السلام عليكم
ياجماعة بدي احكيلكم قصتي مع اختي الأكبر مني هي مو متزوجةوانا اصغرمنها بسنتين كنا انا وهي صحبة لابعد درجة بتتخيلوها دراستنا سواروحاتنا مع بعض وكنا انا او هيي إذا اختلفنا مع امنا كل وحدا دافع للثانية حتى لو بالكذب وانا سبحان الله كانوا يجوني عرسان كتير وهيي ما يجيها حدا وهيي كانت تفرحلي كتير لحد ما إجاني النصيب على ابن عمتي وتزوجنا ومن بعد العرس بلشت المشاكل معها صارت توقفلي ع الشعرة لمرة انا وزوجي قاعدين ع الفرندا عند اهلي والا بنسمعها بتقول للماما خليها تروح احسن ما أطلع اقلعاهيي وجوزا قام جوزي قللي عملي حالك ما سامعتيا وخلينا نراعي شعورا وراح الموضوع وانا سافرت مع زوجي ع الغربة وكل ما أنزل إجازي تستقبلنا أحلا أستقبال وبعدين نشوف العجب منها
ومن سنتين لهلأ زادت مشاكلا علي كتير وصلت لحد ما عدت اتحملوا منها اساس المشكلة من سنتين لما تقدملا شخص والبابا رفضوا لان ما عندوا بيت وبدو يسكنها عند اختوا بصراحة البابا معو حق وهيي سكتت تاني يوم قالتلي مشي ننزل السوق قلتلا يلا مننزل أستأذنت من زوجي ونزلنا ونحنا بالسيارة قالتلي انا رايحا شوف طارق قلتلا شو لوين ريحا قالتلي انا هيك بدي اتفاهم معوا منشان يقدر يقنع ابوكي قلتلا لاوالله ما بروح معك وقمت اتصلت على زوجي وقلتلوا طبعا هيي كانت تركتني وراحت
قلتلوا انا لحالي بالسوق وعم ببكي من قهري ما ني عارفي شو اعمل قام قللي انا جايي ولما وصل قللي تعي نطلع ع البيت قلتلوا وين نطلع وهيي ما معنا شو بدي قول لأهلي قللي لكن منستناها شوي والله بتتصل فيني قلتلا معي زوجي عصبت وقالتلي عطيني احكي معوا واالا بيحكي عريس الغفلي وبحلف على زوجي يجي وبعدين رحنا سلم علي وبهدلا قداموا وقللوا ما عيب اللي بيدخل بيوت الناس يعمل هيك قللوا انا ما دخلني هيي اتصلت علي ومشينا
ومن يوما يا غضب الله علي وعلى زوجي دائما مشاكل وبتحكي علينا قدام الناس تخيلوا حتى وصلت فيها انا بتعمل حالا جايي تزور عنا وطبعا انا بكون بالغربة وبتقعد بتعلم عمتي إم زوجي علي وبتقلا أنوا أنا بحكلي على عمتي قام الناس وبحكي على اختي التانية اللي هيي مرةأخو زوجي وبتجي لعندي وبتقللي عمتك بتحكي عليكي واختك بتحكي وانا من صغر عقلي بجي وبعصب وكل هالشي خلال الإجازة تلات شهور بس والله العظيم ياجماعة من سنتين وانا بحلم إنزل لعند أهلي وانبسط إلا كل يوم مشكلة وكل يوم حكي قمت بطلت إنزل عند أهلي صارت هيي تجي وتعملي مشاكل مع عمتي واختي لحد ما خلتون يتفيروا من نا حيتي وهيي بتبين أنا عم تحكي من حسن نية ولمصلتون ونفس الشي بتعمل معي
هدا غير كرها لبنتي وبنتي صغيري عمرا سنة و8 شهواوانا ماجتني البنتلبعد خمس سنين يعني شايفتنا وما مصدقا والله راحت قالت لعمتي سبحان الله ما بحب شام بحس ما في الفي بيني وبينا وانا بحس انا بتحب بنت اختي اكتر
والله العظيم هذا جزء من مشاكلاإذا بحكيلكم عن مشاكلا ما بخلص لبكرة مشان قلولي شو بدي اعمل كيف بدي ارتاح من مشاكلا لان نازلي بعد فترة اولد ببلدي وبصراحة انا وزوجي كتير شايلين هم منا

