حائرة بين ولد عمي وبين العريس المتقدم !
السلام عليكم ورحمه الله وبركاته ..
كيفكم اخواني ..
كثير اشخاص امدحوا لي منتداكم وعندكم حلول طيبه وممكن تساعدنيٌ ..
انا بنت ابلغ من العمر 19 سنه .. مخلصه الثانويه وناويه اتوظف .. جميله جدا < 
مشكلتي مع ولد عمي ٌ .. وخواته !!
عندي ولد عم اصغر مني بثمان شهور ..
تقدم لخطبتي لما كان عمري 15 سنه ورفض ابوي وقال انتوا صغار ع الزواج واانا ايضاُ رافضه الفكره ..
بعد ماكبرنا وصرت بـ الثاني ثانوي .. جاء عمي ومرت عمي وولدهم لخطبتي ..
قال ابوي خلاص بس تكمل دراستها يصير خير ..
طبعا هو دايم يرسل خواته لي ويقول انه يحبنيٌ وانه مايفكر بغيري .. انا شعوري عادي لاحب ولاكرهه
ودايم مايرضى احد يجيب اسمي بزعم الغيره .. طبعا من اخوانه ..
خلصت الثانويه وهو خلص معي وتوظف .. وصار له فتره متوظف واموره تمااام وكل شي تمااام ...
بس الغريب انه لحد الحين ماتقدم !!!
وخواته يجوني ويقولون بيجي الاسبوع الجاي عشان نسوي ملكه ..
ومر الاسبوع وسافر ..
وبعد السفر قالوا بيجي يخطبك !!
وهذا هو صار له 3 شهور من رجع ولاتكلم ولاشي وحتى هله ..!!!!
والمشكله انه كل ماتقدم لي واحد .. مجرد مايسمع انه فلان تقدم لي يروح بيته ويقول هي لي ويويلك ان قربت منها وربي بقتلك !!!!
ووصلني كلام قبل كم من يوم من خواته يقولون " اخوي يقول ماراح يتزوج الا لما يأسس نفسسه " ..
قمت قلت لاامي .. وقلت يمه تراني مب لعبه عنده !!
وانا مااقولكم اني انتظره !!
وربي ولاهمنيٌ / بس هلي يحبونه لانه متدين وطيب ورجال كفو واخلاقه حلوه .. بس ليش لاهو راضي اللي يتقدم لي
ولاهو راضي اني اتزوج غيره ؟؟
انا كلمت اخوي بالموضوع .. قال خلاص انتظري شهر اذا ماتكلم ولاجاء وخطب رسمي ينسسى شي اسمه بنت عمه له ..!
المهم الحين تقدم لي دكتور بالجامعه .. ويموت فيني .. وهلي موافققين عليه ..
هو رجال ظروفه حلوه .. متدين وخلوق ورجال كفو وكل هذا الكلام من عند ابوي واخوي وخالتي لانها تعرفه من اقارب زوجها ..
بس مشكلته جنسيته مش مثل جنسيتي ..
..
الحين احترت ؟؟
وش اسوي ..
افيدوني .. انتظر وولد عمي ..!
والا اوافق على الثاني ؟
الاشراف: تم تغيير العنوان ليناسب المضمون ,بالتوفيق
التعديل الأخير تم بواسطة !!حنيين!! ; 11-05-2009 الساعة 07:06 AM
10-05-2009, 01:24 AM
ضوابط المشاركة
العرض الشجري