كيف أتعامل مع خطيبي الخجول ؟ - منتدى عالم الأسرة والمجتمع

30-07-2009, 12:10 AM

ربي يحفظ لي حبي

بانتظار التفعيل عن طريق الايميل

تاريخ التسجيل: May 2009

المشاركات: 56

كيف أتعامل مع خطيبي الخجول ؟

السلام عليكم
ياجماعة اجبروا بخاطري بأي كلمة الله يوفقكم
وضعي متأزم مع نفسي بسبب عدم فهمي لخطيبي وكيفية تفكيره
احتاج رأي كل واحد فيكم بنات وشباب بالذات

خطيبي عمره 35 يعني عاش وشااااااااااااف ... وانا توي عمري 22 مابعد شفت من الدنيا إلا هو

اول حاجة ابغى اوضحها أن خطيبي اول شخص في حياتي ، يعني مالي اي علاقات ابد لانت ولاجوال ولا اي طريق آخر
ويشهد علي ربي وانا اكلمكم من خلف شاشة وماتعرفوني فماله لزمه اكذب بس حابه احطكم في الصورة

لكن سبحان الله اخذت على خطيبي والفته بسرعة وصرت معتادة عليه
يعني ماني مثل البنات اللي يستحون او حتى يخافون من ازواجهم في لقائاتهم الأولية ايام الملكة
انا غير وعااااااااااااااااااااادي عندي الوضع

والسبب أن خطيبي معي جدا في قمة الأحترام يعني يادوب يصافحني اول مايدخل وبس
غير كذا كل واحد في كنبة وسوالف جدا عادية يعني لاغزل ولاتودد ولاشيء <<<< مو غريب ياجماعة ؟؟!!

اكيد في البداية كان الوضع بالنسبة لي حلو ومريح بس بعدين خلااااااااااااص تلعقت فيه
واحلامي وتخيلاتي معه تجاوزت حدودها

خصوصا من مكالماته معي اللي فيها شيء من الحنيه والرومنسية وغير كذا اقرأ في هالمنتدى وغيره عن رومنسية هالفترة ونفسي اعيشها معها
بس ابد زوجي ولاهاااااااااااااااااااااااااامه

تعبت والله وصبرت شهر لانه خلال هالشهر زارني 4 مرات وكل يوم اتعلق فيه اكثر

بعدين قلت له يوم ما في رسالة جوال بعد ماطلع من عندي فلان احتاجك بس هذي الكلمة <<<<< تصدقون مستحقرة نفسي أني انا اللي بديت
هو رد علي وقال إذا صرتي في بيتي يصير خير

وبعد 3شهور تقريبا ارسلت له ايميل لطيف
وبعدها رد علي وهو ندمان ومتأثر وقال اعذريني انا مقصر معك بس والله احترام لأهلك لاني اجيك في بيتهم

ياجماعة أنا مابغيت منه إلا يمسك يدي يمدحني يتغزل فيني اتوقع ابسط حقوقي هذي
ابغى احس بانوثتي معه واني مرغوبة منه

وبعد 4 شهور جاني البيت وفجأه بدون تخطيط مني جيت ومسكت يده وقربت منه وجلست اتكلم عن مشاعري ناحيته وعيني في الأرض وكان مررررررررره متجاااااااااااااوب معي ولله الحمد
بس وربي انه بعد ماطلع جلست الوم نفسي كنت اتمنى تكون هالخطوه منه مو مني
رغم انه مابين لين ضيقه او استغرابه من تصرفي بالعكس احسه استانس منها
بس مدري ليه هو مايباااااااااااااادر مثل الخلق ؟؟؟!!

بعد هالزيارة اول ماجاء مسك يدي بنفسه
يعني الحمد لله احسه فهم أنا وش ابغى وصار يسوي من نفسه
بس ليش كذا ؟؟!!
ليش أنا اللي ابين له حاجتي له ؟؟؟!!

كان نفسي هو اللي يتقرب مني واخاف منه مرة واخجل منه مرة اخرى وشوي اشوي اعتاد عليه
بس العكس تماما هو اللي صاير

وغير كذا مكالماته في البداية كانت لطيفة وحلوة حتى تعودت عليه وكسبني بعدين صار انسان جدي
والآن لما احاول انا اشوي اسولف معه واتدلع بصوتي وبمشاعري احس صوووووووته يتغير بدرجة فضيعه يعني يصير خافت ويكلمني وكنه مخنوق وساعات احسه يبكي <<< مدري مجرد احساس
وعلى طول ينهي المكالمة !!!!!!!!!!!!!

فسروا لي تصرفه
هل هذا كله خجل؟!!
او اني لااعجبه ولاافتنه ؟!!

بصراحة محتااااااااااااااااااااارة معه وحنا فترة ملكتنا مطولة يعني راح اتعب معه اكثر الله يعيني عليه

خايفه بكره لاتزوجنا يقول انتي اللي لمحتي وانتي اللي مستعجله ومن هالكلام
والله خايفة دايم الوم نفسي احس اني سويت شيء مايغتفر

فيه شيء مهم بعد خطيبي ماله علاقة في النت ودي ادله على هالمنتديات لعلى وعسى يشوف الناس كيف عايشة ويعرف ان الوضع عادي ومباح بس ماادري كيف ادله بدون مااحرج نفسي
ماصارت ساعات احس اني انا الرجال مو هو

التعديل الأخير تم بواسطة وردة بين الثلوج ; 30-07-2009 الساعة 05:45 AM السبب: العنوان ليناسب المضمون

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه