السلام عليكم ورحمة الله وبركاته

بصراحه اعااااني من مشكله واريد مساعدتكم فأنا والله محتاجة لرأي
سديد يرشدني بعد الله واحتاج لخبرتكم
ابدى بمشكلتي مباشره انا مملكه تقريبآ لي ثلاث سنوات والحمدلله ملتزمه ولكن خطيبي عكسي تمامآ مو هذه المشكله 000المشكلة اني اعاني من برررررررررررررررررروده واللامبالة مع اني بعض الاحيان يحسسني بحبه لي لكن يمر ثلاث اسابيع ولا يكلم والعذر انه مشغول بيننا فقط الرسائل كل ثلاث ايام يرسل مره00 اهتم فيه اكثر من اهتمامه فيني والله اني اعاني اشوف صديقاتي واخواتي وكيف معاملة ازواجهن لهن احسها تختلف كثيرررررررررررر عني واذا بديت اعاتبه والله العظيم اني اعاتبه باسلوب حيييل حلو بالاخير يقلب السالفه علي واصير انا الغلطانة فيه غرور
بس مادري وش علية والله اني تعبت منه ودي يكلمني دايم يبين لي اهتمامه فيني وانا حيييل رومنسيه ( ماأدري هي صفه حلوه ولا ماهي حلوه) بعض الحيان احس انه هوالبنت وانا الولد لاتقولون صارحيه لاني صارحته مره قالي مااقدر ابين لك حبك الا بعد مانتزوج00000000 بس هذا ما اعتبره عذر وانا شاكه ان له علاقه مع احد غير لان اللي يحب مايصبر عن حبيبته ابدآ الا اذا احد مشغله 00كل زياره له اكون توب في كل شي ولا عمري كررت له لبس اذا جلست معاه احسه متلهف لي ويحبني بس من يطلع مو نفس الشخص الي كان قبل يوم اويومين معي دايم يقول مثلك بهازمن نااااااادر 00مع هذا مااشوف اي اهتمام
وشرايكم اطنشه لما يتعدل ويحس بتقصيره ولا شسوي ارشدوني الله يجزاكم الجنه000 والله تعبت معـــــــــــــــــــــــــه

إثقلي شوي و أتركيه

أنا متأكدة إنه بيرجع لك

و أعذريه يمكــــــــــــن الرجال مشغووووول

و دام إنه يمدحـــــــك وش تبين أكثر من هذا ؟؟؟

أصبري بعد الزواااج تلقائيا راح يتغير

الله يتمم لك على خير حبيبتي و يسعدك

و أنصحك أيعدي الوساوس الشيطانية من رأسك

مشكوره حبيبتي جداويه جربت هالطريقه وصرت ايام ماارسل لكن اذا ارسل ارد عليه وبعدها الاخ صار كلش مايرسل وفي نقطه ودي اقولها لك اذا تركته اسبوع يتركني اسبوعين وعادي عنده

اخواني واخواتي المتزوجين والمقبلين بالله ساعدوني ابي رايكم

وعليكم السلام ورحمة الله وبركاته ...

أسأل الله أن يسعدكم في الدارين وأن يألف بينكم وأن يجمع بينكم على خير ...

أختي الفاضلة ... في نظري أن من أهم الأسباب في ذلك هي فترة الملكة الطويلة فثلاث سنوات ليست بالهينة فهي كفيلة بأن تجعل الشخص يمل هو لم يمل منك ولكن مل من الطريقة نفسها في الزيارة في الكلام في إبداء المشاعر لأن المتزوجين لاتخلو أيامهم من مزح وضحك وجد وزعل ومشاكل وسفرات وزيارات وهكذا فالتجديد يضفي جو رائع للمنزل طبعا هذا الكلام لو كان تغير عن أول لكن لو كنتي تعاني من هذا الأمر من أول فالموضوع مختلف وقتها يمكن يكون مايعرف كيف يعبر عن شعوره ويمكن يكون متردد في أمر زواجه منك ويمكن يكون في أمر شاغله ...

أوصيك أختي أن تسعوا للزواج في أسرع وقت لو فعلا أنتم متأكدون من رغبتكم لبعض ولو كانت هنالك ظروف قاسرة ولابد أن تنتظروا فعليك بالتجديد في كل علاقتك معه من الزيارة والاتصال والخرجات والهدايا وكل شيء ....

وفي كل الأحوال عند نقاشك معه لاتجعلي النقاش يدور حول عدم إبدائه للمشاعر ولكن اجعلي النقاش يدور حول راحته ومشاغله ومايدور في باله إن كان هنالك ماينغص عليه وتذكري له أنك زوجته وحبيبته ويهمك مايهمه فقد يكون هنالك مايشغله فتكون فرصة لتقتربي منه وفرصة لتجدي سببا مقنعا لك ...

هذا ماجاء في بالي على السريع ربنا يسهل أموركم ...

جزاك الله خير لكن صعبة وبنفس الوقت احراج اني اقوله عجل الزواج 00بعض المرات اشعر انه حييييييل قريب مني والاغلب اشعر انه بعييييييد من البدايه كان معي كذا بس كان عندي امل كبير انه يتغير بس خاب املي

وجزاك أختي ...

أختي ليس شرطا أن يكون طلبك مباشر ولكن هذا أمر مصيري لكم أنتم الاثنين فما سبب تأخير الزاج هذه المدة وإلا لو أنت قلت صعب وهو يقول مثلا عندي ظروف معينة دون التوضيح فقد يظل الأمر كذلك لفترة طويلة وهذا ليس من صالحكم ...

الله يوفقكم ..

حبيبتي انتي استخرتي قبل توافقي عليه اذا كنتي قد استخرتي فلا تشيلي هم لانك استخرتي والله اختار لك مافيه الخير عليك الان بالدعاء بالتوفيق في حياتك ---------
وللمعلوميه ترى معروف البنت تكون رمانسيه اكثر من الرجال لانه بطبيعته رمانسي لحد مايضمن الطرف الثاني وبعدين يبدا يثقل مع وجود الحب الداخلي لان الرجل لا يخرج مشاعره الرومانسيه الا عندما يحس بابتعاد الطرف الثاني اوتغليه

انا هكذا راي
ارجعي استخيري كثيرا كثيرا
وادعي الله دائما

حبيبتي اوراد ماصارت لي فرصه للاستخاره الوالده وافقت من دون استشارتي وعلى قولتهم خبط لزق بس الحين استخير اني اتركة وماادري ليه احس اني اشتاق له اكثر على اهماله لي