السلام عليكم و رحمة الله و بركاته

فهودي يوم التلاتا بصير 6 شهور ماشاءالله

وانا دقيقة زيادة عن اللزوم بدي ابدا اعطيه الوجبات من يوم التلاتا

المهم شريت الو سيرلاك بالقمح والعسل

بس قرات انو مابنفع الا بعد السنة عشان العسل

بس يعني مافهمت الي عملو السيرلاك اكيد عارفين صحة الطفل وهيك

خاصة كاتبين عليه 6 شهور فما فوق

فمش معقول يكون بيضر الطفل وعاملينو يعني لو اتضرر الطفل او اشي مابكون بمصلحتهم

بعدين مش عسل نقي يعني واصلا اشك انو في عسل عنجد يعني

بس المهم والي انا مقتنعة فيه انو مش معقول يكون مضر والشركة عاملاه

بس بنفس الوقت خايفة على فهود

فاحكولي عادي اعطيه السيرلاك بالعسل ولا مابنفع

والي فترة شارياه ما بظن اقدر ابدلو خسارة وين يروح


شو تجاربكو؟

__________________

اتوقع انه عادي لانه اصلا مو عسل طبيعي الي فيه مجرد نكهة هذا اذا كانت اصطناعية كمان
واذا ماعجبه كليه انتي انا اموووت بالسيريلاك او ارسليه ليا

__________________
اللهم لك الحمد حمدا كثيرا

لا حبيبتي أن شاء لله مافيه ضرر ياحلوك وحلو مواضيعك
دايم تجذبني مواضيعك لأن أسلوبك بالكتابه حلو

مافيه اي شي حبيبتي انا اعطيه عيالي من 4 شهور مو6 بس هو من الافضل لوانك بديتي بسيريلاك الارز ... والله يخليلك فوفو ان شاء الله ...

انا ما طعميت بنتي سيريلاك نهائيا والشهر الجاي ان شاءالله بتكمل سنة .. على كلام دكتورها انه بنفخ الطفل بس من غير فايدة .... صحة وعافية على قلب فهودي .. مو عارفة شو بدي أقوله نيالك او الله يعينك على دقة الماما ..هههههه

__________________

كيفك يا ملك اكيد عادي مافي شي بيضرة باذن الله
بس دايما الطبيب ينصح بالبدء بسيريلاك بالأرز ثم القمح
ثم تدخلي على باقي النكهات انت ما شاء الله داخله على
العسل مرة وحدة تدرجي في اعطاء الوجبات وابدأي بالخفيف
عندي سؤال ؟ هل هذه هي المرة الأولي اللتي يأكل فيها طفلك؟؟
اذا كانت الأجابه بنعم انصحك تأجلي السيريلاك شوي وابدأي بالتفاح المسلوق اولا
ثم الخضار ثم السيريلاك ثم اللبن الزبادي الخالي الدسم .. الله يوفقك لكل خير ويباركلك بأبنك

__________________

بالعكس كثير يبدون في سيريلاك العسل على أساس الطفل يبدأ يستسيغ الاكل
لان طعمه يكون حلو ..
سريلاك الارز فيه بعض الاطفال يسبب لهم أمساك ..
البعض يضع ملعقة من السيريلاك مع الحليب ..
مثلاً إذا كان يشرب 4 ملاعق حليب يوضع 3 ملاعق حليب وملعقة سيريلاك في الرضاعة ..
بوسي لي فهودي

__________________

حلا أول شي أكلتو هو سيريلاك العسل و القمح من عمر 4 شهور بعدين نوعتلها بالنكهات يعني جربت سيريلاك الفواكه ما حبتو بعدين التمر ما حبتو و أخيرا الارز ما حبتو فرجعت للعسل و هياها ماشالله عليها ما صرلها شي

اهلا حبيبات قلبي سامحوني لتاخري في الرد بس انشغلت مع فهود طابب عليه الزن هاليومين
شكرا الكو جميعا وخلص ببدا بسيرلاك العسل إن شاء الله

بارك الله فيكم كلكو

__________________

ربنا يخلي لك فهودي و تشوفيه راجل ناجح و تشوفي أولاد أولاده كمان

__________________