خطيبي لم يطلب مقابلتي يوم الملكة
صباح الخيرااااااات على كل الموجودين صبايا وشباب انا اول مره اشارك بمنتدى حابه اعرض عليكم قصتي وتعطوني رايكم بصراحه
انا فتاه انخطبت قبل شهر ووافقت عليه لانه الشخص الوحيد اللي اهلي اقتنعوا فيه مع انه ماكان بالمواصفات اللي اتمناها والكل لامني اني اخذته يقولوا تستاهلي احسن منه ( طبعا يقصدون الشكل) والحمد الله الكل يمدح فيه بس عيبه انه خجول وتمت النظره الشرعيه وبعد شهر طلبوا نقدم موعد الملكه للرجال بس حفلة الحريم بعدين انا بصراحه فرحت علشان افهمه واخذ عليه قبل الزواج بفتره والملكه كانت قبل اسبوع بس على قد ماكنت فرحانه على قد ماحزنت وانصدمت من يومها الى اليوم طبعا انا هذاك اليوم لبست وكشخت على اساس انه بيطلب يشوفني ويسلم عليه لكن طلع ولا قال كلمه انتظرت يومها يتصل هو او اهله لكن عدى اليوم واليوم اللي بعده واللي بعده ولا احد عبرنا حسيت كأنا ولا شيء. وبعد اسبوع اتصلت امه تبارك لامي ومع السوالف امي الله يهديها على نياتها قالت والله ان البنت( اللي هيه انا) انصدمت انا ولدك ماجاء لأنا المتعارف عليه يجيء يسلم عليهااو يكلمها علشان ياخذون على بعض لانا حفلة الحريم مطوله قالت امه والله ولدي يستحي حتى مانقدر نتكلم معاه في موضوع الزواج بس بأقوله يجيكم امي بصراحه غلطت بس ماقدرت الومها والا امه وش تقول عني الحين...................! بعد مكالمة امه حسيت انه مايبغى يتزوج بس اهله ظغطوا عليه والا معقوله فيه شاب في هالزمن كذا كيف يتزوج اصلا؟ انا خلاص نفسيتي زفت مو عارفه وش اسوي مع انه اسبوع بس صار واضح تغير في شكلي يمكن لان كنت اتوقع واحلم باشياء وطلع العكس او لاني حساسه ورومانسيه مو عارف وش اصلح هل اتركه ويعوضني ربي باحسن منه لان اذا هذا بدايتها وش بيكون بعدين او اصبر ويتغير حاله بعد الزواج ؟ ابغى رايكم صبايا وشباب...... عذرا ع الاطاله
التعديل الأخير تم بواسطة وردة بين الثلوج ; 22-10-2009 الساعة 03:14 PM
السبب: العنوان ليناسب المضمون
22-10-2009, 04:43 AM
ضوابط المشاركة
العرض الشجري