قصة قريبتي
السلام عليكم ورحمة الله وبركاته
اخواتي اللي تأخر زواجهم (انا ضد كلمة عانس) ودي احكيلكم عن قصة قريبتي اللي تأخر زواجها
هذي البنت عاااااانت كثير في حياتهاامها توفت وهي صغيره يعني ماتعرفها وعاشت مع مرت اب
وابوها حق علم يعني لاهي بثقافته وسقرياته وندواته ومايشوف بناته الافين وفين وغير كذا متزوج 4 وكل وحده ببلد وكل فتره يجلس عند وحده سبحان الله هي وحيدة امهاوماعندها شقايق
المهم انه اخواتها واخوانها كلهم تزوجو ومابقى غيرها وعمرها 32ومسكينه كل مايجيها خطاب اخوانها واخواتها يرفضوا تخيلو وش السبب ؟؟؟ قال عشان تجلس مع امنا المريضه لانه امهم كانت تعبانه شوي يعني مو مقعده في الفراش بس تعب الكبر والله انها مسكينه عمرها مااشتكت وتحب مرت ابوها مره حتى الناس اللي من بره يحسبوها امها من كثر ماتهتم فيها
وكل اخواتها واخوانها لاهيين بحياتهم واطفالهم وهي زي الممرضه وتشوف اللي اصغر منها كلهم تزوجو حتى بنات اخوانها واخواتها الصغار تزوجو وهي محلك سر
وبيوم سبحان الله جاها واحد متزوج بس يبغى الثانيه لانه مرته ماهي فاضيتله وطبعا اخوانها رفضوا بس سبحان الله ربي سخرلها بواحد قريبهم وهو امام مسجد ويحترموه العيله كلها وقالهم حرام عليكم خلي البنت تشوف نصيبها وانتم اولى بأمكم وبرها وبالبدايه حصلت صعوبات لكن ربي يسرلها هي سبحان الله وهي مسكينه ماكان عندها امل وتقول اخواني بيطيروه
تخيلو واحد من اخوانها اتصل على العريس وقاله اختي فيها عيوب وش تبي فيها وصار يفتري عليها واخواتها رفضوا حضور الملكه لانهم رافضين زواجها المهم طلع الرجل ابن حلال وتمسك فيها خصوصا بعد النظره الشرعيه الللي صارت ببيت الامام قريبهم والعريس كان مستعجل بعد كم شهر وهي ببيتها ويارب لك الحمد مبسووووطه مررره مع زوجها ماشاء الله مدلعها ويسفرها ويعدل بينها وبين الاولى وحملت ماشاء الله وجابت بنوووووته حلوة عقبالكم يابنااااااااات:14::14::14:
حبيت اذكرلكم القصه عشان اقول شي واحد لاتفقدي الامل والله لوجاء النصيب مااحد يقدر يوقفه ابدا
ربي يسعد كل بنات المنتدى ويسخرلهم الازواج الصالحين قولو آميييييييييييييييييين
__________________
اللهم اغفرلي ولوالدي وارحمني واسكني فسيح جناتك ياحي ياقيوم
05-08-2009, 10:37 AM
ضوابط المشاركة
العرض الشجري