__________________

اهلا اختي
الي فهمتو
علاقتكو سائت بسبب زواجك
السبب واضح
اختك حست انها فقدتك بعدما كنتو اعز من الاخوات والاصدقاء وبتموتو في بعض
كنت ونس الها ورحتي وحست حالها لحالها
وغيرانة عليكي من زوجك
وخلص مجروحة عشان تركتيها بغض النظر عاد هادا صح ولا لا بس هي الحاصل بكل تاكيد
ويمكن عشان كنتو اتنين انسات زي بعض فحاسة في حد زيها
هلأ حاسة حالها الوحيدة المش متجوزة وغير شكل عنكو


جربي انسي كل الي فات
عامليها بحب وحنان
واهتمي فيها كتير
واتصلي فيها ومسجات وانت برة
واحكيلها اشتقتلك وكل اشي
وازا عصبت ولاشي
احكي معها بهدوء
يعني احتويها وحني عليها مسكينة حاسة بالوحدة
هادا مش مبرر وتصرفاتها غلط اكيد
بس بدك تراعي مشاعرها
والله يبعتلها نصيبها يارب

__________________

والله يا ملك قللي زوجي نفس الشي وصرت كل فترة ابعتلا مسجات وحن عليه اكتر من اول والله حتي الهدايا اللي بجيبا غلها اكتر ما جيب لأي حدا تاني بس المشكلي بتلاقبها نفس الشي وا عم تتغير وإذا تغيرت ليومين تلاتي بقول الله يستر وفعلا والله العظيم كل ما بتتحسن بيكون وراها مصيبي والمشكلي بتجي اختي التاني وبتقللي ليش هيك عم تحكي علي ولا بقا تعاملي اختك معمالي سيئة بقلا طيب قللي شو عملتلا وانا بقلك صح ولا غلط بتقلي نا بعرف هي هيك حكت

__________________

طولي بالك عليها
والشغلة بدها طولة بال لتتغير عطول
يعني مو تجيبي هدية وتتغير يومين وترجع مو منيحة وتقولي مافي فايدة لا
الشغلة بدها انو تضلك منيحة حتى لو عملت شي مش منيح بعد حسن معاملتك الها
يعني كنت راجعة من السفر وجبتيلها هدايا وتحسنت يومين ورجعت عاطلة خليكي كويسة
اثبتيلها مافي شي بغيرك ناحيتها
اصبري مش من اول مرتين تلاتة وتقولي مافي امل

__________________

ينقل الى مكانه الانسب -التربيه والحوارالاسري-الاشراف

__________________
اللهم لا اله الا انت سبحانك اني كنت من الظالمين

جوزوها و اخصلوا من مشاكلها
هدا احسن حل
بس بقا يجي ابن الحلال
انا برأيي هالنزلة لما تروحي عند أهلك خديلا هدية حلوة
و بعدين حاولي معا أسلوب التطنيش و السكوووووووت لا تحكيلا شي و لا تسمليا سر
و كل ما حكت شي قوليلا انا قررت توب عن الغيبة و النميمة الله يعفي عننا
و من هالكلام
كل مرة حجة .. ما تتركيلا مجال توقع بينك و بين حدا أبداً
و من ناحية بنتك .. و لا يهمك أهم شي ستا و جدا يحبوها و بلا محبة هالخالة ما حينقص من وزنا شي اذا ما حبتا خالتا هههههههه
انا عندي قريبة كتير بتعملنا مشاكل بالعيلة
اكتر اسلوب بتبعو معها أسلوب التطنيش عن كل شي بتحكيه علينا و لما بقعد معا ما بعلق ع شي بتحكيه
هدا أكتر اسلوب يريحك
مشان ما تدخلي بالقال و القيل
و أحلى شي اني زوجك مكبر عقلو و مو عاملك مشاكل و لا عم بزن عليكي (أختك و أختك و أختك ........)
حمدي ربك انه مستوعبا
كانت المصيبة مصيبتين لو زوجك اتضايق
يمكن لأنه قريبك و بيعرف طباعها ما بواخزها
هي بس تتجوز ان شاء الله بتنحل كل مشكلتا ان شاء الله
خاصةً اذا تجوزت على غربة و عرفت قيمة الأهل و الخوات : )
ساعتا رح تندم كتييييييييييييييييير
الله يسهلك حملك و ولادتك يا رب

__________________
.
.

استودعتك أهلي في سوريا يا من لا تضيع ودائعه

ولك آخخخخخخخخخ ياماريا ما عاد يجي هالعريس ويريحنا البابا حلف اول عريس بيجيها لو ما عنده شي يجوزها ليرتاح من هما

ومن شان اسلوب التطنيش هالصيفية طنشتها ولا حتى اقعد معها غير على العشا الغدا قامت الخانم استغلت الفرصة وصارت تحكي اكتر من اول
تخيلي قررنا أنا وعيلة جوزي انه خلص ما عاد نستقبلها كتير لان الحمد لله عملت فصل فيهم وكشفوا انا نزلت عند أهلي على وقفة العيد إجت قالتلي صحي صهرك نازل ع حلب يشتغل وبدو ياخد أهله قلت لها هيك أحسن بتعرفي اختك وولادها وعمتك ما بينتركوا
تاني يوم أول يوم العيد وصلت أختي التانية قامت نطرت لنزلت أنا وزوجي وبنتي ع العيد وصارت تبكي وانا مالي حظ من حدا قالت أختي شوفي قالت لها هيك ما عاد بدكون تستقبلوني عندكون انا شو عملت
وقت اللي جيت المسا بتجي اختي التانية وبتقول لي هيك اللي أمنك ع سر قلت لها شوفي ليش قالت لي لاختك أنو صهوراتا ما عاد بدن هيي قلت لها والله العظيم ما حكيت غير أنه انتوا مسافرين تخيلي دهاءالوين موصلها بتستنتج وبتحكي
ومن شان محبة بنتي ما عاد يهمني بالناقص منا كنت بالاول كتير انقهر لان ما حدا عرف بالموضوع غيري أنا وجوزي كنا نحس انا ما تنتبه لها كتير وبعدين تخيلي مرة قاعدة عم طعميا سندويشة فلافل وفرحاني لان فيها خضرا بتجي وبتاخدا من إيدا وبتعطيها لبنت أختي التانية ووهديك أكلت وخلصت انا من قهري تاني يوم جيت قلت لها ليش هيك عملتي قال ياخ انا يبعت لها بالكسر لأيدي إذا كنت قاصدا شي قلت لها آمين ان شاء الله تنكسر

جوزي الحمد لله متفهم الوضع كتير منيح بس أحيانا وقت اللي ما بيدخل بشي بتجي بتقول للناس شفتوا إذا جوزها ضدها رحت قلت لجوزي وامه قالت له انه عم تحكي هيك قال لهم لا ما ضدها بس هديك بنت خالي وضيفة عنا ما بقدر حكيها شي

هيي بتتمنى تسافر ع الغربة منشان ترتاح مننا قلت لها والله نحن منرتاح منك ع القليلي مننزل عند أهل من قيل وقال وهي سوت وهي عملت وتلخصيلي أحداث العيلة اللي صارت بسنة بيوم واحد
على فكرة انا ع النت لا عاد طلبتا ولا حكيتا بس يوم العيد الأضحى بعتلا رسالة

__________________