السلام عليكم ورحمة الله
وحشتوني كثير انقطعت خلال هذي الايام لاني سافرت لزوجي وكنت جدا مشتاقة له ورحنا غيرنا جو بالطايف وعشت احلى يومين معه
لكن كالعادة يافرحة ماتمت طلقعنا من الفندق مثل العصافير مبسوطين وركبنا التليفريك ونزلنا قرية الكر عشان نتقهوى شوي قالي زوجي بروح اجيب لك قهوى واجي
نادناني وقالي في مكان حلو نروح نجلس فيه وهناك السرفيس موجود رحت معه شوي اطل من المكان المرتفع واحصل تحت كله حريم ووحدة منهم كانت كاشفة
قلت له انت جبتني هنا عشان تطل على الحرمة وتجلس تناظرها ؟
قالي اي حرمة وجلس يحلف لي كالعادة طبعا غيرت المكان الي وداني له ورحت اجلس بطاولة ثانية
قالي بزهم الهندي عشان يجيب لنا مشروبات وراح نفس المكان الي فيه حريم وصار يقول ياسيد وينك تعال
والحريم جالسات تحت حرقتني الغيرة وصرت اقدم الكرسي عشان اطل عليه اشوف ايش يسوي هو حس فيني طبعا وجلس يضحك انا اعصابي تلفت وقتها
قلت له ترى غض البصر مطلوب ولازم تخاف الله بتصرفاتك وصرت اتكلم بدون مااشعر وحسيت اني تافهة وحقيرة قدامه وهو جالس يبتسم بوجهي
رجعنا الفندق وانا زعلانة وهو يحلف انه ماللتفت على الحريم والمصيبة اني كنت اشوف بعيوني معقولة ياعالم انا مجنونة ولا عيوني تكذب
المهم كان فيني حيل اني اتناقش معه وابرد النار الي بقلبي صرت اتكلم وارمي له الكلام وهو ماينطق بولا كلمة ويناظر التلفزيون ويضحك على فلم عادل ايمام
حسيت وقتها اني حقدت عليه واني ابغى اقهره باي طريقة قمت لشنطتي وطلعت جوالي ودقيت على وحدة من صديقاتي هو مايحبها ويحس انها تشاركني بحبه وتعمدت اني ادق عليها قدامه
ابد الجدار يتحرك وهو لا.انا سبق وتكلمت عن بروده وقلت اني اعاني منه ذا البرود الي هد كل شى بداخلي جميل ويفقدني الثقة بنفسي
ثمن قالي انا لو بغيت اناظر كان ناظرت يوم كنت لوحدي وشفت بنات كاشفات قالي شدوني والشيطان قاله ارجع ناظرهم من جديد وتعوذ من ابليس وماناظر هذا على حسب كلامه لكن الحقيقة "يعلم خائنة الأعين وماتخفي الصدور "
قلت له ترى مب زين تقولي شدوك الكلمة قوية بحقي يعني بعد كل الي اسويه عشانه مااشده
وربي البيت يااجماعة اني بدون مازكي نفسي على الله عطورات ولبس فاخر ومكياج وكشخة .................لا انكر عيوبي انا احقق معه مثل لو انه في مغفر والصراحة هالاسلوب كرهني بنفسي قبل لايكرهني غيري ودي ابطله لكن الغيرة تحرقني
زمان هو كان يحتار في برودي وكان يتمنى اني اقوله كلمة احبك والحين لمن وصل للي يبغاه احسه صار بارد
انا الصراحة ودي ارجع باردة مثل الاول لاني كنت مرتاحة وكنت احس بالسعادة قولوا عني انانية الي تبونه بس والله حبي جدا صعب وتعبت تعبت .واحيانا افكر بالطلاق واقول خلاص تعبت ابتزوجلي واحد ماحبه ولا اغار عليه واخاف اذا تطلقت وتزوجت غيره بتكون نفس المصيبة \ابي حل لنفسي امس داقة على اختي اقولها هل انا جميلة ؟ قالت لي نعم وحسيت انها ضحكت علي وقالت هذي اكيد شكلها مجنونة لكن ماكان لي الا اختي اسالها هي تضحك علي احسن من الغريب
طبعا زوجي غيرت له طريقة لبسه وصرت انا الي البسه على كيفي وصار يجنن وجذاب والصراحة ندمت الحين اني علمته اشلون يلبس لاني خفت عليه يكون ملفت للنظر
ودي يرجع زي زمان بس صعب الحين لانه تعلم ثقتي بنفسي راحت وربي البيت لاني كل مااشوفه يطلق نظره يحسسني اني حقيرة وقدامه ولا شى طبعا هو ينكر انه يطالع ولكن والله اني اشوفه
ويوم جاني المطار بستقبلني خليت يحرتي الشنط ورحت الله يكرمكم دورة المياة وجاية من بعيد اشوفه واقف يطالع بوحدة جاية كاشفة قلت له زيح من مكانك ورح هناك وخلي العامل هو يجيب الشنط
تخيلوا قرفت من نفسي قلت معقولة انا كذا اكلمه من اول ماجيت من السفر حسيت نفسي اني حثالة واني مو حرمة قدامه
ودي اتحلى بالصبر والحكمة بس كيييييييييف؟؟ ودي ارجع انا هي فلانة حقت زمان ابي برود لانه جدا يناسبني ويريحني
ساعودني مالي غيركم وربي البيت اني اكثر صراحة معكم لاني كل ثقة بعد الله انكم راح توقفون جنبي

أختي الغالية حوررر

تذكري هذه الجملة في أي موقف تحسي فيه بالغيرة "واثـــــــق الخطى.....يمشي ملكاً"

خليكِ قوية و واثقة من نفسك و ما تحسسي زوجك بغيرتك أبداً و إلا بعدين راح تمرضي نفسياً و تخربي بيتك بيدك و انتي الخسرانة

لأن إذا حسستي بغيرتك...راح يقارنك بيهم!

لكن إذا بينتي له إنهم ما يهموكِ و ما تفرق معاكِ...راح يفقد إهتمام النظر لهم!

و إن شاء الله هالنظرية تتناسب مع طبيعة زوجك!

__________________

معك حق والله بس ان شاء الله اني اقدر احاول اصلح الي تقول عليه

السلام عليكم

اختي حور معليش انتي مبالغه في غيرتك

وبعدين انتي رايحه تتمشي ولا تراقبي زوجك

بقولك حاجه الرجل مايحب الحرمه الي ماتثق فيه

ولو بيناظر بنات هذي مسأله بينه وبين ربه يعني الله الي يحاسبه

يعني ماتقدري تمنعيه وانتي مو موجوده عنده

واذا صار موقف زي كذا قدامك قولي له انا ماراح احاسبك بس اذا طالعت في البنات

يجي يوم واحد يطالع فيني وانت ماتدري هي المسأله دين

واتركي وساوس الشيطان عنك

حـور خير ان شاءالله !!

ماتسـوى على هالمسكين !

::

ماعليه بس لو بيناظر لغيرك يمكن ماناظر لجمال وغيره يمكن يقول في قلبه :

يمكن هالأنسانه اعقل من زوجتي واحكم منها وغيرتها اخف !

بالله هذي تصرفات ؟!

اعقلي باااااااااااااااااااااااابنت .. وخلي زوجك يتنفس ..

اخاف اكثر كلام وتزعلين مني .. بس انتي عارفه مشكلتك .. وانتي جايه هنا تفضفضين ..

مو تحلينها .. لأنه مليون مره تشتكين من الغيره بس ماشفناك قدمتي خطوه عشان تحلينها !

اتمنى انك تلحين بالدعاء لله .. ان يشفيك الله من هالغيره لأنها مرررض ..

ويمكن تقلب حياتك لجحيم لايطاق ..

::

تلحقي نفسـك قبل يهـــــــــــــــــــــــج ~

__________________
{ احبــــ ـــكم بلا استثنـاء ~

اخ ياقو قلبك

وش رايك تبخقين عيونة عشان ترتاحين

حراااااام عليكي وش ذي الحكرة هذا زوجك مو ولدك

وش قصدك كاشخة وعطورات اذا انتي كاشخة هالكشخة بالاماكن العامة

اقولك مايجوز خافي الله تفتني الرجال حبيبتي هم بعد لهم زوجات يغارون عليهم

الا اذا كانت كشختك فالبيت فالحمد الله

لنتي ناقصك الثقة بالنفس اوثقي وخلاص تنحل المشكلة

__________________
ربنا هب لنا من أزواجنا وذرياتنا قرة أعين واجعلنا للمتقين إماما

حبيبتي بياعة الورد انا قلت الكشخةفي البيت
لو اني ماخاف الله اكشف بالشارع واخلي زوجي هو بدل ما انا اراقبه ينحرق هو بنظرات الرجال لي
وللمعلومية زوجي عادي لو اللبس مخصر وخاصا لو طلعت معه مايعارض ذا الشى مااقول ان زوجي ديوث لا حشاه لكن مايعارض ووانا الي ارفض اللبس مخصر برى حفاظا على مشاعره وخوف من الله
ارجوكم قبل اي اتهام لي افهوموني وش اقصد

اختي بدي احكيلك اني لاحظت انو الرجال اذا حس انو زوجتو بتغار عليه كتير بفكرها عندها نقص وعدم ثقة بحالها، وبفكر حالو او بتهيئلو انو احسن منها، وبالتالي ممكن يحقرها، لذلك ابدا ما تحسسيه بهالغيرة، وبالعكس كلما طنشتي الغيرة وما اظهرتيها، بزيد شغفو وفضولو واهتمامو انو يعرف ليش ما بتغاري؟ او بحكي بعقلو هل هي ما بتحبني ولا بتغار علي؟؟ فبحاول يكسب قلبك أد ما بقدر، وانتي بنفسك حكيتيها انو هو كان غير لما انتي كنتي باردة من هالناحية. طبعا هالشي حقيقي ومجرب .
اسمعي من الاعضاء وما توريه هالشي، والمسألة مسألة انك تعودي حالك عهالشي وبتتعودي، بس اولها بتهيئلك انو صعب تتحكمي بمشاعرك.
الله يحببو فيكي وما يشوف احلى منك بالعالم كلو.

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

تسلمين حبيبتي ام محمد يعطيك اللف عافية يالغالية
الا بشريني عنك كيفك وكيف صحتك حبيبتي