السلام عليكم ورحمة الله وبركاته

انا بنت جامعيه مقبله على الزواج :14:لاكني لم اتحمل مسؤليه في حياتي حتى مسؤلية نفسي فكيف ساتحمل مسوليه زوج وبيت واطفال انا خايفه من هالموضوع لان زوجي يحب المراه الي تشتغل وتكون فاهمه في امور المنزل لاكن انا في وادي وهالاشياء في وادي ماتعودت اسوي شئ غرفتي ترتبها الشغاله الغداء والعشاء ع الشغاله الغسيل وترتيب الملابس ع الشغاله مادري ايش اسوي هل راح اوفق بين زواج ودراسه وانا عديمة المسؤليه

طبعا الفضل يعود لامي وابوي مامره قالوا قومي يابنت سوي لنا شاي او سوي عشاء او اي شئ حتى
اذا جاني خطيبي ودخلت المطبخ اسوي حلا يقولي ابوي لاتعبين حالك انا اجيبلك جاهز قمة التحطيم
احيانا وانا رايحه الجامعه تقولي امي تعالي اربط لك خيوط الجزمه ماباقي الا هي خلوني اعتمد عل نفس عمري 20 ولا حد راضي يفهم نصايحكم ارجوكم

اختكم تيماء

ياعيني ياعيني وش هالاهتمام

>يقول بصدره ليتني مثلك


والله يابنت الحلال هذي نهاية الدلع الزايد

لاكن ماعليك بذن الله سوفا تتعلمين

لان بيئتك ببتغير الى بيئه ثانيه

وبتقدرين ان شاء الله وبتوفقين بين الدراسه والبيت

__________________
ماتهم الي يهمك لو تبي تعيش صح صل فرضك وأقضب أرضك وخلها للي عينه ماتنام ونام


اللهم استر علينا وعلى خواتنا

السلام عليكم ...

ليست المشكلة ماذا كنت ...

المشكلة هي ... هل تريدين ان تتغيري؟؟؟


أنا وحدة ما علمتني امي ادخل المطبخ ...


انا التي غيرت الواقع ولم أنتظر من يغيره لي


لم الق باللوم على احد على حالي ..


عزمت على التغيير وتغيرت ..


التغيير ممكن اذا وجدت الارادة والرغبة الصادقة فيه ... وليس مجرد حديث نتحدث به .


اتمنى لك السعادة وادعو الله ان تكوني قرة عين زوجك يراك فيسر .. ( من جميع النواحي )

عزيزتي..

تخطأ الام حين تصل البنت الى سن الزواج ولم تهيئها بعد لتحمل مسئوليته,,
وقد تتفاجئين بعد الزواج بكم المسئوليات الملقى على عاتقك ،فالزوج عزيزتي من حقه عند عودته من العمل ان يجد زوجة بانتظاره وقد تهيئت ونظمت له مائدة مما لذ وطاب ورتبت منزله وجهزت ملابسه ،الا ان وجدت خادمة تقوم بالاعمال المنزلية (وذلك نادر في بداية الحياة).

اقتراحي عليك هو التالي...
اذا وجد لديك اخوة في المنزل ان تقترحي على والدتك اخذ اجازة بسيطة تسافر فيها مثلا مع والدك وتحلي محلها في هذه الفترة ولا تستعيني بالخادمة الا في الامور الضرورية..حاولي ان تتحملي جزء من المسئولية الآن وسوف تحكمين بنفسك على تصرفك ازاءها .
والله يوفقك في حياتك المستقبلية.

لاتكبرين المسأله أنا قبل مااتزوج كان البيت فيه عاملتين ولاكنت ألمس حاجه نهائيا وخيوط الجزمه كنت انحرج ان ماما تربطها لي فكانوا صاحباتي الله يحفظهم ويسعدهم يتبرعون بربطها على طول كاسره خواطر العالم ولما تزوجت تحملت مسؤليه مابعدها وعندي ولدين الله يحفظهم الكبير منهم حاله طبيه خاصه والحمدلله مهتمه في بيتي واولادي واموري واعتمدت على نفسي بعد ماكنت شخصيه اعتماديه من الدرجه الأولى وقريبا اكمل 6 سنوات زواج..عيشي يومك وخلي الجاي لوقته..
موفقه

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

شئ جميل ان عندك احساس بالمسؤليه...
لكن ياحبيبتي انتي ماغلطتي ولااهلك غلطوا.... عادي جدا انا امي كانت ماتخليني اسوي البيضه قبل مااتزوج واللحين لوتبيني اسويلك ذبيحة زواجك انا حاضرة....
بكرا لما تتزوجي بتحسي بالمسؤليه غصبا عنك وبتحاولي ترضي زوجك واهله بجميع الطرق ولاتشيلي هم بكرا بتتاكدين من صحة كلامي ان شاء الله...
ومبروك عليكي .

