السلام عليكم ورحمة الله و بركاته

ابني العزيز يبلغ في يوم 19 الشهر 7 شهور إن شاء الله

وانا حابة انقلو غرفة اخرى هالفترة او اول الشهر القادم

انا مقتنعة بالاشي هادا كل ماكان ابكر افضل

يعني مقتنعة وخلص ( عشان مايتحول الموضوع لاقناعي انو حرام وبدري)

المهم يا اعزائي

شقتي ماشاءالله 3 غرف
غرفة انا و زوجي

اكيد حتقولو طيب يابختك عندك وسع

بس المشكلة انو ماعندي وسع


غرفة فيها مكتب دراسة لزوجي و طاولة الكمبيوتر و دولاب فهود و جزامة اعزكم الله

وكرسي هزاز وحاطين السرير الكبير تبع فهود لانو في غرفة النوم تبعتنا ينام على سرير صغير

واصبح صغير عليه ودايما يتخبط في جوانبه وحالته حالة

المهم والغرفة التانية

غرفة معدات رياضية زي النوادي ماشاءالله يعني زوجي ماخلى وسع لحد

وحاطة فيها بعض اغراض المنزل

المهم ممكن اخترع فيها وسع بازالة بعض الاغراض للغرفة الثانية مكان السرير واخذ السرير هناك

الحيرة تكمن ان

غرفة الكمبيوتر شرحة اكتر يعني المعدات الرياضية مش كتير ظريف شكلها

وغرفة الكمبيوتر فيها صور اطفال لاقيناها معلقة من الناس الي قبلنا في الشقة

ويعني هيك

بس الي مخليني مترددة ابقيه في غرفة الكمبيوتر

انو زوجي احيانا يدرس هناك ويفتح الاباجورة

وابني بخاف يصحا
انا لما يصحا مرات بالليل بدون سبب بتركه وخلص برجع ينام
وتعبت لعودته ونظمت النوم عندو بقدر معقول
بس زوجي الله يهديه بقلي هاتيه وبقعد يلاعب فيه

بس نادر يعني مش كتير عشان هوة كمان بكون في سابع نومة

فخايفة وزوجي بيدرس الولد يصحا من النوم ويروح زوجي شايله يلاعب فيه في نص الليل

ومرة ع مرة يعملو عالفوضى ويعني عارفين الرجال مش حريصين زينا في هيك امور

يعني خايفة ابني ينزعج من الضو احيانا او هيك

رغم انو زوجي مش كل الايام بدرس يعني فترات فترات

غرفةا لرياضة ممكن اشيل الي فيها الزيادة يعني وبس تبقا الادوات الرياضية

واحط سرير فهود

و اعلق العاب و صور واشياء هيك

وتصير حلوة

انا نفسي واملي نفضي احدى الغرفتين لفهود وساطرح الامر على زوجي ومابتوقع يرضا لانو لو نقلنا غرفة الكمبيوتر للرياضة مافي وسع وان في حيكون محشورة جدااااا

لكن انتو عارفين الرجال مش كتير مهتمين بهيك امور

يعني خلص بقلي ينام والسلام المهم ينام

وانا مهتمة جدا بالتفاصيل هاي

المهم اخليه في غرفة الكمبيوتر

ولا انقلو غرفة الرياضة مع تزبيطات للغرفة وصور والعاب و هيك امور؟؟؟


ما ارائكم؟؟؟

__________________

والله يا اختي من رأيي غرفة الرياضة تقسميها نصفين ..

ممكن تشتري بارافانات حلوة تفصل منظر اجهزة الرياضة عن السرير وخزانه فهود

وبعدين للمستقبل لازم تفكروا اصلا انكم تفضوا غرفة بالكامل للأطفال لانه مش معقول هوايات زوجك ومكتبه واغراضه مستحلة البيت كله ههههههههههه

حاولي نسقي .. وشوفي اذا معدات الرياضة تنتقل لغرفة الكمبيوتر يكون احسن وتصير غرفة خاصة بزوجك بأكملها

أو تتخلصوا من معدات الرياضة وزوجك يسجل بنادي رياضة ويمارس هواياته برا البيت


الله يحفظ فهود ويرزقه ايام حلوة ويجعله من الابناء البارين الصالحين

ههههه خطير طرحك للموضوع

المهم فعلا راي الاخ حلو نفس راي بس سابقنى اقسمى غرفة الرياضه بي برفات او ستارة حلوووة

اتمنى نوما هنيا وعميقا لفهودي

الله يحفظو يااااارب

__________________
ياررب ارح قلبي وعوضني خير

ممكن مكتب زوجك ينتقل لغرفة الرياضة و الكمبيوتر يحطيه بغرفتك و هيك بتفصى الغرفة لفهودك

طاولة المكتب انقليها لغرفة النوم و الكمبيوتر للصاله سوي له ركن لحاله

وخلو فهوودي ينبسط ...

