صباح الخير
بصراحة الموضوع حق وحدة من صحباتي وانا مرة شاغلي بالي ارجوكم ساعدونا
صحبتي عمرها 20 سنة وماشاء الله عليها تبارك الله ما في شي ينقصها جمال واخلاق ودين وادب وعيلة كويسة وكل شي الحمدلله هيا قبل فترة انخطبت وبعد شهر ملكتها مشكلتها انها عندها التاتاة في كلامي يعني تلعثم في كلامها وخطيبها عارف بس الحمدلله مرة متقبل دا الشي مرة مرة وهوا من اول عارف انو عندها تاتاة بس جدا عادي مهي فارقة معاه يجلس يقولها انا اخترتك انت وحبيبتك انت مرتي وخطيبتي ماشاء الله مرة يحبها ويقولها انا اخترت قلبك وعقلك وطيبتك مو التاتاة اللي فيك وان شاء الله راح تروح منك
بس والمشكلة انها هيا مرة شايلة هم التاتاة اللي عندها تاسر عليها مستقبلا قدام اهل زوجها وقدام الناس الي راح تعاشرهم مع انو هيا ماشاء الله عليها خطيبها مرة متفهم ومرة مهو شايل هم شي بس هيا عندها هوس في دا الشي
ما رايكم بصرااااااااااحة ؟؟
ساعدونا هل هناك حل لذهاب هذه التاتاة منها ؟
مع انها اهلها ما قصرو ا راحت عند شيخ يقرا عليها ازا عين ولا شي
وراحت عند اخصائية تخاطب تتعالج وعملت عملية في لسانها
بس شكلو السبب نفسي مهو عضوي
لانها ما كانت موجودة عنها جاتها جديدة يعني مهي موجودة التاتاة من ولادتها
ارجو الرد والحل سريعا
وشكرا جزيلا لكم .....

الاشراف : تم تغيير العنوان كي يتناسب مع المضمون

__________________
يا أجمل حكاية عشتها ..
وأروع دروب شفتها ..
يا حبيبي .. يا فتوني .. وكل اشواقي وشجوني ..
بالله أحيا وفيك أموت ولك انادي باعلى صوت ..
(( أحـــبــــــــك ))
وبك أجول ولك أقول (( رضاك من رضا رب العباد ))
يا حياتي خذ حياتي .. يكفي انك في عيوني اغلى شي بحياتي ..
يا جنة ربي في الأرض ..
" يا فــــؤاد فــؤادي "
يااااااااااااااارب اجعلني قرة عين لزوجي وحبيب فؤادي وارزقني رضاااااااه ..
امــــــــين ياااااارب ..

ما شاء الله تبارك الله

ألف مبروك والله يجمع بينكم على خير


دام الرجل متفاهم ولاهو شايل هم لهذي التأتأه

ليش مقلقه نفسها

خلي الوضع طبيعي جداً

وهذا الأمر من الله تعالى

يعني قضاء الله وقدره

والحمد الله على كل حال



وإذا كان الأمر نفسي يستحسن أن تذهب لطبيب نفساني
لكن لا يكون هو شغلها الشاغل

خلها تهتم بأمورها الثانية

والله الموفق

اظن في اختصاصي نفسي بهالمجال خليها تسئل عن اخصائي نفسي لانه كما قلتي شي نفسي الله يشفيها ويعافيها يارب
في رعايه الله

__________________
سبحانك اني كنت من الظالمين

ملكتها بعد شهر؟

لاتكون بس البنت اللي في بالي .. اذا هي فالله يوفقها ويسعدها مع حبيب قلبها وينور طريقهم

وقولي لها مادام معايا القمر مالي ومال النجوم .. مادام زوجها متقبل وماعنده مشكلة فليش تهمها نظرة الناس لها

أهم حاجة زوجها .. وزوجها شاريها وشايلها في عيونه

قولي لها انسجامك وتوافقك مع زوجك راح يعطيكي ثقة في نفسك ويخليكي شامخة ورافعة راسك فوق مايهمك أحد ولا

يأثر فيكي رأي أحد ولا كلام أحد .. أهم حاجة رأي زوجك وكلامه

واسأليها ..

