السلام عليكم ورحمة الله وبركاته

أخواتي انا بنتي الحين عمرها سنه وشهر .. وتعبتني جدا جدا

لدرجة انها بتضغط على أعصابي ونفسيتي دايما في نزول .. صايره اعصب بسرعه وابكي لأقل الأسباب

ومشكلتي هي كالتالي :

هذه أول طفله عندي ومن يوم ولدتها وانا مررررره مقربتها مني بزياده

دايما اشيلها وانومها باستمرار فوق صدري .. وكنت اعطيها بلأضافه الى الرضاعه الطبيبعيه .. رضعات صناعيه ولكن قليله بالمقارنه مع الطبيعيه

لمن صارت 4 شهور بدأت أأكلها وجبات مطحونه مهروسه .. ولكن لمن وصلت السته شهور رفضت الرضاعه الصناعيه بشده .. كانت تبكي بحرقه وترفض تاخذها.. تبغى بس صدري .. وفعلا تركت الرضاعه الصناعيه مع اني اشوفها ضروريه وصارت ماتحب تاكل تبغى بس الصدر

مع انه الواحد تجيله ظروف كنت اتعب معاها واحتاج انها تاخذ رضاعه ماترضى سواء عصير او حليب .. ومو بس كذه بنتي ماتبغى غيري انا وتستنكر أي احد غيري انا وابوها .. يعني مااقدر اتركها يوم في بيت اهلي واخرج لظروف معينه يكون في عزاء او موعد في المستشفى او في مناسبه مضطره اروح لها .. لازم تكون لاصقه فيه..او اني انومهاواروح متأخر وبرضوا اشيل هم انها ممكن تبكي اذا قامت وماشافتني .. حتى لمن نكون في السوق وتجيلها الجوعه نضطر نخرج من السوق او ادخل المصلى وترضع .. وياريت صدري في حليب كفايه احسه قليل وكمان هي ماترضع لين تشبع ترضع شويه وتسكت جوعتها فقط وتصيركل شويه تبكي تبغى ترضع..


تخيلوا مره عملت عمليه ضروريه وكنت كل مره أأجلها عشان بنتي وشايله همها لأانها ماتروح الا معايه انا وابوها واضطريت اني اعملها ماخرجت من غرفة العمليات الا وهي تبكي وحطوها فوق صدري عشان تسكت ..يعني حتى مع امي واخواتي ماتروح الا نااادرا وشويه وتبغاني انا ... يعني متعلقه فيه لدرجه متعبتني حتى النوم لازم تنام في حضني او على يدي وتكون لاصقه فيه وطبعا لازم صدري في فمها حتى اوقات تبغاه مثل اللهايه في فمها اذا خرجته تقوم تبكي .. وفوق هذا كله الحين عمرها سنه وصايره ماتااااكل نهائي تبغى طول الوقت ترضع مني ..وطبعا طول ماهي نايمه في الليل تقوم حوالي سبع الى عشر مرات عشان ترضع لأنها في كل رضعه ماتشبع نفسها يدوب ترضع شويه وتوقف فتقعد طول الليلئِ وهي تصحى ... والله ارهاق وتعب .. انا صرت مااعرف النوم هي لو تاكل وجبه مشبعه قبل ماتنام على الأقل حتريحني .. أو تشرب عصير في الرضعه شويه تمسك بطنها لكن مافي فايده .. جربت كل انواع الأكل شوربات ورز وملوخيه وزبادي اذا اكلت ملعتين او ثلاثه نعمه واذا اكلته اليوم بكره ترفضه.. جربت معاها انواع العصاير والرضاعات والمصاصات وكاسات الأطفال .. مافي نتيجه تذكر ..ايش الحل انا مرهقه ومتعبه جدا .. لا وبعد هذا مزاجها من يوم ماتصحى عكر .. تضل تبكي طول الوقت .. من تصحى لين تنام .. طبعا في اواقت تكون رايقه وتضحك وتلعب معانا لكن المتعارف عليه انها زنانه وملوله الله يحميها ويصلحها ...

انا الحين افكر اني افطمها عشان على الأقل تاكل .. واقدر اخذ راحتي اذا جاتني وظيفه .. مااصير مرتبطه .. لكن كيف افطمها .. اللي تقولي حطي على صدرك ( صبر) واللي تقولي خذي حبوب منه الحمل تغير طعم الحليب ..

بالله عليكم ساعدوني في حالتي هذه وانا لوحدي كذه ...؟؟؟؟

وكيف الطرق اللي افطمها فيها ...؟؟



ياأخواتي ترى تعلقها الزايد هذا أثر عليه وعلى نفسيتي حتى على علاقتي انا وزوجي وفي أهتمامي بنفسي ,,

لأني من يوم ماأقوم وانا مشغوله معاها واحاول أأكلها ومع بكاها طول الوقت تلقوني انا احس من داخلي ابكي ...

ولمن تنام تنام على سريرنا ولازم تحس فيه ,, او انها طول ماهي نايمه تبكي .. احس هذا الشي بعد زوجي مني .. احس حتى ماعاد عندي وقت لنفسي حتى لمن اتحمم .. أوقات اضطر ادخلها معايه او انها تبكي عند الباب تبغاني .. يالله بسرررعه اتحمم ماألحق اهتم شويه بنفسي ..
ساعدوني الله لا يهينكم وشوفوا لي حلول تساعدني في مشاكلي مع بنتي ؟؟؟

__________________

للرفع

__________________

ابني لصغير كان هيك يبكي كالمفجوع وبحرقة ووقت حكيت مع الدكتور بهدلني بهدلة

قال حطأي واتحمل نتائجه لانو البيبي ما لازم ناخده بالايادي مو لازم نحطه بس
بغرفة فيها هدوء

الحل خيتو لازم تقوي قلبك

وقت ترضع وتشبع وتغيري غياراتها وكل شي تمام
حطيها وما تكترتي لبكائها
كمان صيري اعزمي اهلك وأهله عندكم لتشوف ناس ولتتعود عليهم

ابني كان يبكي كأنو حدا بده يخطفه
كنت بستحي عليم الله وقت حدا يجي يزورنا

اول زيارة له لديار ابوه
ام زوجي تقولي هذا وين كان عايش بس خايف من العالم ويبكي.... و يا ويله اذا حدا بوسه
ام زوجي قالت هاتيه وهذا دلع وهذا صبي ومدلعتيه


المهم بتشيلي اغراضها من غرفتكم وتحطينها بغرفة اخرى وجيبي هذا الكرسي تبع الرضاعة رضعيها خليها تلعب وشوي شوي بعدي هالكرسي وانت عم تشوفينها

لاتفطـميها هلا خليها شوييتن بس كوني حازمة

اذا في شي امري يا قلبي وانا حاضرة

أم وليد

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين