أخواتي و أخواني هل صحيح زوجي لا يحبني ؟
[align=center]السلام عليكم ورحمه الله وبركاته **
مر وقت طوييييييييييييييييييييييل على اخر مشاركه لي في هالمنتدى الراااااااااااقي والمليان بالعقول الحكيمه والنفوس الصالحه *** هالمنتدى هو الوحيد اللي احس ان اعضائه يشكلوا اسره واحده ** الله يجعله منتدى خييييييييييييير وصلاح وهدايه للجميييييييييييييييييع **
انا متزوجه من 6 سنين عندي بنت عمرها 5سنين وولد عمره 8 شهور *** عمري 25 سنه وزوجي 32 سنه حياتنا فيها الكثير من لحظات السعاده والانس والمودددددددددددده وااحترام واكيد فيها لحظات من التعاااااااااسه واشد انواع الذل والاهانه والتجريح اللي بدورها تقضي على كلللللللللللل لحظه حلوة بحياتي مع زوجي **** انا لو احكيكم اللي صار واللي جرحني واللي اهانني راح اعبي مجلدااااااااات كلها تعاسه ****
زوجي في خلال هالست سنين ضربني 5مرات وباسباب تافهه وكلها كانت في سنه وحده الا الاخيره كانت هذي السنه **** انا انسانه هادئه ومحبوبه عند الكل حتى اهله مفضليني على الكل واقول كلمه الحق لو مين ماكان الغلطان وادافع عن نفسي بقوة ولا احب ادخل احد بيننا زوجي رجل خلوق ولكن عصبي وفي لحظه بيدمر كل اللي بيننا اذا عصب واللي مجنني عصبيته التافهه وبس عليه انا لكن اللي برا لو يغلطوا ماراح يلاقوا من زوجي الا العفو والاحسان والصفح الجميل ******
كل مشكله تصير بيننا نحلها بيننا بدون اطراف خارجيه حتى لمن يضربني اسكت ساعتها واخليه كم يوم واروح اخذ حقي منه لكن مايبرد على قلبي لانه ظلمممممممممممممممممممممممممممممني ***
الشعره الللي قصمه ظهر البعير اللي صار من كم يوم *** اختلفت انا زوجي على شي بسيط انا سكتت وماعاندت ومشيت الموضوع واتقبلته لكن صار يعند بنتي عليه ولمن ارفض اعطيها شي يخاصمني قدامها ويغصبني اعطيها ويرفع صوته علي المهم انا بكل هدوء قولت له /// ياابو فلان انت بهالاسلوب كانك تحرض عيالك علي وتشجعهم يعصوني ولا يصير لي كلمه عليهم وماهي حلوة في حق امهم ولا هي حلوة في حق ابوهم ** طبعا اتكلم واتنرفز وكان عيال ابليس كللللهم فوق راسه // انتي اصلا ماتعرفي تربي انتي وحده مااثق فيها تربي عيالي انا باركب كميرات مراقبه اشوف انتي ايش تسوي في عياللي لانك قاسيه وماتتعاملي معاهم الا بالضرب وانتي الي علمتيهم العناد (لان من فتره بنتي صايره عنيده ومعصبه لاتها فاقده ابوها صاير بعييييييد عنها وكمان عشان وجود اخوها مع اني احاول اعطيها الوقت الكافي لكن انا وحدي مااكفي دايم تسال عنه ولمن يعصب تقولي خليه يروح العمل ومع العلم زوجي اذا روووووق يدلععععععععها اخر دلع ) وانا صحيح ساعات اضرب بنتي بس والله بعد مااجرب واتعب معاها بكذا اسلوب ***** انا وضحت لها بكل هدووووووء // ياابن الحلال العيال والله مافيه شي مجرد انهم فاقدين ابوهم ووجودك معاهم يغير كثير من نفسياتهم خصص لهم بس ساعه في اليوم العب معاهم وحكيهم قصص وسولف لهم وخلي البنت تحكيلك اللي صاير لها بالروضه وووووو * ولا تتهمني ان انا قاسيه