ولا انقلوا بيت اكبر

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

طيب انتوا مستفيدين من اداوت الرياضه ولا بس ماخذه المكان بدون فائده ؟؟؟

واذا مستفيدين منها .....انقلي مكتب زوجك مع ادوات الرياضه كمان يتشجع يلعبلوا اشوية تمارين والكمبيوتر خليه في غرفة المعيشه قصدي المكان اللي فيه تلفزيون وجلستكم اليوميه

وخلي هالولد ينبسط ويفرح لحاله ......

او خلي المكتب في غرفة نومكم في زاويه معزوله لو الغرفه كبيره والكمبوتر يروح مع اجهزة الرياضه ...خلص صار عدكم اولاد لازم تفضوا الغرفه لهم

خبرينا شنو سويتي ؟؟

الافضل ان زوجك ينقل المكتب عند غرفة الرياضة اما الكمبيوتر اما مع فهود فى غرفته او بالصالة او بغرفة النوم

__________________
اللهم بارك لى فى اولادى وزوجى وعوضنا خيرا مما فقدنا

الغرفه الشرحه احسن للدرس

والغرفه العتمه احسن لفهودي مش وقت يشوف نور يروح صاحي على طول



كلما كانت الغرفه عتمه قليلا احسن للطفل

يا قلبي
عشان رياحتك


وقت ترتبي الغرفه خبرينا شو عملتي

الله يعطيكي العافيه

__________________
http://live.gph.gov.sa/
اللهم اني استودعك اولادي

اهلا اخوتي شكرا للمشاركة والاراء

انتو معكو حق انو لازم يكون في غرفة لوحدو
المكتب والكمبيوتر سوا لازم يكونو بنفس الغرفة
غرفة الرياضة المشكلة انو فيها اجهزة كبيرة كتير زي تبعت النوادي
بصراحة زوجي الو زمان كتير مالعب عليهم بسبب الدوام والانشغال
وطرحت عليه اكتر من مرة يبيعهم مش راضي قال بدي العب عليهم
وبتمر الايام ولاحد بلعب ولا غيرو
انا بس بستخدم جهاز الدراجة الثابت ويعني بصراحة انا بعرف الناس في الشقق بحطو جهاز مشي او دراجة بالكتير اما زي الي عنا ماشفت
مفروض بدها بيت وحوش او سرداب او مكان كبير مش شقة
واول مرة اشوف ناس عندهم 3 غرف مولاقيين وسع لطفل واحد
بس ايش اعمل عشان اول متزوجنا ماكان عنا اطفال فلما جهز زوجي الشقة جاب الادوات هاي
بس هلأ مالهم اي لزمة صراحة
بدي اقترح بشكل جدي انويبيعهم ونخلص من زحمتهم

وادعولي يوافق انا نفسي كتير يكون لفهود غرفة خاصة

المهم ولو ماقبل حعمل التالي

في فراغ بين الالعاب والحيط

بدي اعمل فاصل بستائر عليها رسومات الطفال وهيك
وبصير في وسع للسرير

واحط طاولتين بلاستيك صغار وحدة فاضية عشان اجلس عليها لما ارضعو والتانية عليها اباجورة

وبدي اعلق العاب و صور اطفال

يعني حتكون غرفة صغيرة مناسبة للنوم فقط
واللعب والزحف برة لانو عندي الصالون والممر الي بين الغرف فيهم وسع كويس

وان شاءالله عالطفل التاني ننقل بيت اوسع او هوة لازم ننقل ان شاء الله لانو وين حنحط التاني؟؟؟

المهم عرض عالغرفة حيكون متر ونص يادوب اما طولها طول الغرفة كلها
حلوة للنوم وفقط لاتكفي لشي اخر

عاد انا متاكدة لمااقول لزوجي عن الغرفة و الطفل التاني حيقلي من هون للطفل التاني اكيد بنكون نقلنا بيت تاني

بس انتو عارفين الاجارات كيف صايرة والغلاء

بعدين بالله في ناس تنقل وعندها 3 غرف وطفل؟


الله يعييين ويارب يوفق زوجي على بيع الالعاب لو بلعب عليهم انا مابزعل ومابقلو بيعهم ماحيهون عليه
بس المشكلة مركونين
دعواتكم

__________________

حبيبتي اكثر الناس هيك

يشترو ويدفعو مبالغ عشان الرياضه ولا يستعملوها الا نادرا


شو رأيك اعملي تخفيضات للجيران لعمل الرياضه للنساء

هيك تستفيدي منهم ( مشروع تجاري رابح)


هههه

جربي اذا تقدري تضعي بكل غرفه قطعه من الماكينات وهيك توسعي غرفة فهودي

__________________
http://live.gph.gov.sa/
اللهم اني استودعك اولادي