قال الأمـام الشافعي ..

تغرب عن الأوطان في طلب العلا *** وسافر ففي الأسفار خمس فوائد
تـفـرج هـم واكـتـسـاب مـعـيشـة *** وعـلـــم وآداب وصــحـبـــة مـاجـــد

تـرفيه .. تفريج هم .. اكتساب معرفه وعلم ................. الخ

طيب مثلا :/

انا ماعندي بيت وسيارتي مقربعه ... بس وش ذنب اطفالي ؟؟ 9 شهور حبس ودراسه وزوجه تراكض وتلاحق فيهم
وتعب وتوتر ؟؟ مو من حقهم ينبسطون ويغيرون جو ؟

ولا لازم يوم يكون ماعندي بيت لازم احبس عائلتي ونجلس بس عشان البيت والسياره وغيرها ؟

صح حلو الواحد يفكر بشكل سليم ؟ ويقعد يخطط عشان يستقر ؟

بس السفره كلها ماتكلف شي بالمقارنه مع البيت والسياره ؟ يعني حتى لو جلست ماراح استفيد هي ضايعه ضايعه
على الأقل ارفهه عن اسرتي واونسهم

مو شرط تكون بالسفر للدول الأوروبيه والترفيه الزايد عن اللزوم ... بس على قد لحافك مد رجليك
يعني هذي حكمة الله .. والأنسان بالنهايه لا اراديا يحس بالصيف وقت الأجازه بممل وهم وروتين جدا متعب

عشان كذا السفر يجدد النفسيات ويغيرها ويخلي الناس يستقبل الحياه بوجهه منشرح ومبسووط ومتفااااائل

مـادري .. هذي وجهة نظري ..

والأعلام حطيناه شمـاعه .. السياحه موجـوده من زمن جدي .. حتى كان جدي من قبل التلفزيونات
كل ماحسوا بضيق راحوا الطايف .. او القريه .. وجددوا في حياتهم ..

يعني الترويح عن النفس شي مهم ..

واسأل شخص محبوس بهالصيف يقولك <<< محبوووووووووووووسه

والسبب ان اختي نفاس ومانقدر نسافر .. الحمد لله على كل حال والله يقومها بالسلامه


احس اني طولت سوالف ..

مشكور على المـوضوووع ..

__________________
{ احبــــ ـــكم بلا استثنـاء ~

انا عن نفسي ماحب اسافر يوم اسافر اشتاق لبلادي عكس الناس الحمدالله

بس رأيي اللى عنده فلوس يمتع نفسه ويسافر واللى ماعنده لايكلف نفسه ويشوف اماكن في بلاده

ويتمشى فيها منها يساهم في رفع اقتصاد بلده ومنها يوفر فلوس

ممكن الواحد يرفهةنفسة
في المدينه اللي هو ساكن فيها
اذا ميزانيته ماتسمح
وذا يقدر يسافر وينبسط
موشرط يكون عندة سيارة وبيت وفلوس زايدة
لكن طبعا دون اسراف وتبطر

اخي تقبل رأيي..

الواحد يسافر اذا معاه ... بس مو يضغط على عمره عشان يسافر .. بس مو معنا معاه ان يكون عنده بيت ..

او مخلص اقساط السياره ...

لكن يدخرون مبلغ من الراتب للسفر لو يكون مرتب للسفره من سنتين ..

لان والله السفر حلو ... ويغير النفسيه حييييييييييييييييييييل ..

وانصح بعد بالسفر لدول تختلف بالطبيعه والمناخ والعادات والحضاره عن اللي عندنا اجل كيف صار تغيير جوّ

واخيرا سؤال يتردد في ذهني :

لماذا شبابنا قبل الزواج ما يبقي دوله الا يسافر لها ... ولما يتزوج يبدى مرحله تكوين النفس.. والادخار .

__________________

انا من الناس اللي اعشق السفر والرحلات والواحد عايش مرة وحدة يعني حلو انو يبسط حالة ويرفة عن نفسة لكن بالحلال والصح وضمن امكانياتة يعني مايدين على شان يسافر ولاتنسو مقولة الرفيق قبل الطريق يعني ممكن تروح على احلى مكان بالعالم بس لحالك او مع اشخاص مملين فما تنبسط وممكن تتمشى بالسيارة مع زوجتك او زوجك وتكونو متفاهمين مع بعض........وتاكلو حبة ايس كريم وتبسطكم

والله السفر مهم وضروري بعد و أحسه ضروري يكون من الاساسيات

يعني الانسان مثل ما يدخر للبيت والسياره يدخر بعد للسفر

لأن بصراحة إذا السنة تدخل من باب وتطلع من باب وانت مكانك شي يجيب الهم والغم وضيقة النفس

وطبعاً كل انسان وعلى قد فلوسه بس أهم شي يطلع من بيته ويغير اجواء

و بالنسبة لي وناستي الحقيقية بس اطلع خارج البلاد وأشوف ناس غير وحضارة غير وأجواء غير

بجد بجد أجي بروح أطفال .. النفسية مرتاحة والهم رميته وأجي احس اني مقبلة على الحياة

أما إذا بنجلس سنين في هالبيت لا طلعه ولا شم هوا على اساس هذا مو ضروي

تحس أن الحياة مالها معنى .. ليش نعيش وأحنا يومنا مثل أمسنا

__________________

الآلة لما تشغلها طوال الوقت لا بد ان تقصر عمرها و تتلفها و تتعبها
و الانسان نفس الشي
مو معقولة يبقى 365 يوم بالسنة شغال ما بستريح و لا بكسر روتينه (إلا اذا مضطر)
و السياحة أفضل وسيلة لكسر الروتين
تجديد النشاط
و
منع الاكتئاب

لما الانسان يعتاد على التقنين و التوفير و تكديس المال للظروف الصعبة سيبقى بهذه الدائرة و يعتاد هذه الحياة الخانقة
و يبقى طوال حياته ضجران لا يعرف السبب

و بالنهاية

لا افراط و لا تفريط
و خير الأمور أوسطها

اخي الى السفر فهو من الضروريات حينما تذهب وتنسى وتغير جو وتنسى
يعني تكاليف السفر راح تشتري لك بيت
صحيح كلامك هو الصحيح
لاكن السفر ادماااااااان هل عندك علاج له لايوجد تلقى الطبيعه الى تحلم فيها وتلقا الراحه
والبعد عن الاجواء المتغيره في سنه كامله يعتبر حتى تجديد للنفس وطريقتك للحياه
فكر وعلم وتجارب
سافر ففي الاسفار خمس فوائد
تحياتي لكل محب للسفر

انا عاد يااخواني بخالفكم الراي في السفر الى الى خارج البلاد
انا مااحب السفر الى الخارج
يمكن علشان ماتعودنا او اني اخاف منالفتن اللي بره
ومنه تبذير فلوس زياده عن اللزوم
ومنه الاولاد المفروض مايشوفون مناظر تخل بالادب
ممكن الانسان يمتع نفسه باشياء غير السفر
والمشكله ان اللي بيسافر مره او مرتين بيتعود على السفر هذا اللي رايته في واقعي
وكل له وجهه نظر