::: متى يصير الطفل مستقر؟ :::
السلام عليكم ورحمة الله و بركاته
كل عام وانتم بخير
سؤالي امتا الطفل بيصير بني ادم طبيعي
يعني ينتظم نومه
تنتظم رضاعته
ينام زي العالم والناس
والنفخة الي شو ماعملت لازم تيجيه
لانو انا صراحة قربت عالانهيار العصبي
ظهري انكسر من الحمل والرضاعة مش عارفة اعمل اييييي شي بيومي غير الرضاعة والطبطبة على ظهره عشان الغازات تطلع
بصراحة حاسة مخي حيصير في اشي
الحمدلله عكل حال
المسكين كتير ممغوص وهالاشي بقلق نومه وبقلقني انا كمان وبقض مضجعي
بعدين لو نام كل ساعة بصحا يرضع
وانا صراحة قربت انجن
قدرة احتمالي محدودة
حاسة بملل بقعد الاعبه واغنيلو او ابوسو والاخ ولا هوة هون
بصير يطلع في اي مكان الا انا
معجب في الخشب تبع غرفة النوم مهما حاولت فبيضل يتامل فيه وازا حطيته بحضني بيدور عيونو وراسو
وببذل اقصا محاولاته عشان يشوف الخشب 
ماشاءالله عليه الله يخليلي اياه
بس انا ملانة كتير وتعبانة وظهري راح فيها
وحاسة نصفي الفوقاني في اوجاع مش طبيعية
واعصابي تلفانة مش عارفة استرخي اااخ ياربي
عفكرة اجت فترة كان زي الفل ينام الساعة 10 ويسحبها نومة للساعة 3 بعدين يصحا كل ساعة يرضع
وماكان يصيبو نفخة وطول النهار ساكت
ايش جرالو مابعرف
بدي انجن
من خبراتكو امتا ممكن حياتي تتحسن حاسة الفوضى و اللخبطة مسيطرة عالموضوع مش بسببي انما
لطبيعة الاطفال هية هيك انا مافي بايدي شي اعملو وماعملتو
بس لو ببقا الحال هيك لاعمري بطبخ ولا بعمل تنظيف ولا اي شي
غير اقعد مع الاخ اشوف طلباته
ساعدوني ياريت اشوف تجارب تعطي الواحد امل في تغيير الحال لاحسن منو
وبارك الله في اولادكم جميعا
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
التعديل الأخير تم بواسطة ملَك شادي ; 09-12-2008 الساعة 01:24 AM
09-12-2008, 01:22 AM
ضوابط المشاركة
العرض الشجري