السلام عليكم ورحمت الله وبركاته


اشكر القائمين على هذا المنتدى الرائع والله اني ابحث عنه من زمان والف شكر على المواضيع المفيده لنا


مشكلتي

اختي انخطبت الصغرى خلاص واختي اللي فوقها متكلم عليها وكثير خطبوها هي واختي الصغرى خلاص انا راضيه والله بقدري منين وانا صغيره وشوففهم يتكلمون على خواتي بخطبتهم واللي يقول هم احلى مني وكلام الناس وانتو عارفينه وانا شايله همي وساكته بقلبي ويوم كان عمري 17 خطبني واحد عمره وش اقلكم اكبر من ابوي يمكن 50 عنده 6 عيال وانا كنت وقته ادرس ومافكر بالزواج وقته ورفضت وابوي تخيلوا يغصب علي بالزواج منه هو وعمامي لكبري و ان محد خطبني وانا رفضت وقام يهدد بامي ويطلق لولا الله ستر وانتهت الخطبه لاني مو مرتاحه ومشى العمر لين الحين تخرجت لي ثلاث سنوات متخرجه ومحد دق الباب لخطبتي لكان دق الباب على خواتي الله يوفقهم والله فرحت لهم وادعيلهم كمان ورغبهم بالزواج خلاص هذا نصيبي من الدنيا ويمكن خيره لي لكان افجاء بعمامي مره ثانيه يقولون لا توقفين بطريقهم ولا تمنعين خواتك من الزواج وانا ماسويت هذا الشئ اصلا واحاول اكلمهم بوجهت نظري بس هم مفكرين كذا وانا من يومه والله حزينه وساكته وخايفه وبس مهمومه واخاف انهم بعد زواج خواتي يرموني بواحد وكله هذا لا يرعوان بمشاعر الوحده والعمر والا كلام الناس ارجوا مساعدتي

ياحبيبتي انتي الله يرزقك يااااااااارب

شوفي بقولك شي
كلام الناس لايودي ولايجيب

انشغلي بنفسك اهتمي ببشرتك بجسمك وخلي كل شغلك الشاغل هالاشياء

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

أختي صمتي اسمعيها مني والله هذي أرزاق مو على انك حلوه ومو حلوه لاتهمك هالاشياء هذا نصيبك أحيانا

تجي للواحد مشاعر يقول كذا لكن تبقى حكمة العزيز الحكيييم أجل أنا والله ماأمدح نفسي تخيلي من زمان من يوم كنت

بالثانوي انخطب وحد الحين ماتزوجت يعني نصيبي ماجا مو على عدد وكثرة الخطاب وبالنسبه للجمال انا كثيرر يقولون لي أنتي

أحلى خواتك وخواتي كلهم تزوجوا الحمدلله بعمر اصغر مني بكثير كلهم تزوجوا وهم ب3جامعه وانا الحين متخرجه وماتزوجت!!!!!!!! ولاتحسبين مايجيني كلام من الناس وتلميحات بس الناس تبقى عقلياتهم كذا


ونصيحتي لك اكثررري من الاستغفااااااااااااااااااار وباذن الله ربي يفرجها لك

.. حلو شعور القناعه انه هذا نصيب , وان شاء الله , نصيبك راح يجي , وما عليك الا الصبر والاستغفار والدعاء ..

.. عزيزتي ,, عمامك ما لهم حق يقولوا لك كذا , وهذا انتي ما سويتي شيء ولا قلتي شيء , بس ما عليك , أصبري

( ان الله مع الصابرين ) ..ويارب يرزقك بنصيبك عاجلا , ويكون مثلك حنون وطيب وقنوع ..

.. انت الحين جهزي لخطوبه خواتك , وساعديهم , بكل شيء , وانتي اختهم الكبيره يعني لازم يحتاجون مشورتك , ورأيك ..

.. روحي معاهم السوق , وجهزي لهم حق خطوبتهم وزواجهم , وجهزي نفسك علشان تفرحي فيهم , ويمكن نصيبك ناطرك

في حفله وحدة من خواتك .. وتشوفك اخت او ام فلان وتحبك وتخطبك ..

