مستجدات اختي مع زوجها البخيل ....
راابط المشكلة السااابقة
http://www.66n.com/forums/showthread.php?t=192030
ما في تقدم ... بس ابيكم اتعرفون شصااار.....
قبل العيد دز لها مسجات .....حب وغرام و شوق ...ويبيها ترد البيت ....انا ابي اروح مؤتمر باريس تعالي علشان نروح سوا ...
عيالها يزورنها كل خميس...ويقول لهم سلموا على امكم.....وقولولها ما اشتاقت لبيتها؟؟ ........
بس اختى ....مطنشته ... حاقرته....ما ردت علية ..
لانها عارفته....يبيها ترد علشان مصلحتة ..يبي الفكة من التدريس .. والمسؤولية .. والعيال...
اختى ام ( مستر بن ...لان ولدها الكبير يشبه مستر بن ..بس والله جميييييل وايد ...)
شرت حق بنتها فستان وشنطة ماركة للعيد .....
قال لبنته ..اسألي امك كم سعر الفستان والشنطة....
أختي ما توقعت ولا فكرت انه راح يعطيها قيمة الفستان والشنطة......
بس كان يبي يلطف الجو.....
المهم.....
حط بحسابها المبلغ ....
أخي كان ناوي يروح بالعيد للامارات ...(( اللي اختي جالسة عندة ))....مع مرتة واختي ...
( اخي ما عندة عيال صارلهم متزوجين اكثر من18 )....أختي مابغت تروح ... بس احنا لزمنا عليها .....
زوج اختي صار عنده خبر انهم بروحون الامارات...
قبل العيد اتعبت اخت مرت اخوي ... ودخلت المستشفى ...غيرو رايهم عن السفر ...
عصب زوجها( ابو مستر بن )) ... وقام يصارخ على العيال .. ويقولهم ... امكم تبي تحرني ...
(( ما ادري ليش ؟؟؟!!!))
المهم ...دز مسجات بالعيد ...عيدج مبارك ام( مستر بن) .......لا تخلين العدوان يتشمتون ....الخ..
اخت طاااااف...اسكب .....
(( يونا بالعيد عيالها ما شاء الله ...الكبييير مزيووون يشبة امه .....والبنت تشبه ابوها ..مملوحة ....اما ابو صماخ ...القزم .....واااااو جمييل مع الغمازات.....))
آخر مسج قالها ... هذا آخر مسج ادز ....ما راح اعطييج ارضاوا.. ولا مصروف شهري ....
واختي مصرة على الفلوس اللي صرفتها على عيالها ....و مصروف شهري .....(( اختي ما همها الفلوس 16 سنة ما طلبت منه ولا فلس .... بس بعدين راح اتعرفون ليش اطلبت .....
هذا اللي حصل بالعيد ....
بعدها ....
قبل اسبوع رد دز مسج ...: ما هقيتك ...شايلة في قلبك ...
ردت : .... 16 سنة عذاب منك ومن امك ..للاسف انتو عائلة ما تفرق بين الاحترام... والخوف....
انا ما ابي غير الطلاق..
رد : ....شايلة في قلبك 16 سنة .. ليش جبتي عيال مني ...
ردت : انا صابرة 16 سنة....على كل اخطائك ....1-...2-...3-.....4-........
( وذكرت له اشياء كانت تعلمها وهو لا يعلم انها تعلمها )......اشياء والله تهز عرش الرحمان .......
رد : بعد الصدمة .......انا احبك ...لو ما احبك كان طلقتك ذاك اليوم بالمحكمة ....
ردت : احنا فيها دق وسمعني ( انت طاااااالق )
بعد نص ساعة دق : تعوذي من الشيطان ...قولي لا اله الا الله ...غيري رايج ...
ردت : انت داق علشان تقولي ..اذكر الله ...انا ابي اسمع طااااااالق ...
تحب اذكرك شنو سويت فيني ... ما بغيت اتكلم في وقتها ...لانك كنت مثل المراهق ...وما بغيت الفضيحه لا لك ولا لي ...احمد ربك اان زوجتك عقلها كبيييير ما افضحتك بين الناس ...وقالتله فعايلة القذرة ؟؟؟؟
(( والله محد يدري عن خياسة ..بس صوتها كان عالي بشقتها فوق ....)) وعرفنا كل شي.....
وفوق هذا قالت له .. تأكد ماراح اقول لاخواني ...علشان وضعك .. و اولادك....
((((( اتحدى اي وحدة تصبر على الخيانة مثل اختيي )))))
وقالته عن فعايل امه ...
اختي اتسمي امه .... (( فلانه الجبارة..العظيمة ...المتسلطة ))اقولكم موقف من مواقف الجبارة العظيممة ...
اختي بتروح الحج مع اخي ومرتة ...قالت لزوجها خل الاولاد عنك بالبر (( المخيم )) وبنتي خلها عند خالتها ..اخاف عليها ..قال ماشي ...لما عرفت الجبارة العظيمة عن البنت .. قالت ...يا فلان بنتك ما تنام عند ..خالتها ...جيبها البر ....قالت اختى يا ابو (( مستر بن )) انت راح تجلس بالدوانية مع الرجال والاولاد معاك وبنتي من عندها .... بنتي اخاف عليها ...من عيال عماتها ... تنام بالخيمة بروحها ... وانت تسهر بالدوانية مع الشباب ..وخالتي مالها حق تتدخل بعيالي وين ينامون ......المهم ..ضربها قبل الحج بوم اركبت الطيارة وادينها وااارمة ...طول فترة الحج ما دق ولا سأل عنها .. بالمخيم جتهم عاصفة قوية طيرت خيامهم ...الجبارة ردت لبيتها مع بنتها 18 سنة .. وخلت عيال ولدها ...وقالت لولدها عمرة 20 سنة ودهم بيتهم ...ما عنده احد ...الاب بالمخيم مع الشباب ...والجبارة بيتها .. وعيال ولدها بيتهم مع الخدم ..ما عندهم احد غير الله ...شفتو الجبارة ..ما خلتهم عندها ..او قالت دقو على خالتكم تاخذكم ...والاب لاهي ....يقول حسبت امي خذتهم عندها .....
بعد هذي المكالمة اختي يومين نقرا علية القرآن و كانت تقرا القرآن بصوت عالي وهي تبكي ....
تقول الشيطان يذكرني ب........وب........كل الامور التي قهرتها .
لما قالت له ابي الطلاق ..
قال بعد ما ارجع من السفر .....انا الحين ما اقدر اطلع من الدوام ويموم الاربعاء راح اسافر للمؤتمر ......
اختي ناطر ..........
اما حياة تسر الصديق ......واما ممات يغيض العدا ...
وش رايكم ؟؟؟؟؟
__________________
الفيلم الوثائقي : أحداث الاربعاء 16 - 11 على اليوتيوب
التعديل الأخير تم بواسطة daimound22 ; 18-10-2009 الساعة 09:08 PM
السبب: اضافة رابط المشكلة الاصلية
18-10-2009, 06:08 PM
ضوابط المشاركة
العرض الشجري