خطيبي يفشي أسرارنا إلى أهله ( أنقذوني فأنا في ورطة ) - منتدى عالم الأسرة والمجتمع
logo

الملاحظات

المقبلين على الزواج مواضيع تهم المقبلين على الزواج من الرجال والنساء

 
أدوات الموضوع
انواع عرض الموضوع
قديم 18-05-2008, 10:34 PM
  #1
اريـــــــج
عضو نشيط
 الصورة الرمزية اريـــــــج
تاريخ التسجيل: Jul 2005
المشاركات: 138
اريـــــــج غير متصل  
Unhappy خطيبي يفشي أسرارنا إلى أهله ( أنقذوني فأنا في ورطة )

السلام عليكم ورحمة الله وبركاته

كيف حالكم يااخواني

انقزوني انا في ورطه مع خطيبي ولقد عقد القران وهي ماتسمى (باالملكه ) المشروعه
انا عمري 21سنه وملكتي كانت قبل 9 اشهر
وانا .................
المهم ندخل في الموضوع
انا وزوجي اول ماسارت ملكتي وبدا يكلمني كنا طيبين مع بعض وشويه شويه بديت احبه ويحبني واتفقنا انا وهوا انه مانطلع اسرار بعض بينات بعض المهم مشيت الايام
ولمن عدا نص المشوار بدا كلللللللللللللل شي يقلي لااااء اقله يافلان ان شاءالله متى فرحنا قلي انا مني مسوي فرح قلنا ليش من هنا من هنا مارضي كلمه بابا بس عشان يحسسه المهم وسكتنا خلاص والفرح كله على بابا جينا على الزفه قال لااااء انا مني طالع ومني جاي الفرح قلنا من هنا من هنا سكت جينا بدا يفرش البيت قلي اش تتمني في بيتنا قلتله مكيف اسبلت زي اللي في بيتنا يافلان لف ودار ولف ودار ولف ودار بعدينه قلي غالي والحمدلله ياجماعه تراه حاله ميسور وتمام وممتاز كمانه المهم مره جا بيت اختي وكان فيه التلفزيون السنمائي قلتله يافلان اتمنى يكون زيه في بيتنا لاحظو بس (قلتله اتمنى ) المهم عدت الايام قلي يالله انا باافرش البيت كل مااقله نفسي في لون مايجيب مخلي اخته الكبيره وامه هما اللي يختارو البيت والوانه حتى لون واحد والله العظيم مااخترته المهم تخيلو يجماعه مافي احد يقول قلتله اقلك انا مابدي اكلف عليك ماتقدر قلي انا اساعدك ابويا يساعدك قلي لاتستحي ولو ماعندك خلاص قول ماعندي واختصرها انا اقدر ومني من النوع يافلان اللي اشبط في الحاجات ماعندك قلي وبس سكتنا وقبل دا كله بفتره فرجني على شقتي وشفت دواليب المطبخ يمكن حجمها يادوب من صغرها والمطبخ كبير والدواليب لونها اخضر غااااااااااااااااااامق مقرف منظرها ولونها قلتله يافلان لو تقدر غيرها مو عاجبني شكلها قام قلب وجهه سكت ومن بعد داكه اليوم قهرني من كتر مايقلي لااااااااااء زعلت منه وواجهته قلتله انته ليش كل شي تكسر خاطري تخيلو يجماعه يقلي انا لو ابوكي كلمني قلي تعال من بداية الليل انا مااجي قلتله طيب بعدها بفتره يافلان جهز الشقه الله يخليك حبيبي عشان تعليق الملابس عشان اهلي وعمتي وخالتي يجو قلي انا ماابغى احد يدخل بيتي قلتله ليش قلي كدا ماابغى لاعمتك ولا خالتك دا بيتي المهم زعلت وقلتله مايسير ومدري ايش وسكت هيا لاحظو يجماعه دا كله كان سر مااقلي اهلي على كل شي المهم خلينا من دا كله قبل كم يوم دقت اخته الكبيره عليه مارديت كنت نايمه المهم جلست 3 ايام ماكلمني صح من النوع اللي مايكلمني اسبوع اسبوعين اقوم اعاتبه مع انه والله يجماعه انا مني مقصره معاه ولا في شي من حب وادب وحنان وكل شي تركني 3 ايام دقيت على اخته الكبيره قلت خليني اسال عنها وبالمره اسالها عنه هوا طيب ولا لا المهم دقيت عليها اقلها ماشفتي فلان اتصل عليه مايرد لايكون سرله شي تقوم تقلي يبنت مايكون زعلااااااان كدا بمياعه لايكون سويتيله شي وتضحك اقلها انا على اعصابي انا ماسويتله شي والله ماسويت تقوم تقلي متاكده وانا قبل الموضوع دا كله بشهر زعلت منه زعل زعلني المهم قلتلها لا والله انا مازعلته يمكن هوا يزعلني لاكن انا ماازعله لاكن الله يهديه الله