جاتني فكره الموضوع من كلام حسيت ان خاطري اقوله من خلال التنقل بين المواضيع والمشاكل المطروحه:

1. تذكر انك متزوج ليس فقط حتى تقضي حاجه او تاخذ حقك من مرتك..انت متزوج علشان تأسس بيت وأسره وتتعلم تحب مرتك وتحببها فيك..يؤسفني اغلب المشاكل المطروحه من الرجال مبتغاها جنسي بحت..يعني اللي يبي يطلق مرته علشان ما تلبيله طلبه وقت ما يبي واللي يبي يتزوج عليها واللي يفكر يخونها واللي تملل وحاب يغير وتختلف الاعذار والسبب واحد..

2. تذكري انك غير مضطرة تسكتين على الغلط وان الحياه بدون رجل مو معناها النهاية..هذا مو معناها من اول مشكله لميتي قشك وطفشتي ولا معناها انك تكبرين الامور بس لها معنى واحد اذا الامور كبيره لا تكابرين وتحملينها وماعندك طاقه واخرتها والله علشان البنت ما تتسمى مطلقه ولا عانس ولا مو متزوجه وخير ياطير..

3. تذكر قبل ما تفكر بغير مرتك وتفكر تغدر فيها وتخونها او تتزوج عليها لمجرد التغيير او ان عينك ما تشبع..تذكر انها بعد ممكن تمل وتفكر بغيرك والفرق واحد بس انت قادر تعدد ولكن هي لا..هاذي موب دعوة للخيانه لان الخيانه مالها عذر لاي من الطرفين ولكن معناها حاول تحب مرتك وتحببها فيك واحمد ربك على النعمه..

4. تذكري على الرغم من كل عيوب الرجال .....................................ولكن مازال هناك من يحتفظ بمعنى الرجولة الحقيقي قلبا وقالبا .............................مو معناها طلعي من علاقه فاشله دشي بغيرها على امل البحث عن المطلوب ولكن معناه لا تسكتي على جرم زوجك بحجه ان كل الرجال فيهم عيوب وطبعا عدم سكوت اذا كان فيه عيب خطير..

5. اذا فكرت ترضى على مرتك لشيء السيء.. تذكر ان عندك اختك وامك اللي لو صار فيهم شي سيء من ازواجهم ولو كان مثل سواتك ما كنت بترضاه ببساطه لانه يجرحهم..

6. تذكري ان الجمال نسبي وكل شخص وله ذوقه يعني مثلا اذا انتي ملكة جمال ومستغربه زوجك يطالع غيرك و شينه يمكن هو ذوقه مثل سواته ماله طعم..علشان كذا جملي روحك قبل شكلك وقربيه منك وعلميه ما يطالع غيرج واذا ما نفع معاه عطيه على راسه وحسسيه بالنعمه عقب ما الانسان يفقدها لان معظم الرجال ما يحسون بقدر اللي بيدهم حتى لو اجمل مخلوقه(طبعهم عينهم فارغه).

7.اذا عجبتك وحده غير مرتك ولقيت فيها ما تحب وحسيت ان مرتك ينقصها كذا وكذا تذكر انك انت بعد ينقصك الكثير هل كنت بترضاه عذر لمرتك اذا فكرت بغيرك واهم شي تذكر ان هالانسانه الثانيه اللي شايفها كامله وفيها اللي تبيه ما بتم جذيه عقب ما تتقرب منها او تتزوجها او تعرفها لان حقيقة البشر ماحد كامل..

8. تذكري ان علاقه اي شخصين تتعرض للمطبات المستمره حتى لو كانت صديقتك، اختك ، امك فشي طبيعي تختلفين مع رزوجك من وقت للثاني لانكم موب واحد وكل واحد له اسلوبه وطريقته ولكن حافظو على النقاش المستمر في سبيل تقريب وجهات النظر..سامحي لما يكون زوجك يستاهل السماح وعلميه شلون يسامحج.

9. تذكر انك كما تدين تدان وان الطيور على اشكالها تقع فلا تعيش دور الخطيير..

10. تذكري انك لو كثرتي من الاطلاع على مشاكل المتزوجيين عمرك ما بتحسين بالرضا حتى لو كانت فعلا حياتج مع ريلج ممتازه لان هذا حال الانسان يتأثر من اللي حوله ويقارن بإستمرار يعني موب علشان ريل فلانه يخون تفقدين ثقتك بزوجك ولا علشان ريل اخرى يفكر يتزوج عليها تظنين ان زوجك نفسهم..يعني اذا كنتي فعلا ما تشوفين ما يريب في علاقتك مع زوجك لا تتهيأي وتخلقي المشاكل على حس ان الرجال واحد وان كلهم نفس التفكير..

