أحس أنني مخنوقه
السلام عليكم ورحمة الله وبركاته
أخواتى أنا أسفه دايما تعباكم بمشاكلى
لكن انا النهارده جايه بدون اى مشاكل خارجيه لكن مشكلتى النهارده هى مشكله نفسيا
تعبانه نفسيا جدا وحاسه انى باخد نفسى بالعافيه
وطبعا الكلام ده من أمبارح
بصـــــــــــراحه مش عارفه أكتب أيه
لكن محتاجه افضفض
مخنوقه من كل حاجه حاسه ان الدنيا بتتغير بسرعه وان الفرحه دايما بيكون عمرها قصير والحزن حباله طويله وبياخدنا فى سكته ايام وشهور وصعب نتخلص منه إلا لو جالنا فرحه مره واحده تفرحنا مع انها هاتيجى يومين وتمشى تانى
انا حاسه ان مفيش حد هايفهمنى
بس بردو عايزه اكتب وأكلم
انا تقريبا حاسه أن أنا موش انا حد غيرى يعنى
ده غير ان رفضه الكلام مع حد تصدقونى لو قولتلكم انا بقالى حوالى 3 أسابيع ماخرجتش من بتنا ولا حتى بذهب للجامعه ولا بذاكر
حاسه ان فى حاجات كتير صعب احققها لانى بساطه بقيت وحيده
راحت منى اهم حاجه فى الدنيا
وخلاص بقى مبقاش مهم عندى ايه تانى ممكن اخسره
يعنى بقى مش مهم عندى اسقط فى الجامعه السنه دى ولا بقى مهم عندى اخد العلاج لانى تعبانه ولا حتى ببص فى المرايه
هو النت والاكل والشرب والنوم
وأكلم صاحبتى فى التليفون بالساعه تقريبا
والعباده فهى اصبحت محدوده صلاه الفروض ومفيش تانى غير الاذكار وبس على كده
وبــــــــــــــــــــــــــس ده غير الصداع والدوخه اللى مش بيسبونى والله واعلم ايه سببهم
مبقاش مهم عندى حتى اهتم بشكلى ولا لبسى ولا حتى ببص فى مرايه
ببساطه انا حد غير
حد مش عارفاه ولاحتى قادره اتأقلم معاه
تعبــــــــــــــــــــــــــاه أوى
__________________
05-04-2008, 09:16 PM
ضوابط المشاركة
العرض الشجري