يهديه قامت هبت فيه وتقلي اقلك كلهم هنا بيقولو انه انتي تبغي مكيف اسبلت وتلفزيون والله يجماعه انا قلتله انا اجيبه لا تجيبه قلتلها مين اللي قال قالتلي هنا كلهم وبعدينه لعد تقولي ابغى احنا مابدنا نجبلك عفش بطال يافلانه لازم تفهمي الشي دا قلتلها طيب انا ماقلت تجيبو عفش بطال قامت قالتلي وبعدينه لعد تقولي ابغى احنا نفهم كل شي وبعدينه افضل فكري في جوازك فكري في دراستك ولعد تقولي لفلان ابغى اسبلت وتلفزيون قلتلها انا ماقلتله غير مره وقلتلها انا قلتله انا اجيبه ماقلتله جيب ولا اصريت وبعدينه هوا اشتكالك قالتلي لاااء بس قلي انا بدي اجيب المكيف عشان فلانه لاتزعل شف الكدب بالله والله العظيم يجماعه كلامها يدل كانها نقلها كلام وزياده عليه قلتلها اقلك انا ان قلتله مو معناته جيعانا انا الحمدلله شبعانه من بيت اهلي مو ناقصني شي انا ماقلتله غير عشان يعيش معانا وانتي عارفه اخوكي يحب الحاجات اللي تعمر معاه المهم فصلت بطاقتي
اشتريت غيرها وقلت لامي واختي على الكلام دا لانه كان اسلوبها معايه شي يزعل ويبكي كاني اكلتلها اخوها المهم اشتريت بطاقه تانيه وماما واختي قالولي اخصريها ابعدي عن الشر وغنيله لا تطصلي عليها قمت رحت من وراهم قلت برضه مايسير تفكر رخيت في وجهها دقيت عليها قلتلها معليش يافلانه البطاقه فصلت عشان لاتحسبي كدا ولا كدا قامت قالتلي ايوه انا قلت كدا وبعدينه والله يماما انا عارفه انك متربيه متربيه يلا مع السلامه انا في السوق تبغي حاجه قلتلها لا شكرا بس عشان اقلك المهم كلمت زوجي وقلتله انته اشتكيت على اختك قلتلها فلانه تبغى مكيف اسبلت وتلفزيون قلي لاء في البدايه بعدينه قلي انا قلتلها بس ابغى اجيبه عشان لاازعل فلانه بس يجماعه شكله ينقل الكلام باين من منطوق اخته المهم قلتله بعدينه انا مااحب لا قالو ولا عادو ولا قيل وقال انا مااحب المشاكل وانته مو وعدتني انه نحفظ اسرارنا قلي ايوه قلتله بس انته ماسويت بزي ماوعدتني وبعدينه اسمع يافلان انا لو طلبتك ايش من حقي اطلبك اجل ليش شريكة حياتك عشان اجلس جمبك زينه قلتله اخواتي كلهم نقو بيوتهم من اكبر شي لملعقة الشاهي اما انته هل انا اخترت حاجه وحده في البيت قلي لااااااء قلتله طيب وليش رايح تقلهم على الالوان وعلى كلي شي قام قلي انا قلتلهم عشان يجيبولك قلتله وهل جابولي حاجه من اللي انا ابغاها او لون واحد قلي لاء قلتله خلاص اجل اش الفايده رايح تقلهم قام قلي انا مادري يسوي انه مايدري وهوا نقال كلام اقله اختك تقلي ادري انك متربيه ولا تختاري والله يجماعه شكله في صف اهله انا ماقلتله اغضبهم بالعكس ديمن اوصيه عليهم وبرهم وحبهم بس انا برضه مرته مو يطلع اسرارنا بره تخيلو كل كبيره وصغيره انا حاسه انه عند اهله المهم سار يقلي قال ايش يعني يعني ندمتيني والله حسيت اني مذنب ارتكبت ذنب ندمتيني المهم سكت كدا كم يوم اتصلت امه عليه ونفس الحكايه مارديت وبرضه صدفه كنت نايمه جلست يوم والتاني دقيت عليها المهم قالتلي اقلك الواحد مايحب القال والقيل قلتلها ايوه ولا انا قالتلي يابنتي خير الامور اوسطها الواحد يختار الشي الوسط يعني انا مني عارفه اش اخترت شي قدي كدا عشان داكله يسوووه مالو داعي المهم ودخلت اختي الكبيره تقلي اختك هديكه المشبرقه اقسم بالله العظيم ياجماعه اختي ماشافتهم غير يوم الشوفه الرعيه وبس عمرها ماكلمتهم ولا احتكت فيهم تقوم تتكلم في اختي وهيا للاسف ماقالت كدا الا غير يمكن عارفه بنتها الكبيره غلطانه لاكن ربي يوريهم المهم وهيا بتكلمني انفجعت لقيت كل الكلاممممممم اللي قلته لولدها اللي واجهته فيه طلع على مااعتقد كله قلها هوا وجات نفسه ردتلي هوا وعادتلي هوا طلع هوا نقلها كلام

