لا تحاتين عبير الرياض بإذن الله بيكون الإمتحانات سهلة ..
حاولي تسوين جروب ميتينج تراجعون المادة قبل الإمتحان و لو بيوم واحد.

ما عندي فكرة عن ماهية المادتين لكن شخصياً (وهذي طريقة فعــــــــــالة جدأ أتمنى تجربينها) :
-1- أتواصل مع صديقات الدراسة(صديقاتي بالمساق أو صديقات ماخذات المساق أو شعب ثانية) و نتفق على ساعة محددة تناسب الأغلب و من ثم أطرش مسج للجميع قبل بيوم (المسا متأخر شوي) ، يحتوي على المادة ، المبنى ، القاعة ، و الساعة . و طبعاً إن بغيتهم يتجمعون س: 10 ص أطلب منهم التواجد س9 أو9:30 ص إلى الساعة كذا ، بدون ما أنوه على الوقت اللي أتوقع حضورهم فيه يعني مول ما تقولين لهم! بس اطلبي حضورهم قبل بوقت.]. مع التنويه في نهاية نص الرسالة إن المراجعة سوف تبدأ بالوقت المحدد لها و اللي راح يحضر متأخر يكمل معانا. و في النهاية أي شخص من الجروب ممكن يراجع له الجزئية اللي ما تابعها معانا لأن كلنا راح نكون مستوعبين المادة أكيد! : )

-2- و بحضور الأشخاص و إن كانوا 10 نبدا على وصول 5 منهم و إن تأخر أكثر من النص نبدا نذاكر على الوقت اللي إنتـــــي حددتيه من دون ما تذكرينه لهم اللي ذكرته لج فوق عساس تحافظين على الوقت قدر الإمكان بدون انحياز لإهمال البعض!! ثم نقعد كلنا على الأرض ، و إن كان المساق تتم دراسته عن طريق السلايدات نفتح الداتاشو (كأن المحاضر يشرح عرفتي علي ؟) و نشرح لبعضنا أو نخصص شخص أو إثنين للمهمة ( أفضل اثنين ) و نستعين بكل الأدوات المحتاجينها كتب،ملخصات ..الخ.
و بهالطريقة اللي تذاكرينه بــ 17 ساعة تنهينه بــ ساعتين أو ساعة ونصف!!!! متخيلة؟؟
و للشخص الحرية بعد ذلك في حــــفظ المادة.<< لاحظي حـــفظ!

-3- آخر نقطة أحب أنوه لك عليها:
ياليت تنوهون المحاضر/ة إنكم تجمعتوا وذاكرتوا وعندكم بعض الأسئلة الجماعية ، عسب يرحمكم و يراعي تعبكم! << يالمساكين خخخخ ، وهالنقطة تجعل المحاضر في أغلب الأحيان يعطينا فوق المتوقع!!

-4- الغالية:
أكثر تقادير مساقاتي المرتفعة تكون بهالطريقة_الحمد لله.
المهم الإدارة و ضبط الميتنج لأنهم راح يرمسون شوية و راح يضحكون شوية ، وراح يحضرون متأخر شوية و و هي مجرد ساعتين حاولوا تحددون شخص قيادي ما بينكم يدير الموضوع برفق. و مهما كانت صعوبة المادة راح تسهل بشكل يصعب تخيله!!







موفقة حبيبي ^ــــــــــــــــــــــــــ^

.

إلهيْ ’ / أبدل عُسَرِنا يسُراً ,
وفرّج عَنِا كُل ماَ ضاَقتَ بهِ صدُورَنا , وحَال معُه صبَرنُا و إَرزقِنا مَن حيَثُ لَا نحتَسُبْ..آمينَ

.