دامك طلبتي نصيحتنا .. معناه انك تبين تتغيرين .. بس اهم شي العزم ... كوني واثقه من نفسك ... وصدقيني تقدري

تكوني قد المسؤوليه ...

وأولها اذا غرفتك صارت حوووسه وحالتها حاله .. جربي انتي نظفيها ... والملابس انتي رتبيهم ... وبالنسبه للمطبخ

تقدري تدخلي مع الوالده للمطبخ وتشوفي هي كيف تتطبخ وشوي شوي صدقيني راح تتعلمي ...

الله يسعدك ويوفقك يارب ...

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

يعني مثلي بالضبط


بس امي ما تربط لي الجزمة ........


انا عندي في البيت شغالتين ومرات 3 ...مع ان البيت صغير وعددنا صغير

يعني ما في مجال اني اسوي شيء ....اذا شغالاتنا اصلا فاضيات و مرتاحات



بس خلاص دامج انخطبتي لازم تبدين تتعلمين شوي شوي على الاقل الاساسيات


صديقيني مو صعبة انا في البداية استصعبتها بس بالعكس وااايد سهلة


بس شوفي مرة مرتين وخلاص بتتعلمين

مثلا ترتيب الفراش ...... اول ما تنشين الصبح انفضي الفراش مرة مرتين ثلاث وردي دخلي الاطراف بحواف السرير واستخدمي شيء رفيع مثل المشط... وعقب ردي المخدات مكانها ...والبطانية رتبيها بشكل حلو .... وبس

ممكن تدخلين مواقع وتتعلمين و اكتبي كل شيء عندج بدفتر صغيير و طبقي ومع الوقت بتتعلميين

في النت بتحصلين كل شيء...مواقع خاصة للطبخ ومواقع للتجارب المنزلية .... وتعلمي الاساسيات من امور الضيافة ....

احس شغل البيت مو صعب بس يبيله وقت ...خاصة الحمدلله كل الادوات والاجهزة متوفرة اللحين

المسؤولية اعتقد بتكون اكبر مع العيال ومع الزوج اللي يبيله عناية خاصة

أول حاجة طلعي من دماغك فكرة إن أهلك هم المسؤولين عن وضعك الحالي
بتلومهم عشان دلعوك و اهتموا بيكِ ؟؟

الطبخ و الأعمال المنزلية مسؤولية شخصية
طول عمري عندي خدم
لكن يطلع في دماغي مرات أعمل حلا أو أكلة معينة
طبعا غرفتي يستحيل أخلي خدامة تنظفها
أصلا أقرف منها

طيب نرجع لحل مشكلتك حبيبتي
طبعا أولا أقولك مبروك

ثانيا :
ابدئي بالقراءة في التالي ( إما كتب أو مواقع الكترونية أو كتيبات )

الطبخ :
( الأكلات التقليدية )
( الطعام الصيني )
( الحلويات و العصائر )

طبعا الكتب اختاريها ملونة مليئة بالصور حتى تتفهمي الوضع أكثر و يكون أسهل عليكِ

المنزل
( طريقة غسل الملابس و فصلها و كيها و تجفيفها )
( طريقة الإهتمام بالأرضيات و الحوائط )

الحياة الزوجية
( اقرئي في حقوقك و حقوق زوجك )
( اقرئي مواضيع منتدانا )
( اقرئي في المشاكل الزوجية و كيفية تجنبها )

دي الحاجات المحتاجة تقرئي فيها

اقتراح آخر :

حاولي تشتري أجهزة كهربائية تسهل عليكِ حياتك
غسالة صحون
مايكرويف
بوتوجاز اشعال ذاتي
جهاز كيتشن ماشين ( بيسهل أمور كتيرة جدا )
غسالة أتوماتيك لكن نوعية محترمة من اللي بتطلع الهدوم مكوية ( أنا شفتها لكن لم أجربها . عندي الأتوماتيك العادية )
جهاز القلاية الكهربائية

ربنا يسهلك أمورك

__________________

أختي الحبيبة انا لي متزوجه 10 سنوات
وانا الحمد لله ست بيت ممتازه بشهادة زوجي واهلي و معارفي
رغم اني كنت في بيت أهلي تخدمني الشغاله لدرجة اني انزل مريول المدرسة على الارض واتركه يعني ما اسوي شيء ابدا
انتي اذا تزوجتي راح تتغيري وهذا على حسب زوجك والناس اللي حولك
يعني اذا زوجك عادي عنده الاهمال فحتكوني مهمله والعكس صحيح
بس لاتشيلي هم ان شاء الله تكوني ربة منزل ممتازه