بسم الله الرحمن الرحيم أعضاءالمنتدى الكرام أكتب لكم مشكلتي وأرجو من الله ثم منكم ان تريحوني بحل يبرد الخاطر 0000000وش الحل مع زوجي الي أحس انه شايف نفسه تزوج علي من وحده ثانيه ولا صلحت له ولا دخلت مزاجه ابداْ ولا حبها ومخليها علي ذمته رحمه فيها فقط 00000طيب مو مشكله المشكله انه دايم متضايق دايم زهقان دايم مقهور0000امنيته يطلقها عشان يرتاح ومو قادر يسوى هاالقرار لأنه خايف يضلمها 00وأنا ضايعه في الطوشه من يوم اقول كلمه وأهو يتضايق وش اسوى ياربي بهاالرجال دايم احاول أجبر بخاطره وأطلعه من الي أهو فيه لاكن ياويلي إذا زليت يتضايق مني ويقول أشوى اني ماطلقت بنت الناس كان وش سويتي فيني ؟؟والله أني أحترت معه وتعبت انا المجروحه ومع هذا لازم انا الي اجبر بخاطره 000وبنت الناس والله ماعليها لانه دايم يفكر انها مضلومه بزواجه منها وأنها مضلومه لو طلقها صارت عاطفته قويه لها 000000000 أنا اقترحت عليه إقتراح وقلت له شوف ياولد الناس انت منت عارف تمشي الحرمتين والقران يقول وأن خفتم الا تعدلو فواحده 0قال لا اخاف اضلمها طيب فيه خيار ثاني الي هو 0000 شاورها وخيرها 00وفعلا شاورها وقال لها 000000000أسمعي يابنت الناس انا تعبان نفسياً ولا اقدر اكمل المشوار معك وانتي مالك مكان في نفسي وام العيال متربعه في قلبي وخايف لا اتركك علي ذمتي اضلمك لاني ميال من الجهه الثانيه كثير مو شوي 00وانا والله ماكنت اتخيل ان الزواج من وحده ثانيه صعب لها الدرجه وصدقيني حبي لام عيالي كثير وقوي والقرار بيدك بأمكانك انك تروحين لبيت اهلك معززه مكرمه 0000بعدين قالت له كله واحد انا راضيه بعيشتي معك حتي لو ماتمر علي في السنه مره وبعد كذا تعب زياده خاف لا يضلمها اكثر المشكله اني انا ماأستفدت شي من مصارحتها الا انه رحمها زياده طيب اهي تنازلت عن بعض حقوقها بس عشان تعيش في ضل رجال قال لا انا مااقدر اتنازل لها عن شي طيب وش الحل انا تعبانه نفسيتي واهو تعبان هو صاير شمعه تحترق علي شانها وانا شمعه تحترق علي شانه واهي انانيه استغلت عطفه ورحمته تبي تعيش لو علي حساب غيرها00 وشرط لو يقصر في حقوقها مع الوقت راح تزهق وتطالب بس اهي عارفه انه ماراح يقصر لانه يخاف من الله فمسكته مع يده الي توجعه الا وهي العاطفه 000 انا ياأخواني وأخواتي الفاضلات تعبت باالحيل وماني عارفه وش اسوي عشان اطلعه من هاالورطه وعلي فكره انا لي معه الان عشرين سنه ومتزوجين عن حب ولي منه خمسة من العيال اكبرهم بنت عمرها 19سنه ومتزوجه 00والحرمه الجديده لها معه الان سنه ومارزقها الله الاالأوانا خايفه انه ماياخذ القرار الا بعد ماتجيب طفل وصدقوني انا مو انانيه مثلها هو لو كان مرتاح كان مافكر فيني بس والله الضرس الي يرقل شلعه اولا 00وش رايكم عندكم لي حل اقدر ارجعه واطلعه واساعده علي نفسه باالرغم من ان قلبي مجروح وجرح قوي باالحيل 000علي فكره انا بأمكاني أضغط عليه اني اروح من البيت واترك عياله في كبده وتركه بين نارين نار العيال ونار وحده ماحبها وقاعد معها مجامله لا وازيدكم من الشعر بيت هو مايقدر علي فراقي اكثر من يومين بس انا مااحب هاالاسلوب لاني ماني استغلاليه 00ابغاه يرجع لي بأرادته وسلامت الجميع وا~سفه علي الاطاله بس الله يخليكم دورو لي حل