زوجي عنيد جداً ما الحل معه
مساء الخير للجميع
دائما اقرأ مشاكل الناس واقول الحمد لله على الي انا فيه ومافي حياة زوجيه ماتخلى من المناوشات بين الازواج وهذا طبيعي
بس الي خلاني اكتب اليوم هو تصرفات يمكن تكون بسيطه في نظر البعض بس ابتدأت تأثر على نفسيا وصحيا واطلب منكم اخواني المشوره او نصيحه يمكن يكون لها دور وتخليني بعد اتحمل واصبر
انا متزوجه من 13 سنه والحمد لله زوجي طيوب وحنون وراعي بيت بس مشكلته الي تاعبتني العند زوجي عنيد بشكل لا يطاق احيانا استخدم معاه اسلوب الصبر واللين واخليه يغير رايه ويسوي الي انا ابيه بدون لا يشعر
واحيانا مااقدر ومااقدر اتحمل
هو يتفاخر انه عنيد وعنيد وايد ودائما يردد انا جذيه وماراح اتغير
ومثال هو مدخن من الدرجه الاولى وانا اعاني من التهاب الجيوب الانفيه والي يعاني من هالمشكله يعرف حجم المعاناة والصداع والتدخين من الاسباب الرئيسيه لتفاقم المشكله
هو يدخن معانا في غرفة المعيشه وفي السياره وانا وواحد من عيالي متأثرين وايد من هالمشكله وكلمته كثيييير بس دائما يقول انا حذيه وماراح اتغير
حتى خليت اكثر من دكتور يكلمه عن هالمشكله بس بدون فايده وحطينا لافته في البيت عن اضرار التدخين علينا لكنه مزقها وقال لا تتحدوني لاني بزيد جرعة التدخين
نبي منكم مشوره او نصيحه او اشياء نسويها للحد من هالعند
التعديل الأخير تم بواسطة daimound22 ; 15-10-2009 الساعة 02:02 AM
السبب: توضيح العنوان
14-10-2009, 11:31 PM
ضوابط المشاركة
العرض الشجري