اسلوب الرسالة حل مشكلتي مع زوجي
لمى تمر عليه مشكله مع زوجي اسكت اصبر اتكلم انفجر
لاحضت انه هذي اغلب الحلول الي استخدمها معاه
ولاحضت انها مو حلول لاحضت انها مشاكل مثل السوس ما تنسي
وتزود مشاكل البيت
.
.
انا اهلي ساكنين في مدينه غير المدينه الي ساكنه فيها مع زوجي
ولمن زرت اهلي وقبلت اختي المتزوجه
جلست معاها بديت اشتكي واشتكي .. كانني بالونه وانفجرت
اتغربت من نفسي وانا اتكلم لاني وقتها تذكرت كل الم حسيت فيه وسكت
عنه مراعاة لشاعر زوجي او تجنبا للمشاكل
وتذكرت نصائحي لاختي قبل زواجها وانا اقولها لمى تجيني تشتكي
تكلمي مع زوجك بصراحه
.
.
فقلت يا مداوي المسلمين داوي عينك اليميين
المفروض ارجع واكلم زوجي افضل
لانه مهما تكلمت لاختي ولى لصديقتي ولى لقريبتي حيضل في نفسي
العتب وحيضل في صدر بعض الزعل عليه
لاحضت انه الفضفضه ما تعالج شيء
وحتضل المشكله قائمه
.
.
ما قدرت اتكلم معاه مهاتفتا لانه ماعندي جرأه اني انتقده وجها لوجه
وكمان خفت انه نبداء في جدال عقيم منين هو الصح ومين هو الغلطان
.
.
فكتبت له رساله
ماتهجمت شخصه فيها بس اني هاجمت المشكله الاساسيه
وحكيت له ايش حسيت وايش الي تعبني
ولا خليت حاجه في قلبي ما قلته له
.
.
بس الرساله لها فن في الكتابه قريت طريقة كتابتها
في كتاب الرجال من المريخ والنساء من الزهره
لو الكتاب معايه كان قلت لكم كل التفاصيل
.
.
واهم شيء انه يتذكر الشخص مشاعر شريكه ويضن فيه الضن الحسن دائما
.
.
المهم كنت اترقب ردة فعله لمن يقراها
فلمى هو قرأها اتصل عليه وناقشني فيها وانا قديش خفت
اني اكون فتحت باب جديد للخصام
بس زوجي تفهم واعتذر ووعدني انه مايصير خاطري الى طيب
وانه حيراعي مشاعري
وانه وانه
.
.
ما احد يعرف في العلم قد ايش فرحتي لمى حسيت انه فهمني
وانه استوعب اني احبه واحتاجه بس اني كنت متضايقه من حاجات
وهو تقبلها وتقبل كلامي له
.
.
وقتها من جد حسيت براحه وحسيت انه كل الي كان مضايقني انها مجرد
حاجات شخصيه تافهه
.
.
بس في حاجه وحده اذا ماعدلها انا حلفت له في لرساله اني حكسر الاب توب تبعه
يعني اما يستخدمه في الحلال ولى الحرام مستغنين عنه
وهو ماجاب سيرة هذي الجمله
بس ان شاء الله يتعدل في الفترة الي اغيب فيها عنه
التعديل الأخير تم بواسطة daimound22 ; 14-11-2009 الساعة 04:05 AM
28-04-2008, 02:51 AM
ضوابط المشاركة
العرض الشجري