلم كثير بس هو يتكلم ونطول في المكالمة نستمر تقريبا ساعتين او ثلاث

من كم يوم قال لي اذا انتي تبين انا خلاص ماعاد اتصل الا بعد الملكة فقلت له مو مشكلة عندي اذا انت حاب كذا

وهو جلس يصر يبي يعرف انا اشتاق له او لا وانا اعيد عليه مو مشكلة عندي اذا انت حاب ماتتصل

واليوم هو طنشني ومااتصل واتصور يستمر مطنش كم يوم

وش الحل ابي رايكم

وعليكم السلام ورحمة الله وبركاته


اختي الكريمه\\ الله يتمم لكم على خير ويألف بين قلوبكم


س\\ متى ان شاء الله ملكتكم؟؟؟



واذا على التطنيش عادي من صالحك حبيبتي بالعكس راح تكبري بعينه

بالعكس قولي له انت عارف ان المكالمات قبل عقد القران ماتجوز

وامي سمحت لي اني اكلمك عشان تعرف على بعض وناخذ على بعض

والحمدالله احنا مبدأيا مرتاحين وتجاوزنا خطوه

ومارح نقدر نتقدم اي خطوه الا بعد الملكه وان شاء الله مانتأخر على الملكه<<<< شايفه هذي النقطه اللي باللون المخالف ؟؟ هذي راح تكون الضوء الاخضر له انك موافقه على الارتباط به

قوليها بصوت مسموع وواضح وتأكدي انه سمعها


طبعا لما يشوفك متغليه راح يتحمس ويسرع بتقديم الملكه


عزيزتي نصيحه مني لاتتأخري في عقد القرآن خصوصا اذا انتوا مرتاحين ومتوافقين

لاتتأخروا

الله يجمعكم على خير يارب ويألف بين قلوبكم يارب




ولاتتأخري بين الملكه والزواج اكثر 2_ 4 اشهر


الله يتمم لكم على خير

حصنتكم بلا اله الا الله

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا