السلام عليكم جميعا

انا كتبت من فتره موضوع هنا وقلت ان زوجي راتبه 11 الف

ودايما مشغوووووووووووووووووووووووووووووول

وموظف وعنده تجارته الخاصه توه مبتداء وعليه شوي ديون

بس يسدد الديون من ارباح المحل

يعني راتبه ماله علاقه في تجارته

تصدقون من تزوجه من 6 سنوات وانا ما اشوفه الا قليل احيانا يسافر شهر ومره شهرين وانا صابره

لانه يقول عشان نوسع رزقنا لازم توقفين معي وقفت معاه وانا توني عروس

تحملت اهله وكرههم لي بدون سبب بس لانه تزوجني غصب عنهم

صبرت وصبرت وكنت دايما ادعي له وللاسف انا ادعي له وهو مسافر عشان

يلعب بذيله وصبرت وتحملت واجهته وقال غلطه وحلف انه ما نام مع وحده غيري

سكت لاني كنت حامل رغم ان الكل كان يتكلم بس انا تجاهلت كلام الناس ودافعت عنه

وما بينت لاحد انه مقصر معاي

الان بعد 6 سنين ما تغير شي


بس الحمد الله سفراته قليل وكلها عشان تجارته اسبوعين ويرجع

بس المشكله الان اني تعبت ومليت من حياتي روووتين وملللل

كل يوم يجي من الدوام يتغداء حتى كلام مافي لا سوالف لا ضحك يجي يقابل التلفزيون وينام

ويصحى على طول يطلع يروح يشوف تجارته

ولا يرجع الا نص الليل تعبان ويقابل التلفزيون وينام حتى البوسه انا الي اطلبها منه (( من ناحيه العلاقة مو مقصر ))

ما اشوف البوسات والكلام الحلو الا في هذي اللحظه وانا بصراحه ما ابيها بس اذا هو يبي شي

احس انها مو طالعه من قلبه

هو كلامه حلو بس قليل يقول احبك ويا بعد عمري ويعترف انه مقصر معي س تعبت الى متى

في حاجات كثيره ناقصه البيت تخيلو الفرن الكهربائي خربان له سنه

ومالقى الوقت عشان يصلحه وتعرفون الفرن مهم جدا

ثانيا الفريزر برضو خربان له تقريبا سنه ونفس الشي كل يوم اذا فضيت

رابعا الحمام يبي له سباكه برضو بيكمل سنه وهو ماصلحه

واشياء كثيرررررر وكل يوم بكره

حتى مقاضي البيت يتأخر يجيبها مو بخل لا كسل واهمال

واخرتها امل واقوله عطني فلوس وانا اروح اشتري

بس مليييييييت من الوضع هذا

يجيب لي هدايا بس عطورات مره خاتم ذهب مره تعليقه ذهب وبس

حتى لما طلعت من النفاس اول مره ماجاب لي شي

رغم انه يقدر ويعرف ان قلبي بينقطع على ما اشتري ساعه الماس بس يتحسف يدفع 6 الاف على ساعه

رغم انه يشتري اجهزه غاليه

واي شي يخص تجارته من ديكور ما يبخل عليه بالعكس يصرف في اشاء تافهه


وهي اني مليت من هذا الوضع والا اقدر اتحمل حتى اني بديت ما اشتاق له اذا غاب واتمنى يطلع من البيت باسرع وقت

لاني افرح اذا جى ويضيق صدري اذا شفت اهماله وبروده وعدم شوقه لي

لازم انا الي ابادر بالكلام الحلو

كل ما يدخل للبيت يدور بنته ويبوسها حتى وهي نايمه وانا احيانا يعطيني بوسه واحيانا ولا كأني موجوده

واذا نبهته يقول تغارين من بنتك

اقوله بالعكس انا افرح اذا شفتك متعلق فيها وتهتم فيها

بس انا بعد محتاجه حنان وعاطفه على غيابك هذا

والله اني مو راعيه مشاكل طيييييييييييييييبه وما احب اكبر المواضيع

وصابره ولا ني نكديه ومو عارفه طريقه اقدر اغير فيها زوجي

ودي يحس بالمسؤليه خلاص انا تعبت وما اقدر اتحمل اكثر

حتى اني الاسبوع الي راح جلست عند اهلي قلت تعبانه وابي ارتاح لاني حامل

وانتظره يتصل يقول بمرك مافي فايده بعد يومين قلت له تعال قال طيب بعدين اتصل قال شكلي ماراح امر تعبان بجيك بكره

وكل ما اروح لاهلي لازم يخليني ابات عندهم وانا الي لازم اقوله تعال حتى مره جلست عندهم 4 ايام لاني

كنت تعبانه مع الحمل وجت اختي من السفر عشان العيد وعيالها كثيرين وقمه الازعاج

وبصراحه ماقدرت اتحمل اتصلت عليه وقلت انا تعبانه تعال اليوم ازعاج قال لا قلت انا تعبانه ارجوك مرني

قال والله انا معزوم ويمكن اتاخر قلت معليش قال لا بكره

وجلست ابكي ليه ما يحس فيني وانا تعبانه

وارسلت له رساله اترجاه ارجوك ما اقدر اتحمل الازعاج وارسلي كم كلمه يسكتني بس انا حزت في نفسي

وتضايقت حتى ان اهلي شكو ان فيني شي بس ما قلت لهم شي

مرات احس انه يحبني ومرات لا لاني ما احس انه يهتم فيني ابد

ولا في مشاعري بس يعوضني بالفلوس وطبعا مو الالف يعني الف الفين بس

والان انا حامل وعلى وشك ولاده وابي اولد في خاص وهو قالي عن مستشفى حكومي بس لازم واسطه

انا رفضت وقلت له انت مو بخيل وكل الناس يمدحون في كرمك الحين جت علي

ما تبي تدفع لمستشفى وانا منبهته من اول ما حملت وقلت انا اخاف وما ابي الا اهلي

عشان محد ينافخ علي ويعطوني بنج وابر تخفف الالم لان اي شي اطلبه منهم يسوونه

اما الحكومي معروف على حسب مزاج الممرضات

ممكن يعطونك بنج ووممكن يخلونك تولدين كانك والده في بيت وهذا شي معروف

انا الي قاهرني انه ما سمع كلامي وجاني من كم يوم يقول كلمت واحد وبيتوسط لك

انا انقهرت حسيت اني رخيصه عنده

مستخسر فيني كم الف عشان راحتي والله لو يحب من جد ما بخل علي واهم شي يشوفني مرتاحه

مو يشوفني اتعذب

وثاني شي قلت له قدم شغاله لان البيت دور كبير وطفلين ولازم اجيب شغاله تساعدني رفض

رغم ان مجتمعه اخوانهوخواته كلهم بشغالاتهم واسبابه غير مقنعه

انا الان احس ان صبري عليه ما جاب نتيجه بالعكس يمكن لو لساني طويل مثل باقي الحريم كان عملي حساب

مو يطنشني وبس

معقوله هذا جزاء الطيبه والصبر

يعني الرجال اذا صارت عنده حرمه تقدره وتحترمه ومريحته ومالها لسان ولا تحب المشاكل يهضم حقها

ومايعمل لها اي حساب

واذا وحده شريره وما تعطيه وجه وتتغلى عليه يعمل لها الف حساب وطلباتها مجابه ليه الظلم هذا

وين العدل


ارجوكم شوفولي حل مع زوجي خاصه في موضوع المستشفى والشغاله والاهتمام في البيت

يعني كل شي

الحل تجديه في السطور الاخيره من موضوعك هذا ..

طالبي بحقوقك منه بصراحة وليجد منك اصرار واضح على ضرورة تلبيتها لك..

وكذلك افتحي قلبك له وقولي له كل ما يدور بداخلك من ملاحظات سلبية عليه ..