هل المشكلة هدي أثرت عليها بين أهلها ؟

أثرت عليها بين صحباتها ؟

أثرت عليها بين زميلاتها ؟

طبعاً لا .. والدليل إنها محبوبة من الكل والكل يدعيلها بالخير والسعادة

ليش طيب حتأثر المشكلة هدي عليها مع أهل زوجها ؟

مادام إنه شخصيتها حلوة .. وقلبها أبيض .. وعقلها كبير

فهي راح تقدر تثبت نفسها قدام أهل زوجها .. زي ما أثبت نفسها قدام زوجها وقدرت تاخد قلبه

آخر شي قوليلها ألف ألف ألف مبروووووووك .. أقولها من قلبي .. وربي يسعدها ويوفقها

يسلموووووو على مروركم الكريم
خلااااااااااص بازن الله اروح ابلغها كل شي واطمنها
ومنجد الله يجزاكم كل خير يااااااااارب
بس لحظة سوري الاخت تالينااا بليز ممكن اسال ؟؟
مين قصدك لا تكون البنت اللي في بالك ؟؟
لا تكوني بس تعرفيها ولا شي ؟؟
رديلي بلييييييييييييز وقوليلي اش اسمها ممكن فعلا هيا البنت مدري بصراحة حسيت من هرجك انك تعرفيها
يا شيخة الله يسعدك ان شاء الله يااااااااارب يا عسل
مع تمنياتي لكم بالسعادة الابدية في الدنيا والاخرة

__________________
يا أجمل حكاية عشتها ..
وأروع دروب شفتها ..
يا حبيبي .. يا فتوني .. وكل اشواقي وشجوني ..
بالله أحيا وفيك أموت ولك انادي باعلى صوت ..
(( أحـــبــــــــك ))
وبك أجول ولك أقول (( رضاك من رضا رب العباد ))
يا حياتي خذ حياتي .. يكفي انك في عيوني اغلى شي بحياتي ..
يا جنة ربي في الأرض ..
" يا فــــؤاد فــؤادي "
يااااااااااااااارب اجعلني قرة عين لزوجي وحبيب فؤادي وارزقني رضاااااااه ..
امــــــــين ياااااارب ..

الله يكون في عونها وقوليلها الف مبروووووووووك ياعسل

وخليها تتكل على الله وقوليلها تقولك أريج أنبسطي وعيشي حياتك الدنيا حلوه عيشيها بحلوها قبل مرها

وصدقيني راح تنبسطي وتنسي التأتأه

أختكم :
أريـــــــــج

__________________

خليها تقرأ القرآن بالتجويد والترتيل بصوت لا هو مرتفع ولا منخفض

وعليها بالعسل لأنه فيه شفاء للناس

والقرآن أيضا شفاء

السلام عليكم ورحمة الله وبركاته,
اختي "حياتها فؤادها"...انا لي صديق من ايام الدراسه يعاني من مشكلة التأتأة لحتى الحين بس خفت ولله الحمد ومتزوج وعايش حياته طبيعي.
اهم شي ان البنت ما تتحسس من ها الشي وتخلي نفسها طبيعي و إلا بينعكس عليها سلبيا.
الله يسهل امرها ويجمعها بزوجها قريبا على خير.

__________________
لا إله إلا الله عليها نحيا وعليها نموت وبها نلقى الله

تحياتي...
أحمد أبوسند

يسلمووووووو شكرا لكم على ردودكم اللي ترد الروح
صح على فكرة دي صحبتي ماشاء الله عليها في تحفيظ وبتقرا القران بصوت عالي وبتجويد كمان
زي ما اتفضل وقال الاخ الهتاني بس يبغالي اقولها على لعسل
شكرا لكم والله يجزاكم كل خير ياااااااارب

__________________
يا أجمل حكاية عشتها ..
وأروع دروب شفتها ..
يا حبيبي .. يا فتوني .. وكل اشواقي وشجوني ..
بالله أحيا وفيك أموت ولك انادي باعلى صوت ..
(( أحـــبــــــــك ))
وبك أجول ولك أقول (( رضاك من رضا رب العباد ))
يا حياتي خذ حياتي .. يكفي انك في عيوني اغلى شي بحياتي ..
يا جنة ربي في الأرض ..
" يا فــــؤاد فــؤادي "
يااااااااااااااارب اجعلني قرة عين لزوجي وحبيب فؤادي وارزقني رضاااااااه ..
امــــــــين ياااااارب ..

انا كان بيدنى درس باشمهندس
شخص زى صدقتك اثناء الكلام كان بيتاتاه شويه
مع اى حد وكنت لما اقابله فى الجامعه بيكون كلامه زى صدقتك
لكن لما جيه ادانى درس وعرفنة
التاتاه والله بقت قليله جدا ونادر لما تاتاه
لكن لكا بيشوف حد غريب بيتاتاه تانى




فاانا اعتقد انه خجل
اول مابيشوف حد لسانه بيتقل
الله واعلم صاحبتك كده بردو

__________________