مشكلتي مع النسيان - منتدى عالم الأسرة والمجتمع

03-01-2009, 02:44 PM

سمو الأميرة

موقوف

تاريخ التسجيل: Sep 2006

المشاركات: 2,454

مشكلتي مع النسيان

السلام عليكم ورحمة الله وبركاته ..

قبل كل شيئ .. أقووول .. اللهم أنصر أخواننا في غزة .. اللهم إنك تعلم حالهم

وترى أحوالهم .. اللهم فرج كربهم ... وقوي ضعيفهم .. وأشفي مريضهم .. ودمر أعدائهم..

بداية .. وبإختصار بدأت مؤخرا أعاني من النسيان !!! نعم النسيان ..

من يوم وأنا صغيرة .. وأنا أعتبر ذاكرتي قوية .. والحفظ عندي ماشاء الله سريع ..

الحمد لله .. يعني أتذكر أمووور ولما أحكي لأمي الله يحفظها عنها تقول لي كان عمرك أربع سنوات

أتذكر مدرستي اللي بالروضة .. وشكل معلماتي . .. وصديقاتي .. وكل المواقف بالتفاصيل ..

أتذكر أرقام صديقاتي اللي كنت أكلمهم دائما وأنا في الأبتدائي .. وفي المتوسط .. والثانوية .

والأناشيد اللي حفظتها وقلتها على المسرح .. وأمور كثيرة ..

لكن ... من تقريبا سنتين .. وبالتدريج .. بدأت أحس إني مو زي أول ..

صرت أنسى بشكل يقلقني ... بشكل ملحوظ .. ويضايقني

يعني مثلا ..

بنتي عندها مضاد .. المفروض تستخدمه سبع أيام .. نسيت أي يوم بدأت في المضاد ..

أحاول أتذكر .. ما قدرت ..

لما أبدا في الصلاة .. وفي كل فرض تقريبا .. أنسى أنا الان في أي ركعة.. زيادة ولا نقصان .. بالرغم

إني أكون مركزة في الصلاة من بدايتها حتى لا أنسى زي كل مرة ..

أتوضى .. وبعدها بثلاث دقائق أسأل نفسي أنا أتوضيت ولا لا ؟؟ والله ما يكون مداني طلعت من الحمام

الله يعزكم .. فأرجع وأتوضأ تاني حتى أقطع الشك باليقين ..

وربي أحيانا لما أحد يسأني عن موقف ما يكون مر عليه يوم .. أستحي أقول نسيت ..

وأجلس مع نفسي ألاقي إنو فعلا ناسية ... ياربي معقول ... أحاول أتذكر الأحداث .. أحيانا

أتذكرها بصعوبة .. وأحيانا ما أتذكرها

أحس مخي مليان وماصار يجمع . .مدري يمكن لأنو مسؤولياتي كثيرة .. المشاغل زادت ؟ ممكن !

كل شيئ أكتبه في ورقة يومية عند سريري .. وأمزقها بنهاية اليوم بعد ما أحط صح على كل اللي أنجزته

حتى لا أنسى شي ..

والله زمان كنت أعتمد على حفظي كثيير .. حافظة رقم بطاقتي في المستشفى ..

وأغلب الأرقام .. وما أحتاج أكتب إلا الشي البسيط ..

لكن الان .. خلاص كل شي أكتبه .. كل شي أسجله عندي .. ولا أنساه ولا أدري عنه

أنا خايفة .. يعني أحيانا أقول لما أكبر ووأتعدى الثلاثين والأربعين والخمسين إيش بيصير فيني ؟؟

صرت أعتمد كثيير على الجوال . والتذكير .. والورقة والقلم ...

الان أنا صرت أبحث عن أعشاب تقوي الذاكرة .. وتحد من النسيان ..

أدري طولت عليكم .. سامحوني بس أتمنى ألاقي عندكم تفسير .. أو حل ..

تحياتي

الإشراف :

تم تعديل العنوان ليتضح المضمون .

التعديل الأخير تم بواسطة ملاك الغربة ; 04-01-2009 الساعة 09:13 PM

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 11:59 PM.

روابط سريعه