السلام عليكم ورحمه الله وبركاته



مسائكم \صباحكم ورد وفل وكادي




العمر يمشي والايام تمضي وحنا مو حاسين فيها
او حتى نستشعر مرورها السريع
يمكن مع هموم حياتنا ومشاكلها الى مو راضيه تنتهي الله المستعان
الانسان مايحسب عمرة كم صار او كم مر عليه
يمكن لان ماعندنا ولله الحمد والمنه اعياد ميلاد
والا حفلات ميلاد كم يسميها البعض
عشان كذا تلاقووووووووون اغلب العالم يمشي عمرهم وهم موحاسين كم اساسا وصلوا
بنفس الوقت تلاقيهم متشفقين وخايفين يمشي عام وينتهي من عمرهم وهم للان واقفين مثل مهم
على قولتهم مثل البيت الواقف
هذا حالي انا بالضبط
على كثر مو متخوفه من تاخر عمري من دون زواج
على كثر ماكنت احسب الايام تركض ركض



بالامس القريب كنت فرحانه بدخولي للمدرسه
بالامس القريب كنت انتظر صباح العيد بفارغ الصبر
بالامس القريب كانت حياتي من دون هم وتعب كل همي لعبه او فستان جديد
بالامس القريب كان ابوي يودينا ويجيبنا ويجيب كل الى نفسنا فيه قبل مايصير مقعد نهائي عن المشي
بالامس القريب كنت كل تفكير وشلون تصير حياتي اذا كبرت
بالامس القريب كانت احلام الفتاة المراهقه والاحلام الورديه تتلاعب بمخيلتي الصغيرة



ولكن






لكل بدايه نهايه
وكل صغير لابد يوم من الايام يكبر
ولكل حلم واقع لابد تصحو من اجله





وفعلا صحيت من حلمي





ولكن






انصدمت




تصدقون بالله اني انصدمت يوم دريت ان ماباقي غير ثلاث شهور باذن الله واكون مخلصه باذن الله وبحول الله قوته اذا كتبلي ربي عمر 27 وادخل الثمانيه وعشرين
تصدقون اني كنت اقول بيني وبين نفسي اني متاخرة بالزواج والى كبري لهم سنين متزوجات بس الموضوع ماعمرة ضايقني كثير
تمر علي لحظات اتضايق ولكن تروح بسرعه ولله الحمد والمنه لاني متوكله على الله وواثقه ان ربي لان يتخلى عني باذن الله
كانت يمكن متقبله الفكرة اني متاخرة
ماعمري صارحت نفسي وجلست معاها جلسه حقيقيه اني فعلا كبرت
او عقلي الباطن مو راضي يقتنع ان العمر يمشي

وانك ياغموض خلاص كبرتي
انتي مو غموض الى قبل كم سنه صغيرة وتحلمين احلام ورديه
لا انتي الان على مشارف الثمانيه وعشرين بحول الله وقوته



تدون كيف عرفت هالحقيقه المرة
او اني ماعمري فكرت احسب عمري
واحسب كم باقي واخلص سنه وهكذا



غير من يومين



كنت جالسه على قناة بتلفزيون وفيه ناس يرسلون اعمارهم بالهجري والميلادي للكنترول ويعلمهم بالظبط كم عمرهم
ارسلت وحدة بنفس سنه ولادتي بس هي اصفر مني بكم شهر تصدقون انفجعت يوم قريت عمرها 27سنه و ثلاث شهور
وحسبت عمري وقتها طلع 27 سنه وتسع شهور
هين انا انصدمت ومر علي شريط حياتي كله معقوله
مضى من عمري 27 سنه وتسع شهور ماشاء الله لاحول والاقوة الابالله وانا جالسه بيت ابوي لاشغله والامشغله
الى كبري عيالهم بالمدارس والى اصغر مني بعد عيالهم بالمدارس الله المتسعان بس


انا مو جزعانه او مو راضيه بقدري
الحمدلله مقتنعه وواثقه ان ربي ماكتب لي زواج للان
وعارفه ان متى ماكتب ربي راح يكون هاليوم باذن الله


