علاقتي دامت تسع سنوات ومازلت أحبه بكل عيوبه !
بسم الله الرحمن الرحيم
كيفكم جميعا أنا حدخل في الموضوع على طول وصدقوني يمكن تلاقوه مكرر مع كثير من القصص وانا نفسي لو رجعت لسنين وره وسمعت القصه كنت حرد برد الحل واضح حكمي عقلك والدنيا تمشي
الحكايه بدأت قبل 9 سنين كنت في 24 من عمري وعندي حكايه انين من تعب أمي ومرضها الله يرحمها
والأهم إني كنت فتاه مثاليه يعني ما أعرف للحب دل البنات وكان أخواني وحتى صديقاتي يسمعوا مني كلام زي السم علشان علاقاتهم كنت عاقله وأحيانا قاسيه رغم إني حنونه وعاطفيه جد المهم في أخر أشهر لتعب الوالده الله يرحمها كنت أسهر بجوار سريرها ويرافقني الكمبيوتر وكنت أدخل النت وطبعا عمري ما دخلت شات لكن أنا عضوه في منتدى معين ومره كتبت قصه الوالده المهم جاتني ردود معقوله بس أهمها كان لعضو فعال في المنتدى ومن هنا بدأت حكايتي بدأ يراسلني على الخاص وانا كنت بجاوب عليه وأهلي عندهم جبر إني براسل اعضاء الموقع وصدقوني إني استخرت الله إني لو كان هذا شر وفيه مضره يصرفني عنه المهم فضلنا نتكلم طول الليل لأشهر في مواضيع عامه ومحترمه وعمرنا ما تطرقنا لشي مخل او خارج عن الإطار لغايه مافي يوم جرنا الكلام وقالي أحبك وانا طبعا رديت عليه إني ما احبه وإني لو حبيته فأكيد لازم يعرف إني عمري ما أسيبه لإني إنسانه اتعلق بالأشياء بشده المهم بعد 6 شهور اكتشفت إني أموت فيه كان دنيتي وكلن نافذتي الصغيره إلي تنسيني عذابي بألم الوالده وتعبها وبعد شهرين توفت أمي الله يرحمها وقتها قولتله لازم نسيب بعض لإني عمري ما كنت حقت أولاد وحب وكدا زعل وقال ليش المهم قالي اتزوجك وقتها طرت من الفرح رغم حزني بس قالي استني كم شهر أجهز نفسي وانا اعرف إنه كان مالك على بنت عمه وطلقها -- المهم بعد 3 شهور كنت سعيده جدا فيه قالي مره انه عنده مشاكل مع
أهله وبعد جرجره قال إن ابوه وعمه يبغوه يرجع بنت عمه ؟؟؟ وانه بيحاول وما يبغاها ويبغاني انا وانه اختارني بعقله وقلبه وعانيت شهور قالي في يوم ان فرحه بعد شهر وانه ابوه قاله يا تتزوج بنت عمك يا حطلق امك --- بغيت اموت الدنيا كلها كرهتها وقولت لأخويا وحتى لوادي وبابا انسان عصبي جدا وصعب جدا
ترا انا ما أخرج ولا ادخل وما اروح لأحد وممنوع النوافذ وممنوع الكشف الشي الوحيد إلي انقذني من بابا انه عارف إني مو حقت الكلام الفاضي وموت أمي وان الموضوع كله ما تعدى الماسنجر يعني لا تلفون ولا يعرف شكلي ولا شي بس طبعا يعرف اسمي بس بابا صار يشك فيا من يومها وزاده حياتي صعوبه وانا وحيده في البيت وبابا جدا صعب الطباع ومستحيل التعامل وكل أخواني يهربوا وانا لوحدي شايله العبئ وهذا موضوع ثاني المهم اني سبته سبع شهور مت فيها 70 مليار مره وانا ما انام ما اكل مو قادره اعيش كنت بس أصلي وابكي واطله من ربنا وحتى لمن يتقدم احد احس بزعر مع ان أي وحده في مكاني تتمنى تتزوج وتخلص من جحيم بيتها وعموما بابا بيرفض كل العرسان المهم بعد 7 شهور رديت عليه في المنتدى بمعرف هو يعرف انه ليا وارسلي إيميل وكلمته وقال إنه ما نسيني ويحبني ويحلم بيا وووووو المهم قولتله انا ابغى اتزوجه يا إيما نقفل وننسى قال افكر وبعد شهرين قال اوكي ابغى اتزوجك واحبك ومن يومها من 7 سبين بدأت رحله العذاب الثانيه المستمره صار بيننا تلفون صحيح كل شهر مره بدايه وطب صوري وارسلتها وسنه وراء سنه توغلنا صار كأه زوجي بجد والماسنجر صار بكاميرا ( انا اكره نفسي بس انا احبه واموت فيه ما اقدر اقوله لا رغم انه نكدي واناني وكل دقيقه يزعل ) وتراه مو حلو ولا فله ومو صريف والادهى إنه غامض جدا وانا ما اعرف عنه شي تقريبا المهم حضرته عنده 3 اولاد ولدين وبنت وابوه توفى قبل ما يخلف فطبعا انا سكت وما فتحت موضوع الزواج قولا يكمل البوه كم شهر شويه عرفت مراه حامل قولت حرام تولد اول بيبي ولدت قولت خليها تكمل كم شهر وفتحت الموضوع متى حتجي تخطبني قال عندي مشاكل في الميراث احلها بس اقوله ايش يا يقول لا تدوشي راسك يحلها ربنا واستمرينا على كدا لمن افتح الموضوع يزعل وانا ما احب يزعل واسكت -انا اشتغلت من سنتين تقريبا يعني صرت اخرج من البيت وقتها وحده صاحبتي في الشغل تعرف قصتي راحت لوحده تقرأ ودع أعرف حرام ربي يغفر لنا وفتحتلي الودع وقالت ترا هو يحبك بس لازم تعملي شي جريئ شهر وحيجي يخطبك وهولازم تخرجي معاه طبعا خفت ومت خوف وقولتله اشوفك هو فرح المهم 7 شهور تخطيط علشان اشوفه ساعه في مطعم وطبعا ما اقولكم كنت في قمه سعادتي وهو كمان المهم انا في التسع سنوات شفته 3 مرات وطبعا هو اتجنن عليا وقالي سبب مشاكله وهو ان عمه ابو مراته أخد فلوس ابوه ومو راضي يردها وانه هو بصفته زوج بنته فمتوكل من اهله ومن امه انه يرد قلوسهم إلي سرقها عمه فما يقدر يقوله حتزوج على بنتك - وهم عيله ما تشتكي أهلها ولا تدخل الحلايم في الخلافات قولتله طيب زوجنا يصير ما يدخل في الخلافات يقولي ما ينفع وانا بحاول وبموت علشان احل الموضوع واجي اخطبك واني لو بعد 10 سنين وحتى لو سبتيني ححل موضوعي وأجب اخطبك ومن هذا الكلام المشكله انه مجبي عني كل شي طلبت منه اشوف بطاقته رفض غموضه ذابحني خايفه يكون بيكذب عليا بس انا بحبه ولا قادره اعيش من دونه - الان انا قولتله لازم بفكر يإما حسيبه لإن عمري ضاع ولمتى - المشكله اني برفض إي عريس بيجي وانا بكبر وفرصي صارت ضعيفه ومو مثل ول ودحين متقدملي عريس كويس س انا حموت ما ابغاه لإني ما اتخيل نفسي ما غبره احبه حتى لو كان يكذب عليا اقول يارب يرجع لعقله ويجيني --- صاحبتي تقولي إنت احسن منه بكثير هو يحلم بظفرك حتى هو يقول كدا بس أنا احبه بعيوبه وبكل شي احبه انصحوني ايش أعمل
اعرف طولت بس حكايتي طويله جدا وعذابي مع والدي وحبيبي طويل جدا
التعديل الأخير تم بواسطة وردة بين الثلوج ; 10-10-2009 الساعة 09:33 AM
السبب: العنوان ليناسب المضمون
09-10-2009, 12:27 AM
ضوابط المشاركة
العرض الشجري