السلام عليكم


موضوعي يا اخواني وخواتي مو مشكله بقدر مو هو اختلاف شديد في وجهات النظر
انا عشت كل حياتي في المدن بعكس زوجي كان عايش في قريه
وايام الملكه قبل الزواج كان يعمل بالعاصمه لانه درس الجامعه هناك واتخرج واتوظف
قبل الزواج نقل للقريه عند اهله ... انا اتزوجت وسكنت القريه غصب طبعا ,, ولكم ان تتخيلوا كيف بعد
المدينه تسكن الوحده بقريه فرق في كل شيء ... الصحه والتعليم والاسواق والترفيه
طبعا صبرت واستحملت .. اتذكر اول سنه كلها بكاء وملل وطفش انتظر على احر من الجمر اي فرصه
للسفر ..
الحمدلله زوجي طيب وكريم واحبه ... وفي السنه الثانيه لزواجي اتوظفت وظيقه حكوميه ورزقني الله
على مدى سبع سنوات 3 اطفال
وجهات النظر المختلفه:
انا الان عندي ثلاث اطفال ..قبل كنت ارغب بالسكن في المدينه عشان نفسي لكن الان
ممكن اسلي نفسي بوظيفتي وبالانترنت وباشياء اخرى .... للمعلوميه انا مالي قرايب هنا نهائيا بعكس
زوجي ... لكن الان مع وجود الاطفال والرعايه الطبيه السيئه اكره نفسي اذا مرض احدهم واطفالي
بدأو يدرسون والتعليم موذاك الزود وكل خميس وجمعه يملون ومافيه اماكن للخروج والترفيه
والتسوق خصوصا ايام الاعياد .. مع ان زوجي مايقصر بالسفر كل شهرين و ثلاث اسافر للترفيه او للعلاج
وبحكم سكني في القريه انقطعت بشكل كبير عن اقاربي وعن مناسباتهم وعن جمعاتهم ..كل الاتصالات بيننا بالجوال .
انا اشوف انه خلاص يكفي الي عشته بالقريه وحان وقت النقل للمدينه لانه ماقدرت اتكيف واولادي محرومين من اشياء كثيره

وجهة نظر زوجي انه ما عنده مشكله بالنقل لكن مو الان ... متى ماكون نفسه بشكل يؤهله للسكن في المدينه ...لانه حسب نظرته الحياه في القريه اوفر والواحد ممكن يكون نفسه بتجاره بسيطه وتكبر او بمقاولات ,, لانه صعب ان الواحد يعيش على الراتب خصوصا في المدن واذا عاش على الراتب مستحيل يجمع لبيت ملك .......واذا كون نفسه بشكل يسمح له بالسكن في بيت ملك وبحياه كريمه في المدينه في هذاك الوقت يحين وقت النقل والله اعلم متى ماقدر اوعدك هذا كلامه .. والصراحه خلال ثلاث سنوات من العمل الجاد قدر يوفر لي بيت ملك وتجاره له طبعا في القريه وانا اقول يكفي ممكن تكملها في المدينه وهو رافض
ويقول لا باقي كم سنه وتكبر التجاره لسه بدري!! ...... وانه انا نظرتي قصيره وهو ينظر لبعيد لمستقبل اولاده
ولنا كم يوك كلما فتحت الموضوع عصب وزعل وطلع برا البيت
ايش رايكم ؟؟