بس الى مستغربه منه
كيف مروا علي هالسنين مو حاسه فيهم
تصدقون حسيت اني شيبت بيت ابوووووووووي
عجزت وانا جالسه عندة للان فعلا حسيت اني عانس عندة
معقوله ادخل بعد ثلاث شهور بحول الله وقوته بالثمانيه وعشرين


يااخوووواني قسم بالله مو قادة اصدق



قبل سنتين تقريبا اول ماحسيت من جد اني طولت متزوجت يعني على نهايه الخمسه وعشرين من عمري كانت امنيتي فقط اني اكون زوجه والبس الفستان الابيض واسافر شهر عسل واستانس وافرح
لكن الان امنيتي اني اكون( ام )فقط لا غير
اخاف العمر يمشي وانتم عارفين كل متاخرت الوحدة بالزواج كل ماقالت نسبه فرصها بالحمل

نفسي اكون ام
نفسي بطفل لي لحالي
اكون انا امه
ااكله على كيفي ماتجيني امه تقول هذا يصلح ووهذا مايصلح
اشربه على كيفي
البسه ملابس واختارهم على كيفي وذوقي
انومه عندي وبحضني اصحى من النوم على لعبه بوجهي



يااخواني يمكن دايم احاول ابينلكم الجانب القوي المتفائل فيني
لاني مااحب الياس والاحباط الحمدلله
لكن تجي للانسان لحظات ضعف
دايم تجيني لحظات ضعف وخصوصا اذا الموضوع يتعلق بالاطفال والامومه
اليوم اقرب شي قريت موضوع وحدة حامل تشتكي من النونو وحركاته وانها تضربه عشان يبعد ايدة او رجله
والله ماقدرت امسك نفسي او اتملك روحي ماحسيت غير بالدموووووووع ينزلون مني بدون شعور
واسال نفسي هل يوم من الايام يكون عندي نونو
هل راح اشعر بنفس مشاعر هالام



العمر يمضي اخاف اجلس اكثر من كذا
يكون كم باقي من العمر عشان اتزوج واحمل
يمكن بعضكم يقول صغيرة ومادري ايش
بقولكم كل مالوحدة من الحريم كبرت كل مكان حملها وولدتها صعبه


الله المستعان بس


فعلا احلام الانسان تتغير بين يوم وليله
لحد الامس القريب وانا كنت احلم اكون زوجه وربه بيت
واطبخ لزوجي واغسله
واخطط وش اعمله وش اسوي له
يمكن تضحكون اذا قلتلكم كنت افكر حتى اذا زعل وشلون ارضيه
ووشلون اذا بغيت فلوس منه كيف اطلبها



الان ماابغى شي غير اني اتزوج واجيب نونو واكون ام

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

اسال الله العظيم ان يرزقك الزوج الصالح التقي النقي اللي يسعدك

ويعوضك خيـــــــــــر

وان شاءالله نشوفك عرووس ونفرح فيك قريب

وربي يسها امورك


واعلمي اختي ان كل تاخيرة وفيهاا خيرة ربي يسعــــــــــدك ويوفقك وين ماكنتي يارب

وعليكم السلام ورحمة الله وبركاته

هلا والله بغموض السنين

هلا والله بالغاليه تصدقين عاد توني ادري اني انا وانتي بنفس العمر


وبقولك شي وشلون عرفتك ورسخ اسمك في راسي (((بس قوليلي انتي برضوه كيف عرفتيني)))

افتكر موضوع لك برمضان السنه الي عدت وحلمك في الرجال الي جاء عند ابوك يعالجه بين المغرب والعشاء

القصه هذي رسخت بذهني

وكل ما افتكرتك دعيت لك

تصدقين عاد كنت افكرك اكبر من كذا توقعت انك ببداية الثلاثين من كثر ماتقولي تاخرت تاخرت

اي تاخرتي صديقاتي توهم يتزوجون وكلنا بنفس العمر تقريبا

صحيح فيه الي استعجل مثل حالتي

وفيه الي درست وكملت وتوضفت وبعد كذا جاء نصيب نصيبها

خلي املك بالله كبير وما اوصيك عاد كثري من الدعاء





بالنسبه لمشاعر الامومه حلو انك حسيتي فيها واشتقتي لها لانك ان شاء الله قريب جداااا راح تتزوجي ويجيك نواف

