السلام عليكم ورحمة الله وبركاته اشتقت اليكم كثيرا وافتقدتكم حين اغلق المنتدى يبدو انه كانت هناك مشكله ولكني كنت سأبكي حين وجدته مغلقا, اليوم اكلمكم وارجو دعواتكم لي من كل قلوبكم , ان معقود قراني من حوالي 9 اشهر بعد خطوبه لمدة سنتين وزوجي تعرفت عليه في الجامعه كان زميلي وكان انسان مرح جدا وممتلئ بالحياه وما زال ولكنه الان اشعر انه كالشمعه التي انطفأت قليلا حتى والدته تسألني عنه اين هذه اللمعه التي كانت في عينيه ولكي تتعرفا اكثر عليه هو الان في الجيش يذهب اليه نهارا أما باليل فهو في مشروعه الذي أهلكه, اشعر انه ليس هو الذي عرفته اصبح باستمرار منهك من التعب واشعر بقليل من الحزن المدفون في اعماقه وخاصة اننا لم نجد حتى الان البيت المناسب بعد ان كادت شقتنا تنتهي من البناء اكتشفنا ان اصحابها الله يسامحهم نقضوا اتفاقهم معنا, انا نفسي طبعا قلقانه لكن عندي امل كبير في ربي الذي اكرمني كثيرا وانا لا استحق كل هذا الكرم, شكوتي ليست منه انا اتحمل كل شيئ من اجله ولكن شكوي وخوفي عليه لا أريد ان اراه هكذا ماذا تنصحوني ان افعل حتى ادخل عليه البهجه من جديد لانني احبه من كل قلبي واريد ان أسره وأفرحه لانه اجمل هديه من عند ربي لي اريد ان أجعله سعيدا واجو من اخوتي واخواتي النصيحه وبخاصه اخواتي الرومانسيات واخوتي الرجال اريد ان اعرف منهم ما الذي يجعل الرجل سعيدا

[motr1]وارجو في النهايه الدعاء لي ولزوجي ان ييسر الله في زواجنا ويعجل به[/motr1]

__________________

مساء الخير يا ربيع الحياة والف حمد الله على السلامة والله اول مالمحت اسمك مكتوب دخلت على طول لارد عليكي ...حبيبتي قرات مشكلتك بتمعن وارى ان زوجك يعاني من ارهاق شديد او مشاكل بشغله يعني مش يلحق بين الدهاب للجيش ومشوار مشروعه المهم .. حبيبتي ما عليكي الا بالوقوف جنبه ودعمه معنويا فهو بامس الحاجة اليكي بهدا الوقت وحاولي تخرجيه من هدا الوضع الحزين بعمل خرجات معاه تحولين تنسيه همه ويارب يفرج عليكي ويسعدك ويديكي كل ما ننمنيه يا رب والله ادعيلك من قلبي وربنا يوفقك

يا حبيبتي الله يكون بعونه

كل الشباب في هذه المرحله بيكونوا متوترين وبيعمل كل اللي في وسعه عشان هوا حاسس ان انتي في رقبته

ولازم يوفرلك احلى عيشه انا زيك متملكه ومخطوبه من زمااااااااااااان وزوجي الان دائما معصب وبيفكر في مستقبله

وشايل الهم مهمتنا يا خلوة اننا نرفه عنهم ونكون النص الحلو بحياتهم

وبما ان العيد داخل علينا وهذه فرصه لإنعاش الحب والرومانسيات:14:

يعني روحي اشتري طقم جديد مثلا تنوره قصيره(بس مش قصيره أوي) وبلوزه ناعمه

واعملي تسريحه جديده عند الكوافيره واشتريله هديه

واشتري بالونات حمراء قلوب في محلات اتنين جنيه ونص (شكلك مصريه مش كده)

واعزميه مثلا عندك يوم الوقفه او في العيد وحيتفاجئ طبعا بالجو الرومانسي وبشكلك

وسمعيه كلام الحب بتاع زماااااااااان ودلعيه وهزري معاه وخليها ليله لا تنسى

يلا لو عندك ليا افكار قوليلي

__________________

حياتي زي ماقلو البنات زوجك يعاني من ضغوطات من ناحيه

الجيش والعمل ،،

نصيحتي اذا شفتيه خليه يشوف فيكي الراحه لاتعاتبيه او تهاوشينه

اوتقولين ليه انت مقصر او او......... قدري ظروفه ...

وزي ماقلو العيد والمفاجئات حلوه ..

والله يهنيئكم ...

حبيبتي ياسمين والله مفتقداكي في المنتدى جدا وحشتيني وشكرا لكي على المشاركه الجميله دي وانا فعلا هحاول على قد ما اقدر اني اسعده وربنا يسهلها عليا بس عارفه نفسي اشتغل لاني انا مخلصه دراسه وقاعده في البيت وطبعا اي حاجه بحتلجها بطلب من بابا وماما لكن طبعا لو بشتغل كنت مثلا هفاجؤه واعزمه على العشا بره مثلا او اعمله مفاجأت كتير وبصراحه انا بتكسف اني اطلب من بابا وماما كل شويه فلوس اكيد انتي فاهماني وعارفه مشروعه مفيش له مكسب يعني اللي بييجي منه بيروح عليه يعني مينفعش انه يخرجني

بس هو مشروعه ده مؤقت لحد ما يخلص الجيش بعد كده هيشتغل

المهم ربنا يخليكي ليا ويوفقك ويا ريت تطمنيني عليكي

__________________

السلام عليكم يازوجة احمد شكرا ليكي على النصيحه الغاليه وما شاء الله عليكي عندك افكار رائعه جدا ربنا يوفقك مع زوجك يا حبيبتي وعلى فكره انا فعلا مصريه وان شاء الله هعمل اللي قلتي عليه بس طبعا انا مش ضامنه انه يكون هيزورنا لوحده للاسف يعني انتي عارفه الضيوف اللي بيهللو علينا فجأه يعني مثلا النهارده كنت عازماه على الفطار هو واسرته وكنت عامله حسابي اني اعمل كده بس لقيت اخوه الكبير جه العزومه وكمان اختي عزمت خطيبها مش عارفه لكن اكيد هصطاده مره واعمل تسريحه حلوه واجيب جيبه حلوه وشكا ليكي يا حبيبتي على مشاركتك الجميله بس في الاخر هكون مش براحتي لان لما تكوني معاه لوحدك في بيتكم غير لما يكون اهلك قاعدين معاكو يعني مش باخد راحتي معاه في الكلام بس ممكن اطلب منك طلب ممكن تقترحي عليا ايه الكلام اللي ممكن اقولهوله غير كلام الحب يعني عايزه الفت نظره لانك ما شاء الله عندك افكار جميله زيك ويا رب بكره نباركلك على زواجك :14: الجميل

__________________

انتي اجمل يا قمر وانا فعلا حصلي كتير زي مبتقولي وبتبقى كبسه وحشه اوي ههههههههههه

اختاري انتي بس وقت تضمني ان نحدش حيجي عشان القعده تبقى رومانسيه (فهماني طبعا )

على فكره انا مكتوب كتابي زيك واسمي زوجه احمد مش ام احمد

ربنا يوفقكم ويعجل زواجنا كلنا يارب

__________________

بصي يا زوجة احمد انا عارفه ان اسمك زوجة احمد بس هو اصله شكله جنني من كتر التفكير فيه عموما انا لسه مصلحه كلامي لقيتك رديتي بس انا اسفه مش عارفه ليه معلقه معايا ام احمد يالله مهو ممكن لما تتجوزي تسمي ابنك احمد

__________________

اختي هند شكرا ليكي على المشاركه الحلوه وربنا يوفقك في حياتك بس والله انا عارفه ظروفه وانا بحبه قوي ومش عايزاه يكون زعلان ابدا اصل هو انسان غريب يعني من كتر ما هو مرح بيخلي كل الناس اللي حوالينا يضحكو وبيدخل جو مرح دايما على الناس هو زي الشمعه اللي منوره دايما بس اللي مزعلني اني صعبان عليا ان هو بقى مهموم وشكرا ليكي حبيبتي على المشاركه

__________________

بصي طبعا كل كلامي على اساس انكم لوحدكم

العبي في شعره بحنان وقوليله عامل ايه يا روح قلبي احكيلي ايه اللي شاغلك؟

طبعا حتلاقيه زي الطفل الصغنن بيشكيلك همومه

وهوا بيكلمك خلي عينك في عينه وتفاعلي مع كلامه يعني من الكلمات دي (مش مممكن,مستحيل,ايه ده

بجد.........)

بعدين في الاخر قوليله ولا يهمك يا روحي بكره ان شاء الله ربنا يكرمنا اصبر انت بس وحتشوف

وبعدين غيري مجرى الكلام عشان طبعا القعده متبقاش كلها نكد

يعني قوليله مثلا انا ملاحظه فيك حاجه غريبه جداااااااااااااااااااااا

حيقولك ايه؟؟

قوليله انت بقيت زي القمر اوي وشكلك في منتهى الجاذبيه

وهلم جرااااااا من كلام الحب والغزل

حينزل من عندك مبسوط ان شاء الله

واعمليه حلويات حتى لو كيكه من ايدك واكليه بنفسك وحسسسسيه انك مش عارفه تجبيله ايه ولا ايه

يعني كل شويه قوليله اعملك شاي ؟ اعملك عصير ؟ لا انا حجيبلك فاكهه وكده يعني

اي سؤال انا في الخدمه يا قمر

__________________