انا عارفه اني طولت عليكم بكلااااااااااااااااامي بس انا تعبت من الكلام والدقدقه وكتر الدق يفك اللحام وانا بدي اموت من زوجي دا اللي يطلع الاسرار وينقل الكلام انا ابغى حل لوووووووه كيف اتعامل معاه كيف اخليه معد( ينقل) كلام كيف انا طفشت منه نظرتي في الاول غير والحين سارت غير سرت كل مااجي ارسله رسالة حب اتذكر اللي سواه فيا هوا واهله الملقوفين اقوم امسح الرساله او خلاص ابطل انا نفسي افتح معاه الموضوع وابينله انه انا لساعي زعلااااااااااااااانه وانه انا مني واثقه فيه ونفسي ابينله انه انا كل حاجه راح اخبي عليه بس مني عارفه كيف ساعدوني الله يساعدكم في الدنيا والاخره حلولي مشكلتي وانا اهم حاجه نقل الكلام والزياده عليه معد ابغاها طبيعه فيه لانه بالحركات دي يقل حبي لوه اكثر من ماقل
قولولي بس كيف اتعامل معااااااااااااااااااااااااااااااه وانا ماتنطفي النار اللي فيه الا غير لمن ابينله كلام امه ابينله انا ليش زعلت من اول وجديد نفسي بس اخاف تصير مشكله بينه وبين امه وانا بالفعل مااحب لا قال ولا قيل ولا المشاكل بس مقهوره لانه فتاااااااااااااااااااااااان وماينوثق فيه بذات في كلام بيني وبينه


ونقطه اخيره

يصلي ويصوم ورومنسي لاكنه سوسه من تحت لتحت ويشتغل احسن الشغل وبياخد احسن راتب


وسامحوني طولت والله كثييييييييييييييييييييييير عليكم

تحياتي اختكم الحزينه اريج



وهاذي القصه انقلها لكم على لسان اختي

مالحل اسرعوووووووووووووووووووو حبيباتي






الاشراف : أرجو الإبتعاد عن ذكر البلدان !
__________________
لَكِ سيدتي ... ,,,
8
8
8
8
8
8
8
8


الحل الأمثل للإرتياح مِن غَسيل الصحححححون

8
8
8
8
8
8
8




التعديل الأخير تم بواسطة غـاليــة ; 19-05-2008 الساعة 03:02 PM
 

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:21 PM.


images