السلام عليكم ورحمة الله وبركاته

دخلت معكم قفص الزوجيه قريبا ولكن ..

انا محبطه

زوجي طيب معي بس مايحب السفر .. الخرجات

.. السوق .. المطاعم ..

مع اني عروسه بس حارمني من كل ذي الاشياء

واذا ناقشته قال الزواج ماله علاقه السفر ! ..

طيب انا احس نفسي محرومه

كل العرايس ينبسطون ويتمشون ليش انا لا ..

يقولي بطلي احلام خليك واقعيه ..

كيف اتصرف معه ناقشته كم مره بس مو راضي يقتنع ..

يشوف ان السعاده في رضى كل منا بالاخر وباقي الاشياء غير مهمه

ومايحب اصلا اناقشه لانه يشوف انه الرجل هو المفروض

تجي منه هذي الاشياء من نفسه او تقتنع المرأه باللي تجده ..

طيب انا معه المفروض تجي منه بس انا انتظر لمتى ؟

واذا ماجات خلاص انحرم من كل اللي احلم فيه

احس نفسي مقهوره نفسي اعيش حياة الدلع

اللي تعيشها كل عروس الا انا

فهل اجد حل ؟

,
,

أنتي تقصدين السفر .. ولا المطاعم والأسواق ؟؟


,
,

اقصد التمتع بالخروج سويا لأي مكان لاني اندمجت بالحياه العامه بسرعه ولم احظى بفرصه ان يكون لنا وقتنا الخاص لوحدنا مثل كل العرسان .. اريد ان يكون لي شهر عسل بعيد عن الناس لي وله فقط .. ولكن لم احصل على ذلك .. كأني متزوجه من عشرين سنه ليس لي مميزات خاصه ..لا اشعر بفرحته بي كما هي عادة العرسان

اختي اعرف انك تشعرين بالاحباط لان زوجك مو من النوع اللي يحب الطلعات والسفرات ..

لكن لا تجعلي من هذه الامور اكبر همك و من اولوياتك ..

حاولي انك تخلقي جو جميل في البيت مع زوجك ..

وربي يسعدك ..

السلام عليكم ورحمة الله وبركاته

اختي انتي صار لك كم متزوجة؟

حاولي ماتخلين هالشي يسيطر عليج

اول شي خليج قنوعة وارضي بالمقسوم

ومع رضا حاولي التغيير واذا الصراحة مايابت نتيجة اخذي الشي بالسياسة المحببة والدلع

وادا مانفع خلي بيتج الجنة سوي ليالي رومانسية وخليه البرنس ورتبي شغلات حلوة

يمكن من النوع الي يحب القراءة اقرأو مع بعض كتاب وتناقشوا حوله او يحب الكمبيوتر وانتي تحبينه مثلا تعلوا برنامج مع بعض يعني اختاري هواية انتي وهو تحبونها بمعنى آخر فعلي لغة الحوار بينكم

علشان تتعرفين على شخصيته اكثر وادا عرفتيها

راح تعرفين الثغرات الي تقدرين تدخلين له منه وتاخذين الي تبينه بدون ازعاج وتوتر وكراهية وحنة ووجع راس له

وبرضاااااه

الله يوفقج يارب خيووو

وبعد احمدي ربج انه عندج ومعاج

ترى غيرج مافي طلعات ولا سفريات ولا يجلس معاها مسويها ديكور بالبيت

استغلي وجوده معاه بالسوالف الحلوة والشغلات الرومانسية قوي الحب والترابط بينكم

__________________