كيف أزيد ثقتي في نفسي ؟؟ - منتدى عالم الأسرة والمجتمع

23-08-2009, 01:04 PM

عضو دائم

تاريخ التسجيل: Apr 2006

المشاركات: 71

كيف أزيد ثقتي في نفسي ؟؟

السلام عليكم ورحمة الله وبركاته

حبيت استشيركم اخواني واخواتي في مشكلة بالنسبة لي صعبة جدا....
مع ان جزء كبير من المشكلة انا اللي اسببه حق نفسي
انا ساكنة في منطقة بعيدة عن اهلي واهل زوجي وفي منطقتنا عندي غرفة بيت اهل زوجي وماننزل منطقتنا الا في ايام العطل, المشكلة اني اول ماتزوجت كانت اخت زوجي ساكنة معاي في شقتي (في المنطفة البعيدة) وصارت بيننا مشاكل مع العلم ان مدة سكنها معاي لم تتجاوز 4 اشهر, الان انا متزوجة منذ اكثر من 3 سنوات ولا زالت تكرهني مع ان المشاكل اللي صارت سخيفة لكن قلبها اسود وتشيل علي وعلى اخوها وكرهتنااااا, اللي صار الحين ان انا انعدمت ثقتي في نفسي بسس اذا صرت جنبها مااعرف ليش, تخليني مااثق في نفسي ,لانها طول الوقت تراقبني وتتصيد على الاخطاء وتحسسني اني مااعرف اسوي ولاااا شي, خاصة الحين في رمضان نصير كلنا في المطبخ وانا مااعرف اسوي ولا شي, لان طول الوقت عيونها علي ويافلانة خطأ ويافلانة غسلي ايدك قبل لا تشتغلين ووووو
كيف احسسها ان انا واثقة من نفسي ومو محتاجة نصايحها اللي مالها داعي؟؟؟؟
صرت ارتبك واكره دخلة المطبخ.... واحس اني طووول رمضان وقلبي شايل عليها ماابي اعيش رمضان وانا في هالحال... كيف اعلم نفسي اني ماعلي منها, ابي احس بروحانية رمضان, الناس في رمضان يلتفتون لعبادتهم وهذي تلفت علي طوووول الوقت.... والله ماادري شنو اسوي
ادري طول عليكم..... بس احس اني في ازمة
واشكر كل اللي يدخل موضوعي ويساعدني

23-08-2009, 02:08 PM

daimound22

كبار شخصيات المنتدى

تاريخ التسجيل: May 2008

المشاركات: 2,209

صااارت مشااكل وانتهى الموضوع عندك انتي وهي
ام عندك انتي و هي ما سااامتحك ؟؟
وهل انتي ظلمتيهاااا وممكن يكون سبب في شعورك بعدم الثقة ؟؟
اذاا ظلمتيهاا او لااا في كل الاحوااال اجلسي معهااا
وتكلمو بصرااحة وقوليلها انتي زي اختي وكل الاخواات يزعلون من بعض
بس ماا يحقدوون واحنا برمضااان يعني بااادري بتصفية القلب
حتى تكسبي الاجرررر
ومنة صاارحيها في اسلوبهاا معاك بالمطبخ
قوليلهااا انا مو صغيرة حتى تعلميني اغسل ايديني او لاااا
وبرضووو فهميهاا انة مااتسوي عليك فاااهمة
وهذااا صح وهذا غلط لحاالة هذا الكلااام يضاايق

واذا ماااتقدري تصاارحيهاااا
وضحي بتصرفااتك انك متضااايقة منهاااا
ممكن تحس شووبة وتفك عنك

الله يوفقك ياااارب

__________________

23-08-2009, 06:37 PM

أحــــــلى دلع

عضو دائم

تاريخ التسجيل: Apr 2006

المشاركات: 71

شكرا اختي انك شرفتي موضوعي...
لا اختي انا ماظلمتها ولا اهي ظلمتني هذيك الايام
بس اهي جالسة تسوي مشاكل هذي الايام وتظلمني
انا نسيت كل الاشيا اللي صارت بس اهي لا
وتفاجأت لما ارسلت لي رسالة جوال تقول نسيتي كل اللي سويتي فيني؟؟
وكل الاشياء اللي قالتها اشياء مالها داعي تخليها في بالها اكثر من سنتين
حتى زوجي قاللي حركات اطفال وماعليك منها
اهي ماتتقبل مني اي كلمه ابدا واحتمال لو اكلمها او الفت نظرها حق اي شي تحرق البيت علي
واهي تبغي تسوي فيها فاهمة علي علشان تنسى ان اول انا اللي كنت اطبخ لها
وطوول رمضان اهي ترجع من دوامها تنام وتقوم وقت الفطور تاكل

24-08-2009, 05:24 AM

daimound22

كبار شخصيات المنتدى

تاريخ التسجيل: May 2008

المشاركات: 2,209

طيب ولله الحمد بماا انة مااحد ظاالم احد
حتى ما تشعري بالذنب

طيب حااولي تصااارحيهااا زي ما قلتللك
او تتجااهليها واذا قاالت شي يضااايقك كأنك مااا سمعتي
طنشيهااا صدقيني بتشووفك مطنشتهااا
بتمل من الاواامر وببتسكت
يعني لا تعطيهااا اكبر من حجمهاااا
يمكن شاايفتك تتضاايقي قاامت زااادت العياار حبتين

الله يووفقك ويصبرك ياااارب

__________________

24-08-2009, 03:51 PM

good man2000

عضو نشيط جدا

تاريخ التسجيل: Jul 2009

المشاركات: 973

تلقي اوامرها بالطاعة و انتي لا تتوترين ، جربي فهذه وصفة مضمونة ، و ما يسبب لك التوتر هو خوفك من توجيهاتها .

28-08-2009, 06:29 PM

حنين امرأة

عضو جديد

تاريخ التسجيل: Aug 2009

المشاركات: 7

اضم صوتي للأخت الفاضلة daimound22

اما انك تواجهين الموقف بقوة او تناسي وابتسمي في وجهها اذا قامت تنصح

واذا وجهت لك اي كلمة ابتسمي وقولي لها ابشري ولا يهمك ياعسل

خذيها بضحك وصدقيني راح تحس حالها صغيرة بهالتصرفات

طنشي ووسعي بالك

وبعدين ياحبييبة بقولك شي من تجربتي الشخصية البسيطة

انا مطلقة حاليا وكانت لي اخت زوج سابقا وكانت مثل اخت زوجك تناغصني بسبب وبدون سبب

لكن انا ماكنت امشيها لها عادي كنت اتصرف مثل مانصحتك اعلاه وصدقيني سارت تبتعد عني

ولا تحاول تناغصني والحمدلله ثقي ان الله معاك وان مافي شي يستاهل النكد والله كريم

رمضان كريم وربنا يوفق الجميع

__________________
ماكل من يضحك مع الناس مبسوط ياكثر من يضحك ونفسه حزينه

06-09-2009, 11:42 PM

بيتي عالمي

عضو نشيط

تاريخ التسجيل: Jun 2009

المشاركات: 115

والله ياأختي العزيزة انا اضم صوتي مع باقي الأخوات
وهو التطنيييييييييييييييييييييش وعلى مايقول المثل
((الحقران يقطع المصران )) ولو حاولت تسوي عليك
فاهمة لا تطلي جهتها يعني كأنك مو شايفة ولا سامعة
وكمل الشغلة إلي في يدك وبعدين العالم إلي حولك ماهم عارفينك وبعدين يكفيك كلمة زوجك لما قال حركات اطفال والله اول ماتسوي فاهمة أتذكري كلمة زوجك بتبردك إن شا الله

التعديل الأخير تم بواسطة بيتي عالمي ; 06-09-2009 الساعة 11:44 PM

07-09-2009, 02:41 AM

أحــــــلى دلع

عضو دائم

تاريخ التسجيل: Apr 2006

المشاركات: 71

شكراا اخواتي على الردود

طبقت نصيحتكم وسويت نفسي ابدا مو سامعتها
بس احس قلبي يحترق مثلا وانا اشتغل وقالت لي روحي غسلي ايدينك
اسوي نفسي ماسمعتها بس تحز في خاطري الكلمة!! شنو شايفتني يعني؟؟
ليش تحرجني قدام الكل؟؟ اذا احد سمعها تقول كذا بيفكرون انها شايفة شي!!
اهي خفت هاليومين من اتبعت سياسة التطنيش بس لازم تقول لي كلمة كل فترة

وشكرا مرة ثانية للأخوات اللي ردوا

08-09-2009, 12:26 PM

السيكولوجى

عضو متألق

تاريخ التسجيل: Feb 2005

المشاركات: 450

بسم الله الرحمن الرحيم

أختى هذا طلم منها لك ........... و دعوة المظلوم لا ترد ... بالتأكيد لا أقصد أن تدعى عليها ... و لكن ادعى لنفسك براحة البال و ان ينصرك الله عليها نصرا عزيزا .... و لا تنس هذا الدعاء ( رب إنى مغلوب فأنتصر ) و دعاء الرسول صلى الله عليه و سلم فى الطائف (اللهم إليك أشكو ضعف قوتي ، وقلةَ حيلتي ،

وهواني على الناس يا أرحم الراحمين .

أنت رب المستضعفين . وأنت ربي .. إلى من تكلني ؟

إلى بعيد يتجهمني .. أم إلى عدوٍ ملكته أمري ؟؟

إن لم يكن بك عليّ غضبٌ فلا أبالي ..

غير أن عافيتك هي أوسعُ لي...

أعوذ بنور وجهك الذي أشرقتْ له الظلمات ،

وصلحَ عليه أمر الدنيا والآخرة أن يحلّ عليّ غضبك ،

أو أن ينزلّ بي سخطك .. لك العتبى حتى ترضى ..

ولا حول ولا قوة إلا بك)

و لا تنسى انت لا تدعين الله من ضعفك امامها فضعفك امامك الله عز و جل فقط و قد قال الله تعالى { ولا تهنوا ولا تحزنوا وأنتم الأعلون إن كنتم مؤمنين } (آل عمران:139)

__________________

[gdwl]من فضلك ادع لى بالهدايه و علو الهمه[/gdwl]

09-09-2009, 07:00 AM

#10

the whale

عضو جديد

تاريخ التسجيل: Sep 2009

المشاركات: 36

موضوعج بسيط جدا ..

( اضحك ولا كل الوجيه احترمها .×. بعض الوجيه اهينها بابتسامة )

لا تحطينها موضع الند لج .. حسسيها انج اكبر من كلامها واعقل .. كل ما تقول لج شي .. عطيها ابتسامة .. وكبري عقلج عليها .. اذا قالت اغسلي ايدينج .. ابتسمي وقولي اي والله تصدقين .. مع الوقت راح تحتقر عمرها .. وبتتاسف منج ..

مجربها مع ناس طبعا رجال مدري عنكم النساء .. والفعالية مضمونه ..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه