أبي لا يحترم زوجي ..!!
السلام عليكم ورحمة الله ..
انا متزوجه من حوالي 7 سنوات تقريبا ..بس المشكله ان ابوي مايحترم زوجي
رغم ان زوجي ماشاء الله اخلاقه عاليه .. وملتزم .. والحمدلله عمره ما قد قصر علي ..
بس من اول وانا الاحظ ابوي وهو يتهم زوجي باشياء مو فيه واسكت واقول يابنت كبير في السن رغم ان عمر ابوي ما يتجاوز 45 سنه ..
ابوي الله يهديه من النوع اللي ايمانه ضعيف .. وبس يسب في حريم العيله ويطلع فضايحهم ولا يثق في احد ..
تخيلووا ان حتى خواتي ما يخليهم يجوون يزوروني الا بعد الموت ..وطول الوقت يقول اخاف زوجك يتلصص عليكم يشوفهم (لانه هو يسوي هالشي في اللي يجينا )..
،،،،،،،،،،،،،،،،،،،،،،،،،،،،
والموقف اللي خلاني اليوم انفجر ،، كان عندنا مناسبه قبل فتره لاختي وطبعا المصوره متفاهمه معها انها تجيب لي الصور عندي في بيتي عشان اعطيها بقية الحساب ..
المهم جتني الصور وعلى طول ارسلتها لاهلي في بيتهم ..
والله ياجماعه مجرد ماوصلت لهم الصور الا وهو مسوي مشكله ياكبرها في البيت ولا ترك سبه ولا شتيمه تقشعر منها الابدان الا وقالها في حقي والمصيبه ان امي تكلمني وانا اسمعه وهو يسبني ...
والمصيبه الاكبر يقولي قوليلها تسأل زوجها من احلى هي ولا اختها ..( قصده اني وريت زوجي الصور ويوم قلت له خاف الله زوجي رجال ملتزم ويخاف الله ) قال قوليلها ان البلا من اللي ملتزم ويخاف الله ..؟؟؟؟
والله ياناس عمر زوجي ماغلط في حقه وياما ابوي فشله بين الناس بس زوجي محترمه يقولي والله عشانك وعشان خاطرك عندي ..
كيف اجل لو يدري بالكلام اللي ابوي يقوله في حقه .. كيف اتصرف معه ..
الله يهديه بس ..
عذراً . تم تعديل العنوان ليكون بالفصحى
المراقب / النور والحنان
__________________
(ربي لاتذرني فردا وانت خير الوارثين )
التعديل الأخير تم بواسطة النور والحنان ; 27-04-2008 الساعة 06:47 AM
26-04-2008, 11:50 PM
ضوابط المشاركة
العرض الشجري