وبتكوني اروع ام في الكون

لانك بديتي تحسي فيها

اهم شي يجيك ابن الحلال ((الي يخاف الله فيك ))

صحيح العمر يمشي بس انا من الناس الي احسب عمري دائما

كان نفسي ببنوته ولين هالحين اتمنى يكون عندي بنت بس بعد الي عانيته خفت لاني ما اتمنى تجيني بنت وتعاني

بحيااتها


وانا اقرى كلماتك قلت هذا وماجربتيها وحسيتي بمشاعرها اجل كيف بالي عاشتها وانحرمت منها وتشوف ملابسهم واغراضهم حولها

بجد محد بها الدنيا مرتاح


كبرنا وصارت الدنيا تصف احزاننا بالدور وكل غارق بهمه وبالاخر تشتتنا


الدنيا مرت بسرعه

والله العالم يوم الحساب بيجينانفس هالشعور بسرعة الايام والا اقوى

الله العالم بنقول ليت الزمن يرجع والا الحمد لله انا وصلنا للي نبغاه



الهي ياحي ياقيوم

يارب العالمين

يامن بيده ملكوت كل شي وهو على كل شي قدير

ارزق اختواتي الغاليات غموض السنين وهمه عاليه ونايت وعبير الريضا وفي الانتضار وزينه الغنادير وشيهانه

وزهره وكل من ارادت الزوج الصالح بالزوج الصالح عاجلا غير اجل ياحي ياقيوم يارب العاليمن

انك على كل شي قدير

اللهم صلي وسلم على نبينا محمد وعلى اله وصحبه اجمعين

__________________

خلي املك بالله كبير
مافي شي بعيد عن الله
ومافي سن ممكن تقولي انو خلص ماعمرك حتتجوزي
لكن من عمر لعمر تختلف نوعيات الفرص
وتختلف كمية الفرص
فيمكن الان فرصتك اقل من بنت 20
لكن لك فرصة
والي عمرها 35 الها فرصة
وهكذا
لكن كل عمر فرصه مختلفة
يعني بعرف وحدة تجوزت فوق ال35
وعاشت سعيدة وجابت بنتين زي القمر وعادي مبسوطة
يبعد عنك الشر يعني إن شاء الله عال35 تكوني متزوجة من زمااااان وعندك بنات وولاد حلوين
لكن قصدي اقلك
الانسان ممكن يتجوز باي وقت لكن هادا كلو نصيب
إن شاء الله تتجوزي وتصيري احلا ماما

__________________

ياحليلكم ياغموض وام السوسه..


أجل طلعت أكبر منكم وأنا اقول أكبر مني وكلامهم عين العقل ووراه ناس كبار طلعتوا مو هينين ماشاء الله تبارك الله


اجل انا وش أقول



بس ترى موحيل كبيره بس 29 ويارب طولة العمر لي ولكم على حسن العمل وطاعة الله..


يابنت الحلال والله تو صغيره وفرص الحمل كبيره ولاتخافي..وماتدري نفس ماأخفي لها من قرة أعين..


وان شاء الله قريب بتفرحين وربي بيرزقك...


وسمعت ان الواحد لما ينجب على كبر يجيب توأم ومدري هل صحيحه هالمعلومه ولا لا..بس تفائلي وأنا اختك


وأكيد وانتي ببيت ابوك لك لزمه ولاتقولي هيك الله يحفظ لك غاليك ومغليك يارب...


اللهم يامجيب الدعوات وفارج الكربات ياكاشف الهم أرزقني وأخواتي أزواجا صالحين وذرية صالحه مباركه آآآمين

__________________

حبيبتي غموض باين القوه والايمان بكلامك ..

وش عاد وانتي صاحبه النظره الغموضه لعريس الغفله ...

تدرين وش جاي على بالي نتفق كلنا يابنات المنتدى ونوحد الدعاء

واقسم لك بالله من تجربه العام انا وصديقاتي سوينا كذا قسمنا صعب

بالعربي رياضيات وكان ضغط علينا بالمواد ومرره تعبنا وقبل الامتحانات قررنا

نوحد الدعاء اقسم لك بالله كلنا نجحنا يارب لك الحمد ..

ياليت حنا نسوي كذا ونستمر لين تفرج وانا واثقه من هالشي ...