النقطه الاخيره للطرفين..لاحظت ان كثار منا يستعين بالغير لمعرفة ردة فعل الشريك وقد اكون واحده منهم ولكن خلنا منطقيين موب اولى المره تصارح ريلها وتسأله سؤال مباشر والحال نفسه بالنسبه للرجل..احس اهانه اذا عرف واحد او عرفت وحده ان زوجها يستعيين ببنات المنتدى علشان يعرف شعورها او شلي لازم يسويه او او او..خاصه ان قد يظهرلنا راي الاخرين عقلاني ومنطقي بينما وقت الجد كل التعليقات تصير خرطي..

حلو نستشير بعض ونسمع أراء بعض بس في البدايه ابدأي براي شريكك وبعدها راي الاعضاء..وتذكرو انه قد تبدو آراء بعض الاعضاء مثاليه بإستمرار بينما تجدها في الواقع لا تمت للحقيقه بصله فتجد فلان يشكي مرته وفلانه ترد الرد الذي يتمنى صاحب المشكله سماعه بهدف ان يرى فيها مثال الزوجه الصالحه ويحدث ايضا بالنسبه للرجال فتجد فلانه تشتكي اهمال زوجها وتجد آخر يعلق على الموضوع كأنه الملاك الطاهر الذي سيسعد امراته وفي الواقع هو عكس ذلك ..اسمحولي طولت بس من القهر وسوري ان الموضوع نصه لغه عربيه ونصه عامي بس خبركم الاخت حابه تتفلسف بس موب قادره..وارجو ماحد ياخذ الكلام شخصي انا قلت هالكلام بناء على مواضيع عديده وقد يكون منها ما هو خارج المنتدى أيضا.


منقول



عفواً تم تعديل العنوان لاحتوائه على خطأ إملائي

يرجى الابتعاد قدر الإمكان عن اللهجات المحلية ..

يرجى الحرص عند نقل المواضيع واختيار المناسب من الموضوع ..

الإشراف

كلام اغلبه 100%

وين اللي سيتفيد؟؟؟؟؟؟؟؟؟؟؟

__________________


اللهم اعنا على ذكرك وشكرك وحسن عبادتك

ماشاء الله عليك مدرررررررررسه

مشكورة على النقل الرائع

يعني لازم نصير لكم عبيد عشان ترضون ..من خلال تنقلي بين المواضيع النسائية عجزت و عيزت احصل زوجه شاكره

كلهم يتشكوون الا العاقلات وهن قليلات ولو وحده كتبت مأساتها ووضعته بالرئيسية وبمجرد ان الكاتبه انثى تجد 99% المشاركات من النساء وكلهم يبكون معها ..

اخيتي كلامك اغلبه غير صحيح وبحكم انك امرأة لا نرضى ببعض استنتاجاتك وخاصة رقم واحد ورقم اربعه ولم اكمل
وفي الاخير منقول

كلام جدا رائع وجزاك الله خيرا

__________________

أللهم إنك عفوا كريم تحب العفو فأعفو عنا

نقل للمتزوجين مكانه الانسب

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

اخوي الولهان

من باب العدل لامانع من الاقرار ان هناك كلام صحيح جدا ومعقول

اما بالنسبه للتعدد فلا بأس ان تنكرة المرأه وترفضه مبررة ذلك بأمور قد تساعد

على المحافظة على شريك حياتها وهذه فطرة وخصلة جيدة تدل على حبها لزوجها

ولكن

من شاء من الرجال التعدد لأن زوجته تكثر التشكي منه او تتذمر من حياتها معه!!!!


فلا بأس ولن نقول له غير عتبة بابك لكن ابحث عن زوجة تعوضك بعض النقص الحاصل


الله يوفق الجميع لما يحب

__________________
*********

الذنوب جراحات ورُبَ جرح وقع في مقتل 00

**********

صح لسانج
فديتج

__________________
اللهم احفظ لي زوجي وسخره لي واحفظ لي اولادي

المشاركه رائعه ومحايده
اخوي سفير يتعدد عشانها شكايه او حنانه او كماقلت(يعني لازم اكون طرما وصمخا)عشان يرضى سي السيد
فلتت زمانه اللي البنات طايحين ومتسدحين تحت امره!!!!!!!!!!!!!!!!!!!!!!!!!!!!!!!!!!!!!!
الولهان؟؟؟؟؟مو عبيدنا
الاغلبيه عبيد لاهوائهم لا اكثر ولا اقل
وبعدين رقم (((((((((((((((4)))))))))))))))))))) ميه الميه صح والاولى اصح منها
اختي اكثري من النقل من هالنوع روووووووووووووووعه