او اضرب وتنسى لمن تكون انت في بيت اهلك ايش تسوي فيها بس تضرب وزعق وتخوفها بصوتك وتطردها لدرجه ان البنت في وجودك ماتخرج تلعب مع عيال اعمامها منك *انا اضربها بس لمن تقل ادبها ومو ضرب كفار اضربها بشويش على كفها وفي نظرك انه جلد ************* طبعا هو خلاص فاااااار دمه وقام يسب ويتكلم علي لكن الطااااااااااااااامه اللي غيرت موقفي من المشكله وقررت اني اتبع معاه اسلوب ثاني هو كلامه التالي ////// والله والله والله اني ندماااااااااااان على زواجي فيكي ومافي قلبي لك ذرة حب ولا تصدقي كلام الحب اللي كنت اقوله لك ترى كله من ورى قلبي انا ندمان انا ندمان ولو يرجع الزمن ورى مستحيييييييييييييل اتزوجك *********** انا ماسكتت /// يافلان انت رجال وفي عز شبابك وبيدك العصمه وانا في عز شبابي وكل مطالب الرجال فيني من بيت عز وخير جمال شهاده ومن اعلى الشهادات اجترمتك وحطيتك فوق راسي واتحملت اهاناتك فضلتك على كل الشباب اللي تقدموا لي بعد مارفضوك البنات صنت سمعتك قدام اهلي واهلك واطلعك قدامهم الشهم الاجودي **** ياابن الناس طلقني انا ماباضيع شبابي واهد عمري وامرض نفسي معاك واتاكد انه من بعد كلمتك هذي والله مالك في قلبي ذره حب او حتى احترام واذا انك صادق طلق طلق ولا تخاف على عيالك خلهم عندك واتزوجلك وحده تعجبك ومابتندم على زواجك بها ترعاهم لاني اكيييييد باكون مشغوله باللي جاي واللي اكيد باكون سعييييييييده اكثر من ايامي معاك ولا تتخيل اني بعيد نفس الغلط **** قاطعني وقال // تدري ليه ماابغى اطلق لاني ارحمك **** قاطعته ** الرحمه من ربي ولو بيحطها في يدك كان الحياه مستحييييييييييييله معك ياالظالم ولا تخاف انت تعرف مين ابوي ومين احنا ولو ابغى اتزوج فاكيد ماراح اتزوج اللي من امثالك ولو ماابغى يكفيني اكون خدامه لامي وابوي وبهم ادخل الجنه ******طلقني طلقني والله مابتكسب الا كل خير فيني ********************
ومن بعد كلمته وانا مدمممممممممممره نفسيا كيف يقول هالكلام واحنا مرت علينا مشاكل اكبر من كذا ولا عمرها اتلفظ بهالكلمه *** افعاله معايه قبل تخليني مااصدق كيف يكرهني وهو متعلق فيني ويعبرعن حبه بكل شي حتى وهو نايم يتكلم بس عني وياخذني بحضنه ويسمعني كلام وهو نايم وانه مستحيل يبعدني عنه ويجلس يناديني باسمي ووووووو ************ انا حاليا قررت اكلم ابويه يجييني ويتفاهم معاه على كل شي صار بيننا وكل شي كنت ساكته عنه او مررتها له بسهوله واطلب رضوة كبيره واهدده بالطلاق وهو يعرف شخصيه ابويه شديد وعاقل وماعنده لف ودوران ويهدده انه يايتعدل ويكرمني ويعتذر يايطلق وهذا اللي نبغاه ويتعهد قدامه مايمد يده ولا يهينني قدام اهله ** فايش رايكم اخواني واخواتي والله انا في حيره مو قادره اتقبله ومو قادره اغير فكره الطلاق كرهته كرهته مستتتتتتتتتتتتتتتتحححححححححححححححححيييييييييل كيف ينسى صبري وحبي له ****** ارجوكم ساعدوني انا انهاااااااااااااااااااااااااااااااااااااااااار *****
25-11-2008, 05:39 PM
ضوابط المشاركة
العرض الشجري