الله يوفقك حبيبتي وكل بنات المنتدى ..

__________________

‘‘ بحاجه ماسه لدعواتكم لاتحرموني منها ‘‘

حبوبتي ام نواااف

تتذكري العام الماضي انا وانتي تكلمنا بموضوع الاعمار لما كنتي تجي تونسينا في قسمنا ... حتى اتفقنا بالاخر ما عاد نحسب بالهجري ونحسب بالميلادي عشان نبان اصغر (من وجد حيلة فليحتال)

يا ست الكل مارح اعرف اقولك كلمتين على بعض ترفع المعنويات (لانك عارفتني وخابزتني وعاجنتني قمة في التشاؤم) لكني والله متفاءلتلك سبحان الله وشوفي اللي صار لاختك اكبر دليل وان شاء الله الخير جاي بس يبغى مننا شوية صبر مو انتي دايما تقوليلنا كذا؟ الرغبه في الزواج و الامومه من ابسط حقوقك وفطره ربنا حطها في قلوبنا ما احد له حق انه يلومك او يعاتبك لكن ما بيدنا غير الدعاء وانك تعملي بالنصيحه اللي موجوده بتوقيعك فكلها امل وفرح وتفاؤل زي ما تعودنا عليكي...

طالعي حوليك هنا بالمنتدى شوفي قد ايش الناس هنا تحبك وبالذات في قسم عاشقات حلم الامومه الله حط لكي في قلوب الناس قبول ومحبه فاكيد ربنا مخليلك نصيب حلو للقليب الطاهر.

اما قصة الامومه شكلنا عقدناك منها ههههههههههههههههههههههه وخوفناك روحي يا شيخه الله يرزقك الحمل السليم المعافى من ليلة الدخله ان كان فيها خير لكي ...


طمنيني عنك حبيبتي..

__________________

اختي الغاليه ربي يعطيك ابوك طول العمر ويشوف احفاده ويرزقك انتي وخواتك الرجال الصالحين
بتستاهلي كل خير اختنا الطيبه والحبيبه
لست أنا التي اوصيكي لكن استغلي هذه الأيام بالتقرب لله وتلاوة سورة البقره وسورة مريم قرأت عنهاكثيرا وكالعاده اتكاسل
وتصدقي وادعي
واهديكي هذا الدعاء غاليتي
﴿رَبَّنَا وَاجْعَلْنَا مُسْلِمَيْنِ لَكَ وَمِن ذُرِّيَّتِنَا أُمَّةً مُّسْلِمَةً لَّكَ
ربي لا تذرني فردا وانت خير الوارثين
الله يفتح علينا يارب

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

وانا جالسة اقرأ موضوعك ,,

حسيت وكأني اقرأ قصة حياتي

والأوقات التي كنت اقضيها في التفكير بفارس الأحلام ,,

ندمانة ألحين على كل دقيقة وثانية ضيعتها في أوهـــــــام لن تتحقق

لقد خذلتني أحلامي ,, وخذلتني الحياة

وفقدت الأمل

بطلت أحلم ,, وصرت أكره الأحلام

أمس كان يوم ميلادي ,, واتصلت علي صديفتي عشان تباركلي العمر الجديد

قلتلها لا تقولي كل عام وانتي بخير

قولي عظم الله أجرك

لأني حزنت على نفسي ,, وانا كل عام بنفس الحالة بدون اي تقدم ولا تغيير

العمر يمضي ,, واحنا نكبر ,, والناس اللي حوالينا تتطور وتتزوج وتسافر وتتغير ,, واحنا واقفين مكاننا

كل سنة نفس الشي ,, نفس الملل

مافي شي جديد

عظم الله أجري في هذه السنة والسنين الجاية

__________________


(( إنمـــا أشكـــــو بثي وحـــزني إلى اللـــــه ))

أم نوااااااااااااااااف حبيبتي........

وربي انعقد لساني ومو عارفه ايش اقول ......
بس كل اللي اعرف اقوله (الله يرزقك بالزوج الصالح وبالذريه الصالحه في القريب العاجل)

الصبر مفتاح الفرج

__________________
افتقدت كثير بعض الاخوات لي في هذا المنتدى ...
يارب يكونوا بافضل الاحوال ..