اخوي رجل طيب انا من النوع الي ما احب اعيد وازيد مليت اقول هو رجال كبير مو طفل كل شوي اعلمه

بس عجزت ياريت تقولي طيف اقدر اطالب بحقوقي واصر عليها

اختي اميرات والله ما عندي اي فكره عن هذا الموضوع

عندنا وعندك خير

انا اقول جربي تسوين له جو رومانسي واختاري يوم مايكون فيه مشغول ولا تعبان وصارحيه بكل اللي بقلبج

الله يسعدكم يارب

والله انا كلمته كم مره في جو رومانسي وجو غير رومانسي ولا في تغيير

يتقبل النقد وما يزعل بس ما يغير شي والله مليت من الكلام ابي شي غير الكلاما

اختي ا ميرات شكرا على تعاونك

انا دخلت الموضوع بس لاني الان مصدعه ماقدرت اركز في الموضوع

بكره ان شاء الله بدري بشوفه على رواق

بس بالنسبه للي كتبتيه زوجي فيه صفات الشمالي مثل (( واثق من نفسه .. طموح .. لا يجيد التعبير عن

مشاعره .. يعشق العمل .. غامض .. نوعا ما انطوائي .. ))

ومن صفات الجنوبي ((محبوب .. بطئ الحركه .. مسترخي .. مستمع جيد .. متعاطف .. كريم

محب للسلام .. متفهم .. صبور .. شهم .. ))

اختي زوجك انسان طيب واخلاق ومعاملته معاك مافي احسن منها ايش تبغي اكثر من كذا ياما غيرك تتمنى زوجها يعاملها ولو شي بسيط احمدي ربك واشكريه الا رزقك زوج زي هذا ..
وبالنسبة لكسل زوجك والله العظيم اذا ماكان كلهم فهو اغلب الرجال كذا والله احيانا من كثر ما اقول صلح الفرن صلح المكنسة صلح الغسالة صلح اللمبة اطفش صرت اللي اقدر اسويه انا بنفسي اسويه والحمد لله في خبرة ههههههه واللي ما قدر عليه اخليه براحته لين يروق ويحس ان هذا الشي ضروري يقوم يصلحه وهو الحمد لله عنده خبرة في كل شي مايجيب مهندسين الا للشي اللي مايعرف له وصعب ..

وبالنسبة للولادة والشغالة انا بصراحة ضد المصاريف الزايدة اللي مالها داعي يعني الولادة هي نفسها سواء في مستشفى اهلي او حكومي ومن قال ان الاهلي يعطوا ابر تخفف الالم والله الم الولادة نفسه ما يخف كل اللي يسووه يعطوكي ابرة مسكنة للالم بعد الولادة وهذه حتى الحكومي يعطوها اختي لاتبذري وفلوس الولادة ادخريها ليوم اسود الله العالم الدنيا دوارة وامنوا مستقبلكم ومستقبل اولادك ..والشغالة انا اشوف مالها داعي الان وانتي ماعندك الا بنت وحدة وزوجك تقدري ترتبي امورك بكل روقان وتسرحي وتمرحي في مملكتك بكل حرية ليش تقيدي نفسك من بدري كذا تقدري فترة النفاس تلسي عند امك وبعد ماتقومي بالسلامة ارجعي لبيتك واهتمي فيه انتي ...

إقتباس:
يجيب لي هدايا بس عطورات مره خاتم ذهب مره تعليقه ذهب وبس

حتى لما طلعت من النفاس اول مره ماجاب لي شي

رغم انه يقدر ويعرف ان قلبي بينقطع على ما اشتري ساعه الماس بس يتحسف يدفع 6 الاف على ساعه

!
!
!
بس 6 آلاف والله إنك قنوعة!!!!!!!

يا أختي مش ملاحظة ان طلباتك غير منطقية، ساعة ألماس مرّة واحدة بعدين ولادة بمستشفى خاص وبعدين شغّالة!!!!

شكلك يا أختي مفكرة زوجك بنك وهات يا مصاريف.

أختي اذا كنت غير موظفة فليش بدّك شغالة!؟!؟!؟

أختي احمدي ربك على النعمة اللي عندك احسن ما يبتليك ريك بخسارتها.

بالتوفيق ان شاء الله.