.. ما عليكي من اعمامك وكلامهم طنشي , وعيشي الفرحه مع خواتك .. وترى انتي لسه صغيره , لا تخافين و لا تحاتين ..

يا عزيزتي تفااااااءلي ..
سبحان الله دائما لما تتزوج الصغيرة ينفتح باب رزق لأختها الكبيرة ..
أنت خليك معاهم وساعديهم ولا تبينين لهم ضيقك أبد ..
وربي ما ينسى عبادهـ .. بيرزقك إن شاء الله باللي تتمنينه ..
وماله علاقة أبد بالجمال لأنه نسبي .. ناس يشوفون أختك أجمل منك و غيرهم يشوفونك أنت الأجمل
فماهو مقياس ابدا ..
إنشغلي عزيزتي بشيء يفيدك ــ لو كنت فاضيه ــ
بالتوفيق .. ونحتفل فيك قريب بإذن الله

__________________
ي رب رضاك و الجنة

بالنسبه لنا نظرة الناس عادي مو شرط الصغيره تكون احلى ممكن الصغيرة مو حلوة سبحان الله الزواج مالوا دخل بي الشكل انا اول اخت اتزوجت كانت اكبر منى واصغر بي كم سنة من الكبيره وبعدين اتزوج اخويه الا اصغر واحد والكبيره لسه طبعا نفسيتها تعبت وو... خصوصا انو وصلت فوق ال30 وبعدين ربنا رزقها واتزوجت الان اختى اصغر واحده اتخطبت وانا اكبر منها بي 9 سنوات لسه

صح في الاول اتاثرت كتير وبكيت مو حقد ولا حسد بس دا طبيعي والحمدلله الان وضعي افضل بالعكس بااحاول اعلمها تطبخ واعلمها اشياء كتير وان شاء الله يكون التاخير خير لنا ورزقنا جاي ان شاء الله

طنشي وعيشي حياتك ولاتعطي الناس اذنك والله تتعبي

اتمنالك التوفيق والله يرزقنا جميعا

__________________
ياررب ارح قلبي وعوضني خير

بنت ناس بنت مكة ألوان **ام الجود **Ms. Blue جمال الروح


الصراحه ردودكم تريح القلب وتعطي دافع للانسان بالقوة واشكركم على مشاركتكم الطيبه وهذا من طيبكم وانشاء الله اسمع بنصائحكم والله يعين

عاااادي حبيبتي انتشر كثيييير الصغيره تتزوج قبل الكبيره

كل واحد ياخذ نصيبه صح من زمااان مستحييل تتزوج الصغيره قبل الكبيره لان الاهل يرفضون

بحجه انه يطلع كلاام على الكبيره يعني فيها عيب او شي لاسمح الله وكله جهل وسوالف فاضيه

حبيبتي وسعي صدرك وماتدرين يمكن نصيبك بعدين يطلع احسن من نصيبها الدنيا ارزاق وكل واحد بيجيه رزقه

لاتكبري الموضوع وافرحي لها وبيني لها فرحتك

الله يوفقك ويعجل برزقك ويكتب لك الخير والحظ الطيب

__________________
لااله الا انت سبحانك اني كنت من الظالمين

حبيبي
وسعي صدرك .. وخلي شعارك بالحياة طنش تعش تنتعش ..

سبحان الله دائما الاحظ ان الصغيره لما تتزوج تلحقها الكبيرة على طول ويكون حظها اكبر واحسن من اختها الي تزوجت قبلها ..
اهتمي بانوثتك وشعرك وبشرتك واناقتك .. هده كلها اسباب تجيب لك الرزق مع الصلاة والدعاء والاستغفار
الاستغفار سره عظيم .. ومفعوله سريع ..
الله يرزقني واياك وبنات المسلمين اجمعين بالزوج الصالح الحنون التقي الغني الكريم
عاجلا غير اجل
عاجلا غير اجل
عاجلا غير اجل
امين امين امين
والحمد لله رب العالمين