السلام عليكم ورحمة الله وبركاته

منتدى كل كلمات المدح قليه فيه واهداف ساميه
بمجرد التنقل بين صفحاته يعطي الشخص نظره مختلفه عن الحياة
عندي مشكله اتمني تساعدوني فيها
انا واثقه انكم ماراح تبخلون علي بارائكم

زوجي طيب وحنون ومن صغره في الحلقات والحمد لله ملتزم ويحب الخير ومساعدة الناس

وعلاقتنا حلوه ولله الحمد صح تمر مشاكل لكن الحب موجود

المشكلة ان زوجي فيه شهامة متعديه الحدود على حساب نفسه
انا عارفه ان هذي صفه حلوه لكن ضرته قبل ما تضر غيره وقته كله برا البيت يفضل انه يقضي وقته يخدم الناس على انه يجلس معنا ويشوف احتياجاتنا
اللى يضايقني اني بعض الاحيان اسمع عنه كلمة ملقوف وهو ما قصدة لقافه بس يبي يساعد ويقدم وقفاته مع الناس لانه مرررررررررره يبالغ لحد ما ممكن يصير شي مزعج
حتى اني اذا بغيت اروح مكان او ابي اغراض اقول اختى تبي او امي يجي على طول اما اذا قلت انا يقول بعدين وكثير مثل كذا واذا ناقشته يقول عادي انتى زوجتي اقدر اقولك لا
واذا تحبون احكي مواقف ما عندي مانع

وكمان فيه جرائه تجيب له الانتقادات يعني ملتزم ويكلم العاملات !! او يسولف ويعلق مع البنات !! يكلم اختى يسالها عن ولدها ونتيجته او اذا كانت تحتاج شي !! مره اكتشفت بالصدفه انه يكلم وحده من جنسية عربية عشان زوجها متنوم في المستشفى و هو يبي يساعدهم !! غير امهات و زوجات الشباب اللى بين كل فتره اككتشف شي

نفرض ان هو نيته حسنه طيب .. ايش راح يفكر الشخص اللى قدامه
عاملة المشغل انا سمعتها تقول مطوع كذاب لانه يكلم وحدة من جنسية عربية.. و شغالة اخوي تناظرني وتضحك لانها حست اني تضايقت لما سمعته يكلمها .. بنت اختى لانه هو عودها يسولف معها وتنافز قدامه وهي تحبه ويعني هو مطوع صار عندها عادي تسولف مع الكل .. كمان قبل فتره تنومت في المستشفى لما طلعت معاه اشوف الممرضات يقولون له مع السلامه و زوجتك حلوه و يعلقون عليه يعني ميانه هذا دليل انه اخذ واعطى معهم



كل هذا انا امشي بمزاجي ما ودي اسوي مشاكل و وجعة راس
مره قد قلت له لاعاد تكلم تلك المرأة جلس يخاصم وزعل و يقول انتى تشكين فيني وانتى اللى قلتي له اكلمها قلت له انا قلت له كلمها وقت الضروره و بحدود وخلاص انتهت الحاجه امسح رقمها وخلاص
قام مسح كل ارقام الحريم امي واخواتي وعمتي وزعل مررررره ويقول انتى غيوووره

انا احاول ما ابين له لكن يبين علي و يوضح بوجهي غصب
هو كان عنده نشاط صيفي وكان مشغول اغلب الوقت ممكن يمر يومين ما اشوفه الحمد لله ان اهلي قريبين واصلا هو ما كان يبينا ننام معاه عشان ولدي ما يزعجه و اصلا هو اول ما يقوم من النوم يروح المركز حتى يفطر هناك وانا لازم اروح لاهلى لان ماعندي اغراض
الحمد لله خلص المركز والحين هو مسافر معاهم رحله
وعلاقتنا الايام الاخيره كانت حلوه مرررره
لكن ودي اغير هالطباع الشينه اللى فيه ......
واتمنى مساعدتكم

سبحان اللّه ذكرتيني بواحد مطوع من الشباب نفس سالفة زوجك .

بس لا تاخذين ببالك ترآه على نياته , لا تتهمينه .

أنا أقترح عليك أن تزرعي الثقه بينك وبينه ... وفي نفس الوقت راقبي جواله بين فينه وأخرى لعلى هناك رقم غير مألوف أو رساله غراميه لاسمح الله ... وهذا فقط للإطمئنان وتقر نفسك ...

ولاتضيقي عليه الخناق .. ووضحي له أنك تثقين فيه ..

كان الله في عونك

في النهاية انتي مرة وأكيد وشي طبيعي ستتملكك الغيرة في بعض الأحيان لكن في حالة زوجك انتي لازم تبينين له إن ممكن يساعد الناس لكن مو على حسابك، اذا كان هو مطوع لازم يعرف هذا الشىء والرسول صلى الله عليه وآله قال"خيركم خيركم لأهله" يعني الواحد لازم يبين حسن أخلاقه في بيته ومن ثم الناس والأقربون أولى بالمعروف

اجلسي معاه بهدوء قولي له حبيبي انا ما أزعل اذا تساعد الناس بس مو على حساب حياتنا ، يعني لازم توضحين له تضايقك لكن بأسلوب حلو عشان الإطمئنان.

والزوجة تعرف زوجها يعني انتي تحسين اذا يكلم نساء شنو الغرض من هذا ، اذا حسيتي انه يحب أن يتقرب من الجنس الناعم حاولي لا تختلطي معاه في أماكن فيها حري.

الله يوفقك انتي وزوجك وجعل محبتك في قلبه

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

لا تضيقين صدرك صدق كيف يجتمع دين وسوالف مع غير المحارم على العموم انتي اكثر وحده تعرفين نيه زوجك لا تحاولين تضيقين عليه وشوفي النواحي الايجابيه فيه الله يرجعه لكم بالسلامه

انا عارفه انه على نياته وقصده خير لكن مدخل للشيطان مشكور اخوي عامر

اقتباس:

أنا أقترح عليك أن تزرعي الثقه بينك وبينه ... وفي نفس الوقت راقبي جواله بين فينه وأخرى لعلى هناك رقم غير مألوف أو رساله غراميه لاسمح الله ... وهذا فقط للإطمئنان وتقر نفسك ...

الحمد لله الثقة موجودة ومستحيل توصل كذا وجواله دايم اراقبه واتصل منه عادى حتى كانه جوالي ويعطيك العافيه

اقتباس:

في النهاية انتي مرة وأكيد وشي طبيعي ستتملكك الغيرة في بعض الأحيان لكن في حالة زوجك انتي لازم تبينين له إن ممكن يساعد الناس لكن مو على حسابك، اذا كان هو مطوع لازم يعرف هذا الشىء والرسول صلى الله عليه وآله قال"خيركم خيركم لأهله" يعني الواحد لازم يبين حسن أخلاقه في بيته ومن ثم الناس والأقربون أولى بالمعروف

حصل وتناقشت معاه بنفس الكلام و باسلوب حلو وبعد سهره حلوه اعترف بخطاه ودمعت عينه وقال معك حق حتى انه قال ياليتك قلتي لي قبل عشان انتبه لنفسي واعترف ان اغلب المشاكل معاي ومع اهله بسبب حبه لخدمة الناس و وعدني انه يتغير لكن ماشفت شي من اليوم الثاني نفس الاسلوب

اقتباس:

والزوجة تعرف زوجها يعني انتي تحسين اذا يكلم نساء شنو الغرض من هذا ، اذا حسيتي انه يحب أن يتقرب من الجنس الناعم حاولي لا تختلطي معاه في أماكن فيها حري

زوجي مقصدة اما مساعدة او غرض بسيط او مثلا يقدم نصيحه او توجيه بطريقة لبقة مثلا بنت اختى واختي ليه يعاملهم كذا لان البنت محرومه من ابوها مع العلم انها ثالث ثانوي واختى تحتاج توجيها في تربية ولدها او اغراض
وعاملة المشغل مثلا يسأل عني او يوصيها علي
او الشغالة يشرح لها ليه بيقفل باب البيت او يوصيها على حجابها ........

وجزاك الله بكل ما تتمنيه واكثر

وعليكم السلام ورحمة الله وبركاته
بصراحه ردك اثلج صدري رفع الله مكانت في الفردوس الاعلي

فعلا ممكن انا السبب لاني احكي له عن مشاكل اللى اعرفهم
وفي بعض الاحيان من زود الحماس يصر الا انه هو يتدخل

زوجك قلبو طيب اتركيه على راحتو


ما تخافي منه

ولكن حاولي تقولي له انو شويه يعطيكي من وقته




ثم مساعدته لاهلك من حبه فيكي

احب اللي يحب حبيبي

__________________
http://live.gph.gov.sa/
اللهم اني استودعك اولادي

شكرا لاهتمامك و زوجي فيه اشياء ايجابيه والحمد لله علاقتنا حلوه لكن انا اكره تصرفاته وجراءته