السلام عليكم

انا عندى بنات فى ابتدائى فى مدرسة مع اولاد اخواتىالمشكله فى واحد من اولاد اخواتى هو اكبر واحد بس هو يعنى شخصيته غريبه طول الاجازة انا بيتى حضانة مجانية له ولاخواته اول مايصحى منالنوم يجى ويقعد ومابيبقاش عايز يروح بيتهم الا قرب المغرب معاد رجوع زوجى من عمله وطبعا بيبقى البيت فى حالة يرثى لها ولما يقول ايه البهدله دى ويعرف انه كان موجود بقوله انا باكسب فيه ثواب

المشكله لما بنتجمع فى اى مكان بيعمل مشاكل مع بناتى وبيخلينى اروح بيهم عشان اوقف المشاكل
وتانى يوم الاقيه جاى ولا كانه عمل حاجة

والان لما بدات الدراسة قلنا خلاص كل واحد يخليه فى بيته بس المشكله انه كل يوم واحدة من بناتى راجعة معيطة من المدرسة بسببه مرة رمى القلم من الباص قلتلها خلاص معليش

ومرة يتهمها ظلم انها ضربته مع انها مسالمة وهو اكبر منها واقوى منها

ومرة يقولها الاستاذ فلان قريبى من ناحية الاب وهخليه يضربك عشان انتى ضربتينى وماما الى هى خالة بناتى هى اللى قالت لى ااقول للاستاذ عليكى

وان لما سمعت كده قلت له ماشى يافلان كل يوم واحدة ترجع معيطة بسببك بس انا مش هاسمح بكدة تانى لو حصلت تانى انك تهدد بناتى انا مش هاسكت عن حقهم ومش هاعمل حساب لحد

راح اشتكى لامه وقالت له خلاص انا مش اخت حد ومش خالة حد وهى عارفى ان ابنها كثير الكذب

ممكن تقولوا لى انا اتصرفت صح والا كان لازم اسكت واسيب البنات تتفلق كل يوم؟

حبيبتي مشاكل الاطفال لا تنتهي ..

وفي بعض الاحيان تكون سببا

في خلافات الاهل والاقارب وتفرقهم, وهذه حقيقة !


قلتي بأن بناتك اصغر سنا من الولد , اذا لماذا يأتي الى منزلكم؟

تحدثي مع والدته , او قولي لزوجك بأن يتحدث مع والده.

وستحل المشكلة بإذن الله

طيب اختي انتي ماقلتي كم عمر بناتك وعمر الولد

يعني لو كان صغير مافي عتب عليه وماتيفهم والمفروض انتي واختك مالازم تسمعو كلام الصغار

ممكن توصلو لحل مع الصغار يعني كان لازم تتكلمي معاه بطلف وتفهمي منه ليش هو يعمل هاي التصرفات مع بناتك

او ممكن كنتي تتكلمي معاه وتقوليله هاي الحركات مو حلوه ولازم مايسويها مره الثانيه

القصد انو تتكلمي معاه على ان صغير مايفهم مو على اساس انه يفهم وكبير

يعني انامااعرف كم اعمارهم بس باين انه لسى صغير والصغار راح يكبرو وكلشي يصير تمام وراح ينسو

وتصير سوالف وضحك بس انتو الكبار وقعتو فيها لما ادخلتو بطريقه مو صحيحه

والموضوع لو كان كبير كان لازم تتكلمي مع الاهل علشان تتساعدون وتنهون هاي المشكله

مافي مانع تكلمي امه بأسلوب لطيف ومهذب...والحق مابينزعل منه.

__________________
{اللهم أكرم اخواتي الغاليات عاشقات الامومة بالذرية المباركة والطيبة قريباً يارب}

شكرا على ردكم بالنسبه لعمر الولد عنده 11 سنة وبناتى 9سنين و6 سنين

وبصراحة انا كتييير كلمت اختى وكانت بتزعل لما بكلمها وبتقول وانا مالى عيال مع بعض لكن لو كانت بنتى اللى غلطانة تقولها انا مش هاكلمك تانى لحد ما تعتذريلوا و ساعات كتيييييير بيكون هو الغلطان وبناتى بيعتذروا له لمجرد انه ولد وهما بنات واخر مرة جات بنتى نفسيتها متدمرة من المدرسة وقالت لى انا عارفة ان انتى بتحبى ابن اختك اكتر مننا دا انتى عمرك ما دافعتى عننا وهو مامته بتدافع عنه وبتخلينا نتاسف واحنا مش غلطانين وانا لما كلمته فى الاول كلمته بهدوء ورد على ان مامته هى اللى قالتله يشتكى بناتى للمدرس قريبه عشان يضربهم قدام المدرسة كلها وده اللى خلانى اقوله انا مش هاسمح بكدة تانى لو حصلت تانى انك تهدد بناتى انا مش هاسكت عن حقهم ومش هاعمل حساب لحد

وبالنسبة لوالده لم نرى منه الا الكذب وبذاءة اللسان حتى ان العيلة كلها مقاطعاه

الله يعينك يا اختي

إذا كانت ردة فعل أختك كذه ...فالأفضل إنك تبتعدي عن هذا الوضع تماما" لأنه أكيد إنتي عندك مصلحة بناتك و بيتك و راحتك أهم من أي شي بالدنيا.

إنتي إمسكي الولد و خوفيه و إذا إعتدى على بناتك روحي لمدير المدرسة .

الله ييسر امورك

__________________
اللهم ارحم أخي رحمة واسعة و أجعل قبره روضة من رياض الجنة

غيري المدرسه وريحي راسك


وما تدخليه البيت


بناتك بعمر تبدي تبعديهم قليلا عن الاحتكاك بالشباب


قولي له :انت شاب وعيب تدخل بيتنا وتجلس مع البنات

شكل امه تغار منك او هو يكذب


ومن ثم البنات لازم يحسو انو تدافعي عنهم ومش ضروري تتهاوشي مع امه


هدديه او اوعديه بهديه اذا ما سبب مشاكل لبناتك


واخبريه انو رح تدخليهم ليتعلمو الكاراتيه عشان يضربوه علقه يحرم فيها يعمل مشاكل

__________________
http://live.gph.gov.sa/
اللهم اني استودعك اولادي

انا سبق ولمٍٍَّحت لاختى انه البنات مش لازم تلعب مع اولاد بس هى زعلت وقالت ان ابنها مؤدب وانهم اخواته

ولما هددته خاصمتنى وقطعت صلتها بى و انا نفسى انها تاخذ موقف وتحاول تغير من سلوكيات ابنها لانها بتدلعه حتى لا يتعلق بابوه اكثر منها وكذلك ابوه

وانا اصبحت حائرة فعلا اصالحها واصالح ابنها على حساب بناتى والااقطع رحمى واريح بناتى

مش قادرة اوصل لحل وسط ارجوكم ساعدونى

حبيبتى الاخت الغاليه
انتى عندك بنات بس عشان كده معذوره مش متحمله
انا عندى بنت وولد الولد لما كان 11 سنه كانت هى 8 كل يوم يدخلوا على البيت بوزهم شبرين متخانقين.....هو يشتمها يا كلبه هى تعيط يتريق عليها هى تحرمه يشرب لان الميه اللى معاه خلصت ييجى ميت من العطش وانا دمى يتحرق .......يلعبوا ضرب يموتها ويفرمها تقوم تدلق له الميه على الكتب
عااااااااااااااااااااااااااادى جدا
هو ولد والاولاد فى السن ده بيكرهوا البنات بيحسوا انهم اقل منهم وانهم خلاص بقى قال يعنى رجاله
الحل بسيط جدا جدا
اولا مافيش حاجه اسمها مدرس الولد يضرب بناتك فى المدرسه معلش ده هبل وانتى غلطتى انك سكتتى ما ينفعش بناتك هتتهز ثقتهم فيكى كان لازم تروحى المدرسه وتشوفى القصه
حاجه كمان اختك اسفه يعنى مستهبله فيها وراميه لك الولد.......ببساطه خالص كده لو جه عندكم تقولى له بالراحه معلش البنات مش هتلعب معاك وممنوع تدخل لهم اوضتهم لانك بتتخانق معاهم
عاوز تقعد يبقى فى الصاله لوحدك لانهم مش عاوزين يلعبوا معاك وياريت لو بناتك يقولوا له ده قدامه
وتقولى له لو وعدتنى تبقى كويس هخليك تلعب معاهم .......لو وعدك وغلط غلطه واحده بس خليه يقول لهم اسف وتقولى له روح انت ما بتوفيش بوعدك
والبنات فهميهم ان ما فيش فرق بين ولدوبنت
واختك ما تتخانقيش معاها
قولى لها يا فلانه ابنك ابنى وانا بعامله زى بناتى واحب اشوفه كويس وما احبش ان يبقى مكروه من بناتى ده فى الاخر اخوهم وما لهمش الا بعض ......ده لتبرير اى تصرف عنيف منك للولد وقولى لها ياريت انتى تمنعى ابنك فتره وتقولى له خالتك وبناتها اشتكوا منك ولما تبقى مؤدب تبقى تروح
وربنا معاكى

عمرك اسمعتي المثل يلي بيحكي قاضي الصغار شنق حاله بس ازا الشغلة زادت عن حدها هادا ملاقي حد اخوفه ومع احترامي لاختك هيه مو عارفة اتربيه لازم اخاف من حدا احكي لابوه وانتي مدايقة علشان احسوا شوي

__________________
[rainbow][read]سبحان الله وبحمده سبحان الله العظيم[/read][/rainbow]