السلام عليكم
حبيت اطرح عليكم مشكلتي وارجو اني القى لها حل
انا زوجي يموووت في السفر بشكل جنوني لازم يسافر اكثر من 3 سفرات دوليه في السنه غير الشرقيه والبحرين ودبي
تعبت حاولت اقنعة انه مايسافر الا معي قعد يقول انت انانيه ماتحبين الانفسك انا سفري معك غير مع زملائي و.... من هالكلام وصار يسافر باهلة كل صيف لمدة 20 يوم علما بان عنده اخوان ثانين بس لانه يحب السفر ويتحمل المسؤليه يحبون اهلة انه يسافر بهم بشرط اني مااروح معهم ((مايحبوني ولايواطنوني )) صبرت وتحملت وقاعده اقنع نفسي واقول يسافر باهلة ولايسافر مع زملاءة اخاف عليه لان مع اهلة بيكون معهم ومايقدر يخليهم ويسهر
واذا جا سافربي بس يكون خلاص متشبع ومال شوي ومالومة لانه يطول مع اهلة فيمل شوي ودائما اقول سافربي اول ابي ابيك تكون متلهف على السفر معي مو تسافر بي كانك تادي واجب ؟؟
واذا رجعنا يبدا يلمح يبي يسافر مع زملاه ؟؟؟ ياربيه مايمل الرجال طيب هم ماسافرو زيك وماتمشو انت رحت وتمشيت وغيرت جو خلهم يروحون لحالهم بس مافيه فايده يعصب ويزعل ويروح غصب عني ولايتصل ولايسال ولاشي
المهم صبرت على هالحال ويوم شاف المشاكل بدت تكبر صار يقول لي عندي انتداب للنمسا ((انواع الفك)) وبعدين ادري انه رايح يمشي اخواته وانا ياغافلين لكم الله ويقول لهم تراها ماتدري لاتعلمونها ؟؟؟ بس في النهايه حبل الكذب قصير ويوم دريت صارت مشكله مالها اول ولا اخر وبعدين صار يقول لي اختاري اسافر باهلي والا اروح مع زملاءي
طبعا اختار اهلة ويسافر بهم بعدين يسافر بي ونجلس فترة بعدين يقول جتني دورة في خميس مشيط تجين معي ((يبي ياكد لي انه ماراح يلعب)) ويحاول يكرهني فيها يقول ماراح تشوفيني لاني ابطلع دايخ وابنوم وتراك بتطفشين ووو..... لين اقول خلاص رح لحالك وبعد فترة اكتشف انه رايح سوريا حسبي الله ونعم الوكيل انواع الكذب المشكله انه يحبكها صح يعني يكلم ويقول انا الحين ابرح اتغدى في السودا ومعي رز او مثلا عندنا مطر اواو اهم شي يضبط الدور انه في الجنوب بس يوم دريت الله لايوريكم وش سويت ..... عقبها حرم السفر على قولته انه تاب ومن ذا الحكي اللي مااعرف كذبه من صدقة
والحين هو فاتح محل سياحة وسفر وتعالو شوفو كل 3 شهور سفره مرة ماليزيا ومره تونس ومره اوربا انا خلاص ابنفجر ماعاد اتحمل ولو انه يعوضني بسفرة اذا جا ماراح اطالبه بسفرة مكلفة لا لو نروح البحرين يومين لاني طفشت لي سنتين ماسافرت وبصراحة اغار منه كثير اذا شفته يجهز الشنط والجواز ودي اسافر معه مليييييت من هالوضع حتى صرت استحي من اهلي كل شوي ناطة عندهم انا وبناتي وصعبة اجلس في بيتي تكفون وش تنصحوني

__________________

الله يعينك يا اختي طيب ليه ما تكلمي الوالد يوقفه عند حده تراه زودها

وبعدين ليش يحب يسافر لحاله انتبهي علي نفسك ليكون يسوي شي حرام ويجيب لك الامراض

الله يهديه

بسم الله الرحمن الرحيم

السلام عليكم :

اختي الفاضله

مشكلتك من كل الاوجه صعبه ..

لا اعرف ما هذا الزوج ؟؟؟!!!!!!11

1 - يسافر للخارج مع زملائه والكل يعرف الفتن وما يكون في تلك البلاد ...
2 - يسافر باهله ويدعك ولا ياخذك وهذا حقيقه لا اعلم ماسببه ..3
- لا يحب يسافر معك ومع اولاده ..

بالنسبه للرقم ( 1 ) ..

انتبهي ياختي الفاضله ..
1- تأكدي من زوجك ومن مدى دينه وخلقه ..
2 - لا اطلب منك ان تشكي بزوجك بل احسني الظن دوما ..
3 - ايضا دعيه يفحص بمستشفى واهتمي لهذا الامر فالمهم ايضا صحتك ...
4 - ارسلي له من ينصحه ويخوفه بالله ....
5 - انتبهي لزوجك فان السفر من الاسباب الجالبه للطلاق ..
6 - ناحيه وقدمي له الخير والطاعه وانظري في امرك هل انتي مقصره معه ؟؟؟
7 -اشغلي زوجك باولاده وبيني له حبك وكسبي قلبه ..
8 - بيني له خطر الفتن وباننك تغيري عليه وبانك تريدي السفر معه لكي ينعم براحه البال وليس فقط من اجلك ..

::

رقم ( 2 )

1 - الواضح انك واهله على قدم وساق فعلاقتكم غير جيده ..
وهذا خطأ منك كان المفترض ان تكسبيهم من اول يوم زواج ..
لانك اذا كسبتي اهله كسبتي زوجك ..
2 - اصلحي علاقتك باهله من اول وجديد ..
3 - اهتمي بهم واعزميهم وقولي هذه بدايه صفحه جديده ..
4 - حببيهم بابنائك وحببي ابنائك بهم ..
5 - امدحي اهله عند زوجك ..
6 - تلكمي مع زوجك واقنعيه بان هذا ظلم لك ..ليه ما ياخذك معهم بكل هدؤ واريحيه ..؟؟

7 - بيني له خطر السفرالى بلاد الغرب وبيني له الحميه والغيره والشرف ..
::

اخيتي السفر ...ليس كله شر ..

من الناس من سافر مجبرا للعلا ج ..
ومنهم من سافر للعلم ويتمنى لو يعود اليوم ..

وحقيقه بالنسبه لي اتمنى من كل زوج ان يهتم ببيته وبزوجته وباسرته ..

اي سفر هذا الذي يجلب ضعفا بل وبعضهم قد يقع اسيرا لشهوته فيحمل هما وغما وخيانه لزوجته ..

واي سفر هذا بالشهور عن زوجه لها حقوقها التي لا تستطيع الاستغناء عنها ..

::

انصحك بان تكلمي اهله بان ينصحوه فا فاذا لم يكن فانصحك بان تبلغي زوجك بهدؤ وكل تفااهم بانك اذا اراد السفر
ياخذك معه ولا بلاش من السفره كلهاا ..

::

الكلام الزين والحكمه والذكاء يجيب نتيجه ..

وقبل هذا كله

اتكلي على الله ودعي ربك يصلح حالك وحال زوجك ..

::

والسلام عليكم

والله يااخي السيف المهند ردك ريحني كثير لان دائما اذا عرضت مشكلتي لاحد دائما يلوموني ويقولون انت ماتعرفين تمنعينه انت اللي مخليته على راحته و.... مايدرون انه قبل مايسافر افعل المستحيل علشان امنعة بس مافيه فايدة يقلبها علي ويزعل ويقهرني ويحرمني من ابسط حقوقي ويقفل علي البيت ويطلع كل هذا علشان ماارفض له طلب واذا قرر يسافر اقوله سمعا وطاعة لاني عارفة وش بيسوي لو منعته

صبرت عليه صبر لايعلمه الاالله وبالنسبه لي والله العظيم ماخليت عليه قاصر في كل شي حتى ابسط الامور وبشهادتة هو بعد دائما يقول انت مريحتني في حياتي وماخليتي علي قاصر ودائما اساله اذا انا مقصرة معه يقول لا
والحمد لله زوجي محافظ على الصلاة في المسجد حتى في السفر اول شي يحطه في الشنطة السجادة يعني من ناحيه دينه انا متطمنه والحمد لله مايشرب الدخان ولا الشيشة يعني فيه اشياء وميزات حلوة بس ليش السفر هذا الشي اللي ينرفزني حتى قبل مااسافر معه ارتب الامور واحاول ابسطة في السفرة كل البسط علشان اذا قارن بين السفر معي ومع غيري يختار السفر معي
وبالنسبه لاهلة امه الله يهديها ماتواطني في عيشة الله ومدري وش سويت لها والله ماقصرت معها في كل شي وحاولت اكسب ودها اكثر من مرة بس ماقدرت اسولف معهم واخذ معي لهم دائما قهوة وحلى او اعشيهم وبالهدايا ماقصرت معها بس هي خلاص حاطة في بالها ان مرة الولد لازم تحتقر علشان كذا ماتبي اروح معهم في السفر وزوجي طبعا مايقدر على زعلها فيسافر بها للمكان اللي تبيه والمدة اللي تعجبهم والمشكلة انهم اذا رجعو يسبون في زوجي يقولون انه مايمشيهم وانه حارمهم من اكثر الطلعات واذا جت الساعة 12 رجعهم للفندق ويطلع الى 3 الفجر؟؟؟ مدري ليه يسافرون معه طيب ؟؟؟ او يبون يقهروني ماادري وش سالفتهم الله يسامحهم
والحين امه طالبه منه انه مايوديني لهم ؟؟؟ مايبوني يعني حتى مااستحت من ولدها وماهمها خاطرة ؟؟
ولي تقريبا 6شهور ماشفتهم يعني وشلون تبي اعزمهم واتقرب منهم وهم ماسحيني من القائمة تراها صعبه شوي وياليتهم تركوني في حالي ...((( خلها في القلب تجرح ولاتطلع وتفضح))))

وبالنسبه للاقناع حاولت اكثر من مرة ابين له اني اخاف عليه من الشيطان وعيال الحرام وحتى لو ضمنتك ماضمنتهم وانا مااشك فيك بس اذا على كلامك انك رايح تغير جو خلاص انت غيرت جو مرتين مو مره بس مافيه فايدة يقول لاتقارنين بيني وبينك انت غير وانا غير احمدي ربك انك تسافرين ترى غيرك مايسافر تنطق في البيت و,...... يخليني وكانه هو اللي معيشني عيشة ولا عيشة ملوك يحسسني اني فعلا غير واني انا محظوظة فيه ...
مليييييييت من هالحال والمشكلة مافيه احد يقدر يقنعه وهو قاعد يقارن بينه وبين زملاه كلهم يسافرون ويخلون حريمهم وقاعد يقلدهم واذا قلت شي قال ليه زوجة زميلي مامنعته ليش انت عله من بين الحريم الله يصبرني عليك ومن هاالكلام
والحين طايحلي في سفرات المكتب كل يوم والثاني جايب لي دعوة من الدوله الفلانيه وانه لازم يسافر علشان يجمع معلومات تفيد المكتب وصور وفنادق ...طيب انا وش ذنبي الحرمة ماتتحمل زوجها يسافر عنها مره وحدة في السنه وشلون انا اللي عايشة حياتي في توتر كل يوم اقول الله يستر مايسافر نهاية الاسبوع والله شي يغث مررررة ياليتكم تحسون فيني ابي تعطوني راي اقدر احل فيه مشكلتي وش لون اقدر اقنعة مايسافر وهو يقول مابقا الا انت استاذن منك للسفر اذا بغيت اسافر راح اسافر ؟؟؟
وخاصة ان سفراته هذي للمكتب يعني بالعربي الى متى ؟

__________________

لاكلام يقال بعد رد الاخ المهند

سددالله خطاكم ووفقكم وفرج كربتك اختى

__________________

الاخ كيوي مشكور على الدعوة الحلوة
الله يتقبل منا ومنك الدعاء
ومافيه مثل الدعاء (( الله يهديه ويعصمه عن الحرام يارب ياكريم وكل مسلم))

__________________

احيان استغرب من حال مجتمعنا

وابحث عن فساد الفتاه او الولد او الزوج او الزوجه او الاب او الام او غيره..

ثم اذا رايت مثل هذه المواقف اترك الاستغراب جانبا ..

::

اخيتي

يبدو زوجك معلق بالسفر والاسباب قد تكون ..
1 - تعوده ..السفر كثيرا ..
2 - قبل زواجك كان يحب السفر ويسافر كثيرا ..
3 - يصاحب اناس لا هم لهم الا السفر..
4 - عذره المكتب وان كان عمله فهذه مشكله اما اذا كان له عمل اخر فهذ مصيبه اخرى ..
5 - زوجك يطيع اهله ومتعود على عيشه السفر منذ صغره ..
6 - زوجك يسافر من اجل اسباب خاصه في نفسه الله اعلم بهاا ..

::

اخيتي

من سيقول لك الحل السحري لكي زوجك لا يساافر ..

لا حد ..

عليكي فقط بالدعاء ربك واكثري من ذكره ..

حاولي ان تحببي زوجك فيك وببيتك ..
اكثري له الاولاد واشغليه بهم ...
اصبري على حالتك فهذا اختيارك بانك اخترتي زوج يحب السفر..
::

بصراحه السفر الى الخارج بدون حاجه ضروريه كالعلم والعلاج ...مافائدتهاا ؟؟

هل نوزع المال للغرب من اجل السياحه فيعيدوا المال لنا ولكن باسلحه تدمر شعوبنا واهلنا ؟؟

:

اخيتي لدي فكر معين ولن اتفلسف عليكي هنا ..

فالسفر الى الغرب احاربه بشده ...واعارضه لكن من يسمع لي ؟؟؟

::

اخيتي

الصبر ثم الصبر والدعاء ..

::

وايضا لا حياء في الدين

قولي لزوجك بالفم المليان انا احتاجك بجانبي لا استطيع الصبر عنك هل تصدق انك كل سفراتك اعيش بتعب لين ترجع ؟؟

وبيني له معاناتك الفسولوجيه والنفسيه بكل هدؤ..

واختاري المكان والزمان المناسب لذلك ..

::
حاولي تثنيه عن السفر قبل حلوله وليس بعد ان يقول لك انني مسافر ؟؟

بل قبل ان يسافر بيني له حبك واحترامك له ولكن بانك امرأه ولك حاجاتك لذا قوليها له بالفم الملياااااااان ..

له

ارجوا انكي فهمتي المضمون و السلام عليكمم ..



بعدين انتبهي

اشكرك على اهتمامك بموضوعي وتقدمة الحلول لي والله ماقصرت وجعلة الله في موازين اعمالك
بالنسبه لموضوع اني اقول له بالفم المليان...... جربت هالطريقة معه تدري وش قالي .....
قال: زي ماانا اصبر اصبري ؟؟ خلينا نشتاق لبعض اكثر ؟؟؟ لازم الواحد يبعد شوي علشان يتغير روتين الحياة آآآآآآآآآه مايخلي لي مجال امنعة كل ماجبت طرية لقيت عنده العذر
طيب الحين بيسافر قريب ومن اليوم وانا نفسيتي تعبانه احاول اقنع نفسي واقول بيروح شغل لاتنرفزينه هو ماراح يلعب ومن هالكلام لان مافي يدي حيلة غير الدعاء اذا عندك اي حل اقدر امنعه اكون لك شاكرة واوعدك ان الحل اللي بتعطيني اياه راح انفذة بالحرف الواحد لان ماشاء الله عليك عندك حكمة وخبرة احسن مني وعذرا على ازعاجك معي

__________________

جازفي وقوليله يا انا يا سفراتك

اخيتي

جربتي وقلتيله بالفم المليان ولكن يقول لك انا اصبر و انتي اصبري ..


قوليله غيبتك طويله وبصراحه مليت ابيك بجنبي

قوليله ولحي عليه

لكن اذا ابى قولي خلاص خذني معك لان سفرك يطول ونا ما اقدر اصبر لازم اروح معك انا اخااف عليك و اسمع قصص كثير ومن هالكلام ..

وبعدها قولي اذا تخفف سفرك لو على يوم يومين تحملت بس انت تكثرها و قولي اسبوع كثير فمبالك بشهر وعشرين يوم ..

نبيه ..

ركزي على مواطن الغيره فيه وعلى امور الدين ..

غير كذا اسال الله لك التوفيق والستر ..

حقيقه ممكن يفيدك غيري ..

وحب اقولك اذا انتي فعلا تعانين من غيبته فسولوجيا ؟؟
وليس نفسيا فهذه نقطه تحتاج التوضيح والصراحه والا تنذر بخطر كبير عليه وعليك ؟؟

واسال الله ان يهدي زوجك ويهدينا معه

ادعي لي بظهر الغيب